لسلام عليكم يا اخواني
انهاردة موضوعي مش عن سلبيات او اي مخالفات كالعادة
انهاردة هتكلم عن حالة انسانية لمستها بنفسي و هي حالة أمين الشرطة عبد الحميد السيد احمد
عم عبد الحميد كما اعتاد اهالي بولاق ابو العلا مناداته كان واقف يوم 28 يناير (جمعة الغضب) بيكلم الظباط و يقنعهم بعدم استخدام اي عنف ضد المتظاهرين و كان بيقولوهم دول ولادنا ازاي نضربهم
عم عبد الحميد اشتهر بالطيبة و مساعدته للناس الغلابة و ده سبب انه كان مكروه في القسم بتاعه
عم عبد الحميد استشهد بعربية مجهولة دهسته لما رفض يضرب اي متظاهر
عم عبد الحميد من حقه يتكرم و يكون من ضمن شهداء الثورة لانه بحياته دافع عنها
عم عبد الحميد اب لطفلين في عمر الزهور و اسرته بسيطة و فقيرة جدا لانه كان شريف مش بياخد رشاوي
اسرة عم عبد الحميد حاليا لا مورد رزق لها و حتى ضباط القسم التابع ليه عم عبد الحميد محدش فيهم كلف نفسه و رفع تقرير للداخلية بالي حصل
ارجوكم انشروها لان الحق لازم يرجع لاصحابه و شهداء الثورة كلهم لازم يتكرمو
بيانات عم عبد الحميد موجودة عندي لاي حد حابب يتأكد او يساعد