إضافة رد
 
أدوات الموضوع انواع عرض الموضوع
  #1  
قديم 09-27-2011, 03:58 AM
الصورة الرمزية صلاح ادريس
صلاح ادريس صلاح ادريس غير متواجد حالياً
عضو
 


إرسال رسالة عبر مراسل Yahoo إلى صلاح ادريس
افتراضي سيادة المشير .. أرجوك تتكلم !!



سيادة المشير .. أرجوك تتكلــم !!
ــــــــــــــــــــــــــــــــــــــــــــــــــ ــــــــــــــــــــ

أعتقد أننا كلنا عارفين أن البلد مفلسة .. والدنيا سودة .. والأيرادات من قناة السويس وغيرها من مصادر الدخل مابتكفيناش لآخر الشهر .. ووزير المالية محتاس ، وحيران يعمل أيه .. ؟ ولا أيه .. ؟ ويسدّ الأفواه المفتوحة عليه من كل حتة منين ؟ وأزاى ؟ يعنى الراجل عامل زى موظف دخله الكامل فى الشهر 100 جنيه .. وطلبات مراته وولاده وهو شخصيا 700 جنيه !! يبقى عنده عجز 600 جنيه لازم يجيبهم من أى حتة علشان يوفى بإلتزاماته لأسرته .. وإلا جاعوا .. أو عيل مايكملش تعليمه .. أو بنت ماتتجوزش .. أو مريض مايتعالجش !!

طيب ياجماعة الخير مادمنا كلنا عارفين ده !! ومتأكدين منه !! أيه بقى لزوم الأضرابات الفئوية اللى عماله تكتر ، وتزيد ويعلى سقف مطالبها يوم بعد يوم !! المعلمين .. وسائقين النقل العام .. وعمال الشركات .. والعاملين بميناء السخنة .. والأطباء .. وغيرهم .. وعيرهم .. وكلهم بيطالبوا بمضاعفة مرتباتهم .. ومضاعفة بدلاتهم .. وتمتعهم بكل المميزات المالية والعينية .. والكريم قوى منهم يقولك أمامك أسبوع لتنفيذ طلباتى كلها !! يعنى أيه ؟ نروح نستلف ونشحت من اللى يسوى واللى مايسواش علشان ننفذ طلبات جنابك .. آه .. أهو كده بقى !! وإلا حانشيل الوزير !! والوزير الغلبان ياولداه !! يطلع يقول أنا مع كل الطلبات المقدمة ، وأؤيدها تماما !! ماهو طبعا لازم الوزير يقول كده لسببين .. الأول أنه مش حايدفع حاجة من جيبة !! والثانى أنه لازم يجرّ ناعم مع ناس ممكن تكون سبب بجد لإقالته !!!

(( ياسبحان الله الوزير اللى كان بيلزق فى كرسيه لعشرات السنوات !! دلوقت بقى كرسيه تيفال من النوع الممتاز جدا ومابيلزقش خالص !! ده لو لقيت حد أصلا يقبل أن يكون وزيرا .. فى زمن الوزير بيقعد على كرسيه لمدة ساعات فى بعض الأحيان .. ومش ضامن نفسه يقعد لبكره .. ويمكن يطالبوا بإعدامه على الخمس أيام اللى قعدهم على الكرسى .. !! بذمتكم ده وضع ممكن ينصلح بيه حال البلد .. أو يتخذ فيه أى قرار !! ... ماأعتقدش !! ))

وفى نفس الوقت البلد داخلة على الأنتخابات التشريعية والرئاسية !ّ! و الأنتخابات دى مش عايزة فلوس برضه ..وفلوس كتير كمان و بالملايين .. !!

وأيه العمل ؟ ونجيب فلوس منين للمصاريف دى كلها ؟ ياأخوانا لازم نرجع لأشغالنا بأضعاف الجهد القديم .. ( زى ماعمل اليابانيين بعد قنبلتى هيروشيما ونجازاكى ) .. لازم نشتغل بجهود مضاعفة .. ولازم تكون سلوكياتنا أحسن برضه بنسبة مضاعفة .. وبعد كده نطلب من الحكومة جدول زمنى محدد لتلبية متطلباتنا ( يعنى لا نسرق .. ولانرتشي .. ولا نغش .. ولانزّور ..ولا نخوّن ..ولا .... ولا ..... ) .. ولا نعترض على الموعد اللى حاتحدده الحكومة لتلبية المطالب .. وعلينا تحذيرها بضرورة الألتزام بالجدول الزمنى الذى ستضعه بنفسها.. وبعدها يحق لنا مانفعله الآن .. لكن تقول لمين ؟ ومين يسمع ؟

وأنا رأيى أن المشير طنطاوى يطلع على الناس فى خطاب مصيرى .. ويقول ويشرح لهم كل الأمور المتعلقة والمصيرية بصراحة وشفافية ووضوح .. ويفّهم الناس أحنا فين ؟ ورايحين لفين ؟ وأيه اللى مستنينا فى آخر الخط ؟

ياسيادة المشير الناس نفسها تسمع صوتك !! ونفسها تعرفك بحق من كلامك !! والناس بتثق فيك .. وحاتصدقك !! بس أعطيهم الفرصة بأن تكون ثقتهم وصدقهم بك فى محلهما .. أرجوك ياسيادة المشير أتكلم !! لأن كلامك حايوضح أن البلد لها كبير .. ولازم نسمعه ونصدقه .. ده اللى مالوش كبير .. بيشترى له كبير !!

صــلاح إدريـــس
مدون بالبلدى الفصيح
http://plackprince.blogspot.com/


الصور المرفقة
نوع الملف: jpg أفضل صوة للمشير.jpg‏ (92.2 كيلوبايت, المشاهدات 0)
التوقيع:
مر الكلام .. زى الحسام ... يقطع مكان مايمرّ .
أما المديح .. سهل ومريح ... يخدع صحيح ويغرّ .
والكلمة دين .. من غير أيدين ... بس الوفا ع الحرّ
.
رد مع اقتباس
قديم 10-05-2011, 08:07 PM   رقم المشاركة : [2]
reham
عضو
الصورة الرمزية reham
 
إرسال رسالة عبر Skype إلى reham
افتراضي

عندك حق بس فى ناس بيتظلموا لانهم مش لاقين شغل انا مثلا معايا ليسانس التربية تخصص انجليزى بتقدير جيد جدا ومستنيه الحكومى لان الخاص عملونا بطريقة العبيد احنا نشتغل ازاى ونميها لما احنا مش لاقين شغل


التوقيع:
أبى
هل تعرف كم احببتك
هل تعرف كم افتقدك
يا من ترك الدنيا بكل متعتها
اليوم تذهب الى الالهه الخالق
كيوم فيه ولدت باكيا
فهل تذهب بحسنات ام سيئات
حتى تلاقى الله ضاحكا مسرورا




reham غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أرجوك, المصدر, بتكلم, زيادة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع