فالح تحب وخلاص
فالح تحب وخلاص
و تسبل وتسرح
وتعمل فيها ملك الاحساس
وتتمشى ع الكورنيش
ايدك فى ايدها
وعيونك تغازل عيونها
قدام اللى رايح واللى جاى
وتقولها تراهنى اصرخ
اقول بحبك قدام كل الناس
ولما تقولك بابا عاوز يشوفك
تبقى فى نص هدومك
وتقول ياريت قلبى فى السكة
دى ما مشى
كنت ناقص وجع راس
وتحتار تقولها ايه
وتهرب منها
طيب بكره
طيب بعده
يوووه هو ده وقته
وكل يوم بحجة
وتضحك على نفسك وعليها
وتيجى تلمسها
تهرب من ايدك ايديها
وتقولك ما تستاهلش
كنت فاكرة انك صادق
كنت فاكرة انك ما بتكدبش
وتبقى واقف مش عارف تعمل ايه
غير انك تشوفها ماشية
ومهما تنادى متجاوبش
شعر / احمد صلاح محمود
[email protected]