بالفيديو.. حمدى قنديل: "رقدوا مبارك ع البورش ليلة هترجع الفلوس اللى نهبتها العصابة"

[محمد زنادة]

بالفيديو.. حمدى قنديل: "رقدوا مبارك ع البورش ليلة هترجع الفلوس اللى نهبتها العصابة".. ويطالب بعدم تحمل الدولة تكاليف علاجه "ولا المركز الطبى ما بيقبلش فلوس حرام"

http://www.youtube.com/watch?v=vJXwC...ature=youtu.be

طالب الاعلامى حمدى قنديل بإجراء تقرير طبى مستقل يوضح الحالة الصحية للرئيس المخلوع حسني مبارك. وطريقة تعامل الدولة معه كمسجون احتياطى وتكاليف علاجه الكبيرة التى تحملتها منذ تنحيه حتى الآن، متسائلا "لماذا لا يتحمل فاتورة علاجه وإذا كان غير قادر على ذلك.. ليه ما يدفعش فاتورة علاجه وإذا كان مش قادر يدفع فاتورة علاجه ما يدفعها أولاده ولا المركز الطبى العالمى علشان هوة عالمى ما بيقبلش فلوس حرام ندفع فاتعورة علاجه، ولا علشان هيا مش من مصروف بابا أو من عرق الجبين ما هو طبعا كل فلوسهم حرام كلها من السمسرة وتحت الطرابيزة والسرقة من فلوسنا احنا".

وقال قنديل خلال حلقة اليوم من برنامجه "قلم رصاص": نحن قصرنا عمدا وسهوا فى منع وتقفى أثر الأموال التي تم تهريبها للخارج، وخير دليل على ذلك ما قيل خلال أيام الثورة عن هروب حسين سالم يوم 2 فبراير ومعه عددا من الحقائب هرب بها ملايين الجنيهات بغض النظر عن ثروته الحقيقية، وبقاء زكريا عزمى فى مكتبه برئاسة الجمهورية لشهور من بعد تنحي مبارك.. فضلا عن الـ 2 مليار دولار التي يمتلكها علاء وجمال مبارك فى سويسرا فقط، وما يملكه سكرتير الرئيس أكثر من 5 مليار جنيه و5 قصور و38 شركة.. يبقى مبارك عنده كام؟".

وأضاف: هل وصل مبارك إلي حد الفقر بحيث لا يقدر على دفع فاتورة علاجه، خاصة مع كشفته جريدة التحرير منذ أيام عن أنه يصرف بالمركز الطبى العالمى نحو 5 آلاف جنيه يوميا و25 ألف جنيه مخصصة لتأمينه وحراسته ليصل إجمالى ما دفعته الدولة على علاجه منذ دخوله المركز فى أول أغسطس حتى الآن إلى 2 مليون و250 ألف جنيه، ولا يدخل فى ذلك ما تحملته الدولة لمدة 6 شهور خلال فترة إقامته بمستشفى شرم الشيخ الدولى.

" بعد 8 شهور من تنحي مبارك عاوزين نعرف إيه حقيقة مرضه.. عاوزين تقرير صحى مستقل عن حالته الصحية.. ليه ما يتحطش فى مستشفيات الحكومة ويتعالج فيها ولا الكلام اللى كانوا بيسمعوه لينا عن التأمين الصحى كان فض مجالس.. ليه ما يدفعش فاتورة علاجه وإذا كان مش قادر يدفع فاتورة علاجه ما يدفعها أولاده ولا المركز الطبى العالمى علشان هوة عالمى ما بيقبلش فلوس حرام ندفع فاتعورة علاجه، ولا علشان هيا مش من مصروف بابا أو من عرق الجبين ما هو طبعا كل فلوسهم حرام كلها من السمسرة وتحت الطرابيزة والسرقة من فلوسنا احنا.. وبقائه على هذا الوضع مثير للشكوك على الرغم مما قاله مصدر عسكري بأنه تطبق عليه كل قواعد الحبس الاحتياطى "، هكذا تابع حمدي قنديل حديثه خلال البرنامج.

ووصف قنديل ما قيل عن حقيقة مرض مبارك بأنه عبارة عن مسرحية، وأضاف: عيب عيب على اللى كان رئيس جمهورية يعمل المسرحية دى ويخش المحكمة على نقالة وينام فى الجلسة فى الوقت اللى رئيس عربى وقف إزاى قدام محكمة الاحتلال برجولة ـ فى اشارة الى الرئيس العراقى صدام حسين ـ إنما لو كان يفضل إنه يكون راقد.. خلاص رقدوه رقدوه ليلة ع البورش ترجع تانى الفلوس اللى نهبتها العصابة".