احنا فيه حاجات بتشغلنا وحاجات بنشوفها وبنتابعها غصب عننا ايه يعنى لما يكون السكرى وهشام هما اللى فعلوها الدنيا مش هاتخرب شوفو الغلابه وايه اللى بيحصل ليهم تقدرو تصورو فلاح خرج صباحا وقاعد فى ارضه بيسقى الارض ولا ما بقناش فاضيين الا للكبار بس
ربنا يرحمنا ويرحم ايام جدى وجدك وسيتى وسيتك
ارحمونا يا عالم بقى خلصنا الصبر كله فيه ايه عايزين ايه سيبونا نعيش على حلم حتى نحلم فيه بانى الفقير خلاص بقى ليه مكان فى البلد زيه زى الغنى اللى هوة كبير اللى هوة اصلا كبر من عرق الصغير سيبونى اتكلم واخرج اللى فى نفسى علشان خاطر انا زهقت خلاص وما بقتشى عارف انا مينوخلاص نفسى اتكلم وجايين تقولو كل شويه ده دخل عليها وقتلها وده شتمه على القناة الرياضيه ارحمونا يا عالم وسيبونى اعيش عايز اعيش زى اللى عايشين لفوق محدش بياخد اكتر من نصيبه وهذا هو نصيبى يبقى ارحمونى وما تغصبونيش على اى شئ اتفرج عليه عايز اتفرج على فيلم لعادل امام اضحك شويه ولا حتى محمد سعد ولا اى حد من الى بيضحكو مش عايز ابكى كفايه بكى لانى البكى بدا ينزل بالدم بدل من قطرات مياة احنا اصبحنا ناكل فى بعض ليه علشان ايه علشان ناخد من جيب ده ونحط فى جيب الاخر طب ليه ما الفلو س بقت حرام ازاى هاتعيش وتعيش اولادك لازم الحرام يدخل على الحلال ياخسار ياولاد بلدى ما بقناش نتكلم على حاجه الا الحاجات بتاعه الاغنياء ونسينا الفقراء وبقينا زى اللى بيقول سيبونى وارجعو طب لامتى لما اكبر وواقول انا مش عارفنى ولا لما بنتى تضيع واقول عيله تايه ياولاد الحلال ولما نلاقيها نقول يابنتى اعذرينى لو ما جبتلك لعبه ولما تعدى نقول كان زمان ربنا يرجعلنا حياتنا اللى فاتت ايام سيتى وسيتك جدى وجدك واقول لنفسى نفسى يا عالم نفسى اضحك نفسى اشوف الحياة حلوة نفسى اشوف محدش بيموت حد مش عايز اشوف غير حب ياريتنا نحب بعض بجد وما نحبش بعض علشان المصالح ويبقى قلبك على قلبى مش على فلوسى ارحمونى وسيبونى اتكلم شويه لاحسن ان خرجت عن شعورى ومتزعلوش منى لانى بكلامى اتكلمت عن الكل بس ياريتنا نحب بعض بجد وبلاش مصالح بقى