وتابع الليثى: «وفجأة لقيت نفسى كبرت ومراتى كبرت وعيالى اتجوزوا، ومحدش بيسأل غير كل فين وفين، وأنا قاعد قدام كشك البقالة».
واختتم «عم أمين» نصيحته قائلاً: «افرح بشبابك يا ابنى وبدنيتك، وإياك تعمل زى عمك أمين وتضيع عمرك بالتقسيط».
وعلق الليثى فى ختام الحلقة: «اتعلمت درس من عم أمين. إحنا فى دوامة التقسيط بننسى نعيش. العمر بيروح واللحظات الحلوة بتعدى مرور الكرام. بنرفض خروجة مع أصحابنا وبنأجل فرحة وبنكتم ضحكة عشان مشغولين بسداد الأقساط».
وأضاف: «اللى بيشترى حاجة بالقسط مش بيسددها فلوس بس، ده بيسددها من عمره وحياته. لازم ندرك بنعمل إيه وهل يستاهل نضيع عمرنا عشانه».
وختم الليثى رسالته: «عيش عمرك وحقق واشترى، بس ما تنساش تحسب إن العمر من ضمن التكلفة، وما تخليش الحياة تسرقك، لأن أغلى قسط ممكن تدفعه هو يوم من عمرك».