ساعدونى كى لا تضيع اسرة باكملها

[narmar]

السلام عليكم ورحمه الله وبركاته
استاذى الفاضل انا عندى مشكله كبيرة ومليش غير ربنا سبحانه وتعالى ومن بعده فكرت بحضرتك لما لمسته فيك من حب الحق ويا رب يكون ربنا يجعلك سبب فى حلها احنا ناس عاديه ماناش بالمشاكل جوزى وحيد على ست بنات يعنى ملوش عزوة ححاول اختصر المشكله بس يارب تقدر تفهمنى اولاد عمه اكلين حقه بشقه يعنى لينا شقه وباقى محل لما حبينا نبنيها قالو البيت مايستحمل وطبعا كنا خائفين من القانون طالبنا بحقنا نقود قالو لا يوجد استعوضنا ربنا وكل ما الحال يضيق نطلب وطبعا اصبح ابن عمه هو الكبير بحكم النقود التى هبت عليه من حيث لا ندرى اصبح مستورد قطع غيار مستعمل من اليابان بعد ما كان عنده عربيه مكروباص وهو سواق عليها
وبدا الافترا بالنقود اصبح يجمع اقذر الناس تحت البيت واصبح المعلم الكبير واصبح يقوم بمضايقتنا انا فاض بى الكيل لان جوزى طيب جدا جدا حبيت اعمل جدعه وقلت الحكومه اللى حتربيه قلت اذهب القسم المنتزة ثانى بالاسكندريه وانا ذاهبه للقسم قلت لهم انا حوريكم انا ذاهبه للقسم وده من خبتى وكنت اول مرة اذهب للقسم فى حياتى وكنت متخيله حجد الصدر الحنين الاب والاخ اللى ممكن يشورو عليا
ما علينا وذهبت وانتظرت لغايه ما قابلت رئيس المباحث شريف راضى وبعد ما سمع الموضوع قلت له انه واخوه وشريكه والعامل بالمحل يقومو بمعاكستنا ومضايقتنا بالكلام وانهم يقومو بشرب الحشيش قال لى انزلى اعملى محضر نزلت فحكيت لشخص
مش فاكرة اسمه ارسلنى لشخص( للصول تقريبا) اللى بيكتب المحاضرواسمه صبرى المهم عرف منى الموضوع والعنوان ومكنتش اعرف انه لازم ارشى بالفلوس وطلب منى ان انتظر بحجه اه بعت يجبهم وفوجئت بالصبى اللى عنده وزوجته وامه عاملين محضر بالنقطه وتقرير طبى بانى وزوجى وابنى قمنا بالضرب وسرقه موبايل وطبعا المضحك ان امه عندها ستين عام وجوزى قام بضربها بالرجل واحداث سحاجات على اساس انها دراكولا ولسه عايشه وللعلم ان ابنى كان طالع من عمليه جراحيه بقاله 3 ايام وبالمحضر انه قام بضرب المجنى عليه وقطع جرح بيده وسرقه الموبايل المضحك كما ان الحضر معمول الساعه الثانيه عشر ورالربع ظهرا والتقرير الطبى الساعه الثانيه عشر و الثلث يعنى خمس دقائق بين المحضر والتقرير الطبى
والمضحك الثانى ان الحضر بيد والتقرير الطبى بيد الاخرى وعرفت بعد ذلك بانهم قامو برش نقود كثيرة على هذا الموضوع بالقسم واما الزوجه والام فانهم ماجورين بالنقود زى خالتى فرنسا وانهم قاموبتهزيق زوجى تحت البيت بالمطاوى والسكاكين شوفت حالنا كنت عاوزة اقولك من زمان بس كنت خايفه من الحكومه اللى ذهبت ليها علشان اطلب حق وحمايه فوجئت بانى الجانيه الكلام ده كان شهر ابريل الماضى والحكم كان فى شهر يوليه وطبعا اخدنا انا وزوجى وابنى كل واحد فينا شهرين سجن ومائه جنيه غرامه واستعنت بالله وفضلت ادعى عليهم لغايه الان وادعى على الحكومه واقول حسبى الله ونعم الوكيل والحمد لله شوفت فى الحكومه لاكن المفترى ابن عم جوزى لسه واخدنا براءة بالاستئناف وكان يوم 18\12\2010 وقلت اسيب حقى على الله وفوجئت به من اسبوعين انه يتهم ابنى بالسرقه وانه نط من منورنا على شقته مع العلم ان المنور كله حديد عندى وطبعا نزل بعلو صوته بالشارع ويتهمنا بذلك ويدعى ان القسم فى جيبه من العسكرى لرئيس المباحث وانه يقوم بعزومتهم باكل السمك قلت حسبى الله ونعم الوكيل وبعد ما حدث للحكومه اصبح ملوش حد قلت يا كريم فوجئت امبارح مسك ابنى هو وابنه وفتحو له دماغه اخذ 18 غرزة قولى بقى اعمل ايه تعبت يمكن كمان مش عارفه اعبر واستغل انه مفيش قسم وقال بيتصل بالشرطه العسكريه انها تيجى تاخد ابنى بحجه انه حاول سرقه المحل ولما جاء الشرطى قال له مفيش اى خساير قولى عاوز ايه الراجل ده ومين حيهده ولا حكومتنا فالحه بس تيجى على المحترمين وابنى لجا للصيع وقال مش حسيب حقى يضيع , منه لله ضيعلى ابنى قولى اعمل ايه اغثنى ويقول للناس لازم امشيهم من هنا يعنى لينا حق وكمان عاوز يكرشنا من شقتنا ملكنا مع العلم ابو زوجى هو الذى بنى المنزل ولملم اخواته حواليه وكان عنده مكتب اتحاد اشتراكى وكان بيحل مشاكل الناس وكان الدكتور محمد عبد الله يعرفه لو سالت عليه اذا حبيت تساعدنى ارجوك ارسلى وابعتلك العنوان والمحضر و صور وكل شىء لكى تصدقنى ولو حد معاه فلوس ويكون يعرف ياخد حقه يجبلى شقه كبيرة وبمنطقه محترمه مقابل شقتى والشقه المجهوله بس يعرف يتصرف معاهم اى حل وجزاكم الله خير