فساد حي روض الفرج الحقونا

[nonoymm]

--------------------------------------------------------------------------------

يشترك منزلي 12 ح محمد خليل من شارع البعثة روض الفرج والتابع لحي روض الفرج من ناحية السقف بالمنزل الملاصق له 4 ح نخلة صالح بمعنى سقف الدور الارضي يدخل في الدور الارضي للمنزل المجاور وهكذا حتى الدور الرابع لمنزلي تم بيع المنزل الملاصق لمنزلي لرجل تخصصه هدم العقارات وجاب قرار ازالة للبيت اللي اشتنراه لسطح الارض ولما بلغنا الحي وقفوا الهدم من الجهة اللي يشترك فيها البيتين مع بعض فقط وروحنا عملنا بلاغات في القسم وشكاوى وعملنا خطابات استغاثة لرئيس الحي المهم اتكلمنا مع رئيسي الحي يوم 15 شهر 7وعرفنا ان فيه قرار ترميم لبيتنا وازالة للدور الرابع طبعا قلنا هنطعن على الازالة ولو حصل ولازم يتشال هنرمم على الاقل وبما اننا عارفين ان القرار دة مش في صالح الراجل اللي بيهدالبيت المجاور وعرفنا بالصدفة من غير اي اخطارات انه اشترى بيتنا وبيسعى انه يجيب له قرار هدم طلع ان فيهتظلم الراجل دة عمله بيقول ان بيتنا متهالك وخطر ولازم يتشال لانه بيهدد السكان ولقيناه عامل تظلم في الحي يوم 13 شهر 7 وماحدش بلغنا بيه ولا حد قالنا عليه لا قسم اخطرنا ولا حي ولا بوستة  الموظفين الموظفين خبوه علينا حتى يوم 15 لما كنا موجودين سالنا كويس اكدوا انه مفيش اي تظلمات وانا كنت عاملة يومه شكوى لرئيس الحي بالموضوع لها رقم ومحاضر وعاملين جواب يوم 5اغسطس بعلم الوصول نتظلم بيه من قرار الازالة المهم لقينا بالصدفة وبالضغط على الموظفين قرار بازالة العقار لسطح الارض اتعمل له جلسة حكم فيها مستشار دة التظلم اللي مقدمه ومفيش اي علم لنا بها ولا حد استلم حاجة واتحكم فيها بازالة العقار لسطح الارض وان اللي اصدر القرار دة مستش\ار قالي لي المحامي القرار دة نهائي ولازم يتنفذ وكل اللي هنعمله استشكال لان كان لازم يتعمل تظلم من بدري وموقفك ضعيف واي استشكال هيتعمل هيبقى تطوويل للوقت لكن مش هيوقف قرار الهدم والازالة دة رغم ان كذا لجنة جت وقالت البيت كويس عاوز ترميم وبس ارجوكم محتاجة نصيحة باللي ممكن يتعمل احاول الحق بيه حقي شقتي اللي محلتيش غيرها الراجل ايده طايلة والموظفين كلوا منه جامد والمحامي محسسني ان لحس التراب تحت رجل الراجل دة احسن من اني اقف ادامه والموضوع بايظ ساعدوني الله يكرمكم باي طريقة
فيه اخ فاضل قال لي ان الاستشكال بيجعلني اتنازل عن حقي واستشرت محامي تاني قالي الاستشكال بيوقف القرار لازم يتعمل ومعاه الطعن الاتنين يبقوا مع بعض وكمان اجيب تقرير من مكتب هندسي يقول ان البيت حالته كويسة وطبعا المكتب مصاريف الكلام دة ايه رايكم فيه بجد ان في حالة ياس ومرعوبة من فكرة هدم الشقة اللي حيلتي انا وعيالي الله يكرمكم ان ما حيلتيش حاجة ارش بيها على بتوع الحي ومعايا ربنا وهو كبير انا عارفة بس الضماير بقت صعبة انا في مشكلة ومعايا اربع اطفال اروح فين بس
دي كانت بداية الحكاية
وضعي الحالي كالاتي
الدور الرابع محامي ساكن معانا بيعمل طعن بيستند فيه الى اننا لم نعلم علم يقيني بقرار الهدم ولما روحنا الحي لقينا الراجل مقدم على رخصة هدم والرخصة فعلا بتتعمل لكن فيه اجراء مهم وورقة مهمة لازم تكون موجودة هي علمنا وتوقيعنا على القرار وكمان دخل قالها لرئيس الحي واللي بسرعة اتخض وكهرب الموظفين وفضل يزعق ازاي تمضوني على رخصة اوراقها ما اكتملتش واوقف صدور الرخصة لحين ما نعرف ونمضي وبسرعة لقينا القسم كمان بيبعت لنا ضباط يخبطوا علشان نمضي وطبعا محدش فتح مننا ولا مضيناوللاسف الراجل اشترى حتى القسم وبيساعدوه على حسابنا وطبعا دة اجراء احنا عارفين انه مؤقت لكن كمان شكونا محافظ القاهرة وكمان مامور القسم لتوقيعهم واصدارهم قرارات باطلة وغيرمكتملة كمان الراجل مش مقدم مايثبت ملكيته للبيت اصلا
دلوقتي الراجل دة عمال يستصدرقرارات ازالة للبيوت لدرجة 3بيوت في اقل من اسبوعين
وقبلهم بيت وقبلهم بيتين ودلوقتي ماشي في بيتين في الشارع
دلوقتي بيتنا مشترك برضه مع نفس البيت في الصرف الصحي والراجل ردمه وبنصرف في الشارع ولكم ان تتصوروا المرض والتلوث اللي احنا فيه عملنا محاضر في البداية على كدة محدش قالنا انتوفين
طيب نعمل ايه؟؟
الحي مش هيساعدنا ولا القسم دول رجالته طب العمل ايه؟؟؟
ياجماعة مستعدين الاربع شقق اللي موقفينله بناء برج من 12دور الدور اربع شقق الشقة 300الف اننا نمشي لكن مش بمزاجه هو لا ولا بمزاجنا لكن بما يرضي الله
ايه ذنبي يرميلي ملاليم ويهد شقتي اللي وضبتها وصرفت عليها اللي حيلتي ويقولي خديهم وروحي اي حتة تانية اشمعنى شبرا عاوزين تفضلوا ساكنين فيها
طيب اشمعنى شبرا وبيتنا اللي عاوز تهد وتبني وتغتني فيها ياعالم ان عاوزة العدل وقلناله ادينا شقق عندك
طيب ادينا كل واحد 150الف وناخد شقق ايجارها 300ج في مكانا بعد ما كنا بندفع 43جنيه سنوي لا طبعا مش راضي
طيب نعمل ايه ؟؟؟
هو عمال يلوي رقبتنا ولا بنام ولا بناكل ولا بنشرب ولا بنروح اشغالنا
ما عدش فيه رحمة ليه ياناس ليه الغلبان بينداس
المحامي وكل المحامين بيقولوا موقفنا منيل بنيلة
وفيهم حد قال ممكن نعمل شكوى للضرايب او بلاغ نقولهم شوفوا الراجل دة بيشتري وبيبيع وبيجيب الفلوس دي منين وهل مقدم ضرايب على كدة ولا سايبينه وقالنا هنبلغ الاثار نقولهم سمعنا انه بيشتري البيوت دي علشان بيفحت وبيدورعلى اثارماهو جواهرجي في محل اقل من 30 متر معقولة بتجيب المكاسب دي كلها الناس قالوا انه فعلا طلع اثار اصل شبرا كان الامراء الشوام بيجوا يقضوا الاجازة فيها كلها بلاغات ممكن تلوي دراعه ونحاول نقوى ونعرف ناخد منه بعض حقوقنا
عاوزة انام وارتاح واعيش في امن وامان مع عيالي
ساعدوني بايه بعد اللي قريتوه دة كله
انا ام وزوجة لاربع اولاد صرفت انا وزوجي اللي حيلتنا في توضيب الشقة دي وما حيلتناش غيرها والدورين التانيين ارملتين ملهمش ماوى والدور الرابع محامي برضه يادوبك لسة بيبتدي
نصايحكم ايهالله يكرمكم
ارجوكم الحقووونا يارب
0101754294
0199725992