منى الشاذلى: أداء شرف والمجلس العسكرى يشبه نظام مبارك ومعاونيه

[hisham tohami]

كلام السيد عصام شرف لو نرى التسجيل نجد ان . الراجل حافظ كلام بيسمعه و ربما لا يعرف معناه فهو لم يعلق على اي بند او يشرح ما تم و ماذا سيكون او جدول زمني لقرار ما .. و اكتفى بكلمة فورا و حالا علشان الولاد في التحرير مستعجلين وعلشان هو بيحبهم قوى و عاشت الثورة .
ثانيا الراجل في كل بند كان يصر انه هو من اصدر قرار او قام بتكليف او ماشابه المهم انه هو المسئول و هذا ايضا علشان يلبس القضية وحده و يظهر انه هو المقصر في وقت الحساب .
من الواضح ان السيد عصام شرف لم يحترف لعبة السياسة و لا يمتلك الحنكة السياسية و لا الكلام المقنع و لا تحليل الامور .
ومن البديهي ان يتمسك به كل من يريد ان يتحكم في البلد على هواه .. لان ميزة كبيرة لهم ان يكون رئيس الحكومة في مثل هذه الظروف انسان مطيع و خجول و سلمي و يسهل اقناعه باي شئ .
اما البيان فالكل عارف انه بيان شبه فاشل و غير مقنع و غير مجدي من قبل القائه و لا احد عنده الخبرة السياسية يمكن ان يخرج على شعب ثائر بمثل هذا الكلام و هنا لابد من وجود شخصية مثل عصام شرف لتصديرها في هذه المواقف ... و هذا السبب الرئيسي في ايقاد نار الفتنة بين الشعب الساذج و احمد شفيق لانه مكنش هيريحهم ذي عصام شرف .
علينا نشوف مين الي بيحرك الامور و يتحكم في الاحداث من تحت الطاولة و لازم نمسكه ونكشفه لانه طالما موجود مفيش حاجه هتتصلح في البد و خلينا لا نحبس تفكرنا في النظام السابق و لا نرى غيره ففيه انظمه جديدة اشد شراسة و كره لمصر وشعبها من اي احد و تريد ان تحكم البلد و لو على حساب شعبها .
كل ما يحتاجه الشعب ان يهدأ و لا ينجرف وراء الفوضى الفكرية و يحلل الامور بتأني و عقلانية و نخرج بنتائج و مطالب قصيرة الاجل و اخري لها خطط طويلة الاجل و نعرف ما هو وضع اقتصادنا و مدى خطورة موقفنا و ما يمكن عمله لانقاذ البلاد . وبلاش تجمعات الميادين و كل واحد يبني فيها قهوة يقعد عليها هو و اصحابه و يفرح علشان يمكن يطلع في التلفزيون .
فالسادة و السيدات المذيعين و المذيعات بيتفاعلوا مع هذه الاحداث حتى لا يمل المتظاهرون و اهي حاجة تفرحهم و يفضلوا في الميادين يهتفوا او يتخانقو او يعملوا اي حاجه لغاية لما يزهقه و الجيش و الشرطة سايبنكم على راحتكم ( خلي الشباب يخرج او يستنفذ الطاقة الي عنده ) لغاية لما يجوعوا وما يلاقوش اكل يا إما هيروحوا او هيكلوا بعض و كله خير و مفيش حد من المسئولين هيجوع علشان ...و.... . يا شعب يا غلبان كل ما يحدث تمثلية و انتم فيها كمبارس .