الموقع الرسمي للاعلامي الدكتور عمرو الليثي

بسم الله الرحمن الرحيم

اخواتى واحبائى اعضاء منتدانا الجميل
السلام عليكم ورحمة الله وبركاته

من فينا مابيحبش مصر بلده اكيد كلنا بنحبها
وبنموت فى دباديبها كمان صح اكيد صح
الموضوع ده طبعا اسمه فى حب مصر
والمفروض او اللى ان شاء الله هنعمله انه اى واحد فينا
اذا عنده قصيدة او نثر او اى محاولة شعرية عن بلدنا الحبيبة يحطها هنا فى التوبيك ده اتمنى الكل يشارك
وانا هبدا باذن الله بهذه القصيدة الجميلة جدا
وهى منقولة

يلا شدو حيلكو بقى وعاوزين نحط هنا اجمل ماقيل فى حب مصر

حد عنده مانع حد هنا مابيحبهاش

مكتوب في بطاقتي الشخصية
انا دمي سكر زي النيل
وملامحي ملامح مصرية
والنيل مرسوم جوه عروقي
وعيوني عيون فرعونية
وخدودي جبالك وهضابك
وصوابعي صوابع عسلية
وشفايفي بأسمك موشومة
و صوتي نغم سمسمية
***
مكتوب في بطاقتي الشخصية
الصبح انا بفطر علي شوفك
وعشايا حبك يا بهية
والليل بتمشى علي شطوتك
عاشق لياليكي السحرية
والقلب معلق في هواكي
علي قد ما كان عشقك ليا
وكمان مكتوب جوه بطاقتي

أنا مصري وأمي مصرية
مولود من جوه رحم أرضك
من طينك كحلت عنيا
والحبل السُري كان نيلك
مفطوم علي كلمة حرية
والنبض اللي يدب في قلبي
خطوات الناس رايحة وجيا
ومساَجدك وكنايَسك شاهد
علي روح الوحدة الوطنية
مكتوب في بطاقتي الشخصية