صلاح منتصر والشيشه فى اسكندريه

[saywaga]

الأستاذ صلاح منتصر ... متحمس جدا ويبشرنا باسكندرية خاليه من الدخان
فى سبتمبر القادم .... وان محافظ الأسكندريه أخذ القرار بمنع الشيشة
والمعسل من المقاهى والكافيهات ... ولا أدرى ما السر وراء هذا العداء
للدخان ... ما اللى عايز يدخن يدخن وعلى مسئوليته ... والأستاذ بطل
تدخين خلاص هو كويس وشاطر ... ولكن محاربة التدخين بهذة الصورة
الفجة .... هو من نوع اللى عايز جايزة نوبل لمحاربة التدخين ...
ولكن لو سيادتة جلس على مقهى وطلب حجر معسل أو تفاحة ... فسيجد
أن هذه صناعة يخدمة فيها ثلاثه موظفين على الأقل ... منهم من يهوى على النار
ومنهم من يرص المعسل ... ومنهم من يحمل إليه الشيشه حتى يشد ويتكيف
فهل ياترى عملوا حساب هؤلاء عندما يمنعون التدخين من المقاهى ؟؟؟
ماذا سيعملون بعد أن حاربوهم فى أكل عيشهم ... وهم بالآلاف على مستوى
الجمهوريه ... وفيهم شباب مؤهلات عليا ....
هل فكروا لهم فى وظائف بديله يتكسبون منها عيشهم ؟؟؟
أم يدفعونهم دفعا للسرقة والأجرام ؟؟؟
وماهى الفائدة العظمى التى ستعم على البلاد والعباد من كون اسكندرية خاليه من الدخان ؟؟
ياناس حرام عليكم بلاش تحاربوا الناس فى رزقها علشان فشخره كدابه ...
وكفايه الغلاء اللى بيضرب الناس على ظهورها بالكرباج ... وماهياش ناقصه بطاله
واحنا مش أوربا ولا امريكا علشان عايزنا نبقى زيهم
ولما الناس تبقى مرفهه زيهم حيبطلوا تدخين من نفسهم