واحد من الناس:حوار مع حمدي قنديل وقريه ابو سيال والحالات الانسانيه
 

حلقه ممتعه وشيقه ربنا يجزيك خير يااستاذ\عمرو عن اهالى قريه ابو سيال وبتمنى ان المسؤلين يتحركوا وبالنسبه للحوار مع الاستاذ\حمدى قنديل كان ممتع وخاصه رايه حول تعديل حكم ترشيح الرياسه فى مصر وطبعا ربنا يختار الخير والرجل الاصلح لمصر .

السلام عليكم و رحمةالله وبركاته

انا عبدالله من اشد المعجبين و المتابعين لبرنامج واحد من الناس و بالاعلامي الكبير عمرو الليثي لانى بحس فعلا انه واحد من الناس البسيطة اللى ملهاش حد فى الدنيا غير ربنا سبحانه وتعالي

بس عندي كلمة بسيطة اقول فيها ان حالتي اقرب بكثير لحالة الشاب احمد اللي استضافه البرنامج انا سمعت احمد حسيت انه بيتكلم عليا بنفس اللي وصله ونفس لمعاناه ونفس التضارب النفسي بين الواقع واللي المفروض يكون الانسان فيه اللي هو اجتهد عشان ينوله ولكن لم يصل الي شيئ في النهاية

انا خريج كلية علوم جامعة الاسكندرية دفعة 2006 بتقدير جيد
وحاصل علي دبلوم الدراسات العليا في الجيوفيزياء دفعة 2009 بتقدير جيد جدا
وبتوفيق من الله حصلت علي تدريب في شركة شلمبرجير للبترول
ولم يتسني لي الفرصة في الحصول علي فرصة عمل في مجالي الذي حلمت به كثيرا
ولم اجد بدا من ان اعمل حتي احصل علي المال
فانا اعمل كعامل في صيدلية مقابل 10 جنيه يوميا
بحاول اشيل من الفلوس شيء عشان اجمع مبلغ اعمل بيه تمهيدي الماجستير في نفس التخصص عشان اميز نفسي عند تقديم اوراقي لاي شركة
بس طبعا 10 جنيه في اليوم حشيل منها كام وحصرف منها كام
نفسي الاقي شغل في مجالي عشان اكمل دراستي والاقي حياتي اللي بحلم بيها
كما اني راسلت البرنامج كتير بالبريد العادي بخصوص وظائف البترول
وقد تركت سي في خاص بيا في قسم السي فيهات للحصول علي وظيفة من خلال برنامج واحد من الناس
http://amrellissy.com/vb/t7148-4.html

رجاء الاهتمام وما كنش موضوع مكرر بالنسبة ليكوا

حلقة ممتازة استاذ عمرو

وخاصة الحالة الانسانية لاستاذ احمد وكم اسعدنى خبر تعيينه فى

احدى شركات البترول


كما اشرك على استضافة استاذ حمدى قنديل واتمنى ان محافظ السويس يتحرك لاهالى قرية ابو سيال

بصراحة حلقة جميلة جدا
وخصوصا حوار الاستاذ حمدى قنديل
لانى بحبه جدا
وراجل صاحب فكر عالى جدا
وانا كنت متابع كل برامجه
بس ياخسارة من ساعة برنامج قلم رصاص وانا مش لاقى اى برنامج له
وبالنسبة للشاب احمد
لكل مجتهد نصيب والحمد لله ان ربنا كرمه
واهالى ابو سيال ربنا يكرم ويتحرك المسؤلين
ومبروك الشقق للى فايزين وربنا يكرمهم