السلام عليكم جميعا
 

بمناسبة الاستفتاءات التى يتم عملها عبر القنوات الفضائية والارضية وشبكات الانترنت
حد سأل نفسه عن الشباب اللى قاعدة على القهوة عملت أية فى سنه عدته من عمرهم وسنه جاية وهتعدى وهم بردو قاعدين
انا عايزة اسأل سوال هى شباب مصر هتعمل اية فى سنة 2010 ؟
على فكرة الشباب اللى بسأل عليهم مش شباب الفيس بوك ولاشباب المدارس الاجنبية ولا الجامعة الامريكية
الشباب اللى بسأل عليهم هم الشباب اللى بيتخرج من الجامعة الحكومية وأنتوا عارفين
يعنى اية حكومية يعنى راح الجامعة وجاية من الجامعة
وبعد ما اتخرج اشتغل اية حاجة سائق تاكسى وهى زيادة فى المرور وخلاص
على فكرة انا الكلام اللى بيقول من جوة قلبى علشان لما اتخرج واقعد فى البيت وغيرى
شغله محجوز تفتكروا الغلط فى مين فينا ولا فى مين الظبط
أرجو من الجميع طرح هذا السؤال شباب مصر عايز ايه فى 2010؟
واول اجابة لية انا كشباب مش عايزين 100 مليون ولا فيلا
احنا عايزين وظيفة جيدة من غير ما اروح بوسطة عن طريق مسئول كبير فى الدولة
عايزين شقق من غير ما أقدم رشوه لمسئول
عايزين نعيش حياة كريمة من غير ما ننظر اللى فى أيد غيرنا وعى فكرة لو نظرنا دى من حقنا علشان هما اللى وخدينوا
أتقوا الله فينا

مساء الخير مني بصراحه موضوعك في اطار المشاكل القاتله في مصر وهي البطاله واتمني ان 2010تكون سنه سعيدة على كل شباب مصر ويقدروا يشوفوا مستقبلهم

شكراً على
 

عندك حق يامنى فى كل كلمة
والله احنا فى بلد بصراحة حق معظم الناس فيها ضايع
مشكلة البطالة ومشكلة الشقق ومشكلة العنوسة
مشاكل كتير نقول ايه ولا ايه
ربنا يسترها علينا يارب
وموضوع الوساطة ده خلاص بقه حاجة اساسية فى اى حاجة فى البلد
مش فى الوظائف بس فى كل حاجة
والشباب هتعمل ايه فى 2010
هتزيد القعدة عالقهاوى شوية
دفعة كمان من الخريجين هتنزل تقعد عالقهوة
هتزيد المشاكل والجرائم
ربنا يسترها علينا
ومش هاقول غير حسبى الله ونعم الوكيل