بحبك يا مصر

[ابن الهيثم]

اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر
قالها عم جاهين ومهموش أي دخيل وهقولها تاني يا مصر
بحبك يا مصر وهفضل أحبك لو عشت مليون عصر
بحبك يا مصر يا بلد الحضارة والمنارة
بحبك يا غالية بحبك يامصر
عشانك نبكي ونموت وعشانك نضحك ونفرح بأعلي صوت
أنت أمنا وأرضنا وأهلنا وكل حاجة ممكن تجري في دمنا
هفضل أحبك وأحبك لو حتي عملوا فيكي أيه
عارفة ليه يا مصر
عشان أنت حبك ملوش حصر
وهيفضل في قلبي حتي لو أتعصر عصر