شكراً

[shwia]

Center][size="

5"]للإعلامى الكبير عمرو الليثى
انا بشتغل فى مديرية التربية والتعليم والمكان اللى انا فيه بيدينى الفرصة انى احتك بجماهير كتير وبالموظفين كمان
فاللى انا هقوله ده راى كثير من الناس واهمهم ابى وامى واختى وياريت ما تتشالش المشاركة لاى شروط زى ما انتو كاتبين فى شروط المنتدى
المهم : اول يوم حصلت فيه الثورة كلنا قلنا الحمد لله الفاسدين مشيو وكمان التغييرات اللى حصلت كانت يتمناها كل الناس
لكن بصرااحة بعد كدا اكتشفنا حاجات كتير انا عن نفسى مستاءة جداص منها والله العظيم وتقريبا اغلبية الناس اللى بتكلم معاهم بردو بيقولوا كدا
يعنى :
1- الاعلام والاسلوب اللبق جداً اللى بيتكلم بيه ايه ده إيه ده
اتحولنا الى برامج شتيمة فقط فقط كإن الشعب المصرى كلة ( سورى فى اللفظ) قليل الادب وماترباش بدل مايوجه الشباب يعمل ايه فى الفترة الجاية . بدل ما ينمى الاخلاق .بدل ما يعرض الرأى والرأى الاخر ( زى ما شعاركو بيقول ) لأ ده اللى بيشتم ويقول زيكو هو صاحبكم واللى معارض معاكم يا تقفلوا التليفونات يا تغطوا على كلامه ده اسلوب بزمتكو .وبعدين الثورة الثورة الثورة هى فين الثورة دى انتو كنتم بتحاربو اسرائيل طيب يا خويا خد ( شباب الشوارع اللى متسببين فى غلق محلات التحرير كل جمعة ) [/size]

واقف بيهم عالحدود واحمينا من اعادائنا ولا اقف بيهم فى قناة السويس ووقفوا السفن الايرانية ولا عالاقل قلهم اهدو شوية خلى الجيش يرجع مكانة والوزارة الجديدة تعرف تشتغل بدل خلقتو جوانا روح الحقد والغل والتشفى وتكفير الاخر وتخوينه ارحمو برامج التليفزيون بقت زهق .وبتجيب كآبة ارحمونا بقى .
لعلمك بيتى وكتير من الناس كنا بنحبك جدا جدا لانك كنت بجد بتدور تحل مشاكلنا كنت بتدور عالمسؤل المخطئ بعد مابتسبله الفرصة وان اخطأ بتعلق كل الوسائل على خطأه لكن دلوقتى مش مستنيين حتى المسئول يشتغل عشان تعرفوا هو كويس ولا لأ ده مش منطق خالص
2- الثورة بتاعتكو بتنادى بالديمقراطية ( حرية حرية العيشة والرأى ) لكن حضارتكو فرضين رأيكو علينا إزاى :[list]
* 2 او 3 مليون واحد ممشيين رأيهم على 85 مليون مواطن إيه الديمقراطية دى .انتو اللى بتتكلموا انتو اللى موقفين حالنا مين اللى اداكو الحق ده انكم تتكلموا على لسانا مين فهمنى .
* لما تطلع امبارح وتقول كل مواطن وكل واحد يشيل صورة حسنى مبارك من بيته ويحط صورة شهيد ده امر ملكى ولا امر عسكرى باى صفى تفرض امرك عليا وبعدين مين اللى قالك ان كل اللى ماتوا دول شهداء هو انت عالم دين ولا ربنا .
لما يكتب واحد عندك ما تفركش يا مبارك هتدفن فين لانك فى النار مين اللى اداك علمه انت بتشوف وبتعرف الغيب .
دى متهيقلى مش ديمقراطية ولا حرية بل صورة اخرى لحبيب العدلى وحسنى مبارك ( الاستبداد )
انا مش عارفة انا كتبت مرتب ولا لأ لانى بصراحة شديدة محروق دمى اوى وخصوصا لما شفت كتير معايا مأيدين التفكير بتاعى .
على فكرة انا مش بقصدك انت بعينك انا بصراحة بحب اوى مصرى رغم انى ما شفتش منها حاجة تسعدنى بالعكس انا واهلى اكتر ناس اضرينا من الحكم السابق بس اهلى علمونى ان الرسول كان بيدور عاليهودى لما رماش الزبالة فى يوم قدام بابه . بمعنى انى احاول اخلص من الوضع اللى انا فيه بالادب واتطلع دايماً لنى اكون احسن مما انا فيه لكن مش افضل زى ما انا وافضل اشتم واعيب فى اللى حواليا .
احنا كنا بنحبكوا اوى وانتو بتقولوا كلامنا وتوصلوا صوتنا وتحاولوا تحولوا معانا مشاكلنا وكنتو بصراحة بتقوموا اخلاقنا بطريقة غير مباشرة .
لكن فى الفترة دى لقيت الاعلام ده ولا حاجة كلوا وكل ضيفكوا بيدوروا على السباب قبل الفعل والتجريح قبل التأكد من اللى بنجرح فيه ارحمونا
ياريت توصل كلامى لكل الاعلاميين احنا محتاجين نشتغل ونحب بعض اوى ونعلا
بجد انا خايفة اوى اوى الطريق ده هيغرقنا مش هينقذنا .
ليا طلب اخير انا طلبته على موقع القوات المسلحة وياريت تساعدنى لو قريت مقالى فى نشر الموضوع ده
انا كل اللى بفكر فيه دلوقتى نخلص من ظاهرة اطفال الشوارع والعشوائيات والعمل الاطفال انا المنطقة اللى عايشة فيها بقت غابة بسبب الموضوع ده .
ما تزعلوش منى انا والله همى اننا نعيش فى سلام وفى حب
وكفانا الله شر الدنيا وغدرها اللهم آمين .
شكراً ليكو