إضافة رد
 
أدوات الموضوع انواع عرض الموضوع
  #1  
قديم 02-22-2011, 04:59 AM
houras2007 houras2007 غير متواجد حالياً
عضو
 

افتراضي سيارات المعاقين

أستاذنا الفاضل عمرو بك الليثي
أولا : لك مني كل الشكر والتقدير على مجهوداتك الرائعة وأعمال الخير التي تقوم بها .. وأرجو من الله العلي القدير أن يجعلها في ميزان حسناتك .
ثانياً : سبق وأن ناقشت مع السيد الأستاذ وزير الماليه الدكتور سمير رضوان مشكلة الجمارك الخاصة بسيارات المعاقين . وسيارات المعاقين ليست مشكلتها الوحيدة الجمارك أو الضرائب المقدرة بنسبة 10%
لكن هناك مشاكل أخرى متعلقة بالسيد الدكتور وزير الصحة ومنها الحالات التي تستحق صرف سيارة مجهزة ويرفضها المجلس الطبي .
ومنها حالة شلل أو بتر بالذراع الأيسر خاصة في ظل تطوير صناعة السيارات والتكنولوجيا الحديثة التي تدخل عليها .. فلماذا لا يصرف معاق الذراع الأيسر سيارة مجهزة بفتيس هيدروماتيك مثلا مما يجعل المعاق لا يحتاج لذراعه الأيسر أثناء القيادة لأنه بذلك لا يحتاج للذراع الأيسر مثل الفتيس المانيوال والذي يحتاج للغيرات كل فترة
أنا مصاب في حادث إصابة عمل أثناء عودتي من عملي في السكه الحديد من القاهرة للزقازيق ومصاب بقطع في جذور الضفيرة العصبية للطرف الأيسر وتقدمت للمجالس الطبية للحصول على سيارة مجهزة تعينني أنا وأسرني على مشاكل المواصلات وزحام السرفيس في مدينة الزقازيق ورفض المجلس الطبي منحي السيارة وفمت بتقديم تظلم ولكنه قوبل بالرفض أيضا .. نطالب بأن يقوم السيد الدكتور وزير الصحة بإصدار قرار يلحق على قرارات صرف السيارة المجهزة لمعاقي الذراع الأيسر رحمة بنا .
وأخيرا أتمنى أن أنال شرف مقابلة سيادتك لشرح الموضوع عسى أن يكون له صدى طريق سيادتكم
ولك مني جزيل الشكر والتقدير .
محروس سليم محمد عفيفي
68 ش مصطفى علي منشية مبارك خلف موقف المنصورة بالزقازيق
0125541795
[email protected]

رد مع اقتباس
قديم 02-23-2011, 02:50 PM   رقم المشاركة : [2]
احمد عمران
عضو
 
افتراضي مشاكل سيارات المعاقين

الاستاذ / عمرو الليثى
الف شكرا لتبنى أحدى المشاكل ولكن يوجد مشاكل اكثر أهمية من الجمارك ، وهى :
1 - ضريبة المبيعات التى يتم دفعها عند الشراء ثم نقوم برحلة العذاب لاستردادها بدء من طلب تظلم لوزارة الماليه يتم رفضه ثم رفع قضية قد تمتد لمدة تصل الى 5 سنوات مع العلم بوجود احكام صادرة من قبل بأحقية أسترداد الضريبة .
2- أجراءات ترخيص السيارة تشترط عدم الترخيص إلا بعد الاطلاع على رخصة القياده فأنا أحمل رخصة قيادة خاصه منذ 27 عام بالاضافه لرخصة قياده سعودية خاصة منذ عام 1993 ولكننى فوجئت بمرور محرم بك بالاسكندرية قالوا لى باللفظ ( بلها واشرب ميتها ) لابد من دخول أمتحان قياده على جهاز الاعاقه (أستخدام الدرياش باليد بدون أستخدام القدم ) ، لقد وهبنى الله القدره على التغلب على الاعاقه وتمكنت من قيادة السياره بالقدم ( للاسف تجد أطماع رجال شرطة المرور فى المعوق عجبى )
3- موضوع اعفاء الجمارك للمعاقين ، ما الحال للذين أشتروا قبل الاعفاء .
4- حظر البيع قبل 3 سنوات .
أسف للاطاله وشكرا
[email protected]


احمد عمران غير متواجد حالياً   رد مع اقتباس
قديم 02-25-2011, 07:03 PM   رقم المشاركة : [3]
شهاب
عضو
 
افتراضي

الاستاذ عمرو الليثي انا انسان معاق اسكن في محافظة واعمل في محافظة اخري اجد صعاب مريرة في الحركة والانتقال من سكني الي شغلي ولجات الي السيد وزير الكهرباء لنقلي الي شركة الكهرباء في مكاني الذي اسكنة دون جدوي


شهاب غير متواجد حالياً   رد مع اقتباس
قديم 02-28-2011, 01:12 PM   رقم المشاركة : [4]
ابو عمر
عضو
 
افتراضي

الاستاذ / عمرو الليثى المحترم
تحية طيبة وبعد ،،،
ارجو من الله ان ان تقرأ رسالتى وتكون صوتى الذى اعبر به
انا انسان متزوج واعول زوجة وطفل وزوجه اخى المتوفى و ولدان وبنت واعانى من شلل اطفال برجلى اليسرى وذهبت لطلب سيارة معاقين
اولا : هناك طلب مستعجل وطلب عادى (كله بتمنه ولو ممعكش امستعجل استنا بقا كذا شهر لما يجى عليك الدور - ما المعاقين كتير ههههههه هم يبكى وهم يضحك) المهم طلبت المستعجل ودا واول مشوار ولك ان تتخيل معاق بزحمة القاهرة يعنى اية

ثانيا : مشوار تانى عشان كشف النظر ورتين وصور وروح هات ودى ياناس احنا معوقين فين ال يسعدونا فى المكان دا مفيش اصرف ازحف روح صور ووووووووا (ربنا يعنا)


ثالثا : كشف العصب والعظم

منظر غير ادامى يطلع واحد بلبس محترم وهو فى الحقيقه غير محترم كلة يقلع ويستنا دوره عشان الدكاترة جوا مش فاضين (هنعمل اية كلنا قلعنا وقعدنا بنص لعاهتنا واحنا الدمعة محبوسا جوانا)

اصبر بقا ثلاث شهور او خمسة لما يجى الرد

(المهم المهم المهم


انا عندى الاعاقة برجلى اليسرى ومعاى رخصة كويتية من 9 سنين وبسوق السيارات الاتوماتيك بدون ادنى عناء انا لست رجل خارق فانت تعلم السيارة الاتوماتيك تحتاج فقط الرجل اليمنى وانا رجلى اليمين سليمة وجميع اطرافى الاخرى --- جاء التقرير انى اقود فقط سيارة مجهزة بأذرع واجهزة

ربنا عرفوه بالعقل يعنى انا بقود سيارة اتوماتيك بدون مشاكل لو التقرير يشكك فى كدا انا مش عاوزها
بس هما معاندين وبس
بالذمة يرضيك كدا

- وبعدين الجمارك : يعنى جاءت علينا احنا قولهم حرام عليكو

- وضريبة المبيعات : بالذمة الناس دى عندها دم يا استاذ عمرو

- والمركزية فى الكشف : طب لية ميكونش فى كل محافظة مكان نكشف فيه بدل كلنا من المحافظات نروح بإعاقتنا ويبقى ليلة اهلك سودا لو نسيت ورقة ترجع تجبها ويكون معادك فات ولف المشوار من أول وجديد

- بعد كل دا حصلى ظروف والفلوس ال كانت معايا وجهت لسد تلك الظروف وبعدين لمار ربنا رزقنى ولميت قرشين روحت قولى الورق مدته خلصت اكشف والعب من أول وجديد والله ما انا مكلم ولا شاتم قول انت ال يرضى ضميرك

-- اخر ما ذهقت قولتهم فى المرور انا مش عاوز السيارة دى اكشفو عليا هنا فى الفحص الطبى وطلعو لى رخصة وانا هجيب سيارة عادية بمعرفتى ردو عليا روح الغى القرار المجلس الاعلى لشئون المعاقين ال بيقضى انك تسوق سيارة بذراع ناقل حركة طب الغية اذاى اذا كان انتو قولتولى انه اتلغى لانه له مدة محددة (سبحان الله)
ثم روح هات العربية واحنا نكتبلك رقم الشاسية والعربية لانك متسوقش غيرها --

بالذمة يرضيك كدا - اكشف عليا الاول وشوف هل انا اقدر اسوق جميع السيارت الاتوماتيك ولا لاء واكتب لى كدا فى الرخصة
--- ولو مقدرش اكتب لا يجوز الا ان يسوق هذة السيارة.

رويتن وقوانين جامدة تطبق بدون عقل .


ارجو ردك ضرورى وبجد نفسى اكلمك نفسى اصرخ نفسى حد يسمع صوتى

ارجو رقم تليفونك ولو برسالة على الايميل او التليفون

اخوك الصغير ابوعمر


ملاحظة على فكرة انا كافحت لغاية ما وصلت انى اعمل رئيس حسابات
فانا خريج كلية تجارة - جامعة الازهر الشريف


اخوك ابو عمر


تليفون : 00965 94064784 دا تليفونى بالكويت

تليفون مصر : 0509727540

الايميل : [email protected]


ابو عمر غير متواجد حالياً   رد مع اقتباس
قديم 03-02-2011, 02:02 PM   رقم المشاركة : [5]
ahmedallam987
عضو
 
افتراضي

الاستاذ / عمرو
تحيه طيبه وبعد ،
بخصوص سيارات المعاقين اود ان اذكركم بما طلبتوه من السيد وزير الماليه باعفاء ساراتنا من الجمارك كليه ، هذا الاعفاء الاعفاء لن يؤثر على ايرادات الدوله و لكن بدل ما بنشترى سيارات مودلات قديمه سوف نستورد سيارات موديلاتها حديثه و نبقى اترحمنا من البهدله عند الميكانيكيه و الزق ، يا ريت مشكورا تثير الموضوع ده تانى ز

و شكرا


ahmedallam987 غير متواجد حالياً   رد مع اقتباس
قديم 03-05-2011, 07:34 PM   رقم المشاركة : [6]
abomazen30
عضو
 
افتراضي

الاستاذ / عمرو

السلام عليكم ورحمة الله وبركاته


ياريت الله يكرمك تتابع موضوع إلغاء الجمارك ونتأكد ان الوزير اخد يه قرار فعلا


abomazen30 غير متواجد حالياً   رد مع اقتباس
قديم 03-15-2011, 01:43 PM   رقم المشاركة : [7]
amirgerges
عضو
 
افتراضي قرار اعفاء جمارك سيارات المعاقين

الاستاذ / عمرو الليثى

تحية واحتراما

حتى الان لم يتم تفعيل قرار الدكتور سمير رضوان بالغاء الجمارك من على سيارات المعاقين نرجو من سيادتكم التكرم بمتابعة هذا الموضوع واتخاذا اللازم لتفعيلة فى اسرع وقت فانا اعمل فى انهاء الاجراءات اللازمة لسيارة مجهزة ولا اعرف ماذا افعل بعد الانتهاء من الاجراءات هل اقوم بالشراء بالوضع القديم ام انتظر حتى يتم تفعيل القرار ولا نعرف متى يتم تفعيلة (يوم الحكومة بسنة بس مش عارف بعد الثورة بقا بقد ية) واننى خائف من الانتظار فتنتهى مدة صلاحية القرار الخاص بى ... ارجو افادتى فى اسرع وقت.

هناك طلب اخر نرجو من سيادتكم التكرم باعفائنا منه وهو اننى مصاب بشلل اطفال منذ عمر 8 اشهر وهذا المرض لا يمكن الشفاء منة الا باذن ربنا طبعا فما الداعى لعمل اجراءات القومسيون الطبى فى كل مره فنرجو رحمتنا من هذا العناء .... فهو فعلا عناء لنا بشكل كبير لا احد يستطبع تخيلة

اشكرك كثيرا وارجو الرد على استفساراتى سريعا

امير مدحت جرجس
[email protected]
0106044456


amirgerges غير متواجد حالياً   رد مع اقتباس
قديم 03-16-2011, 04:43 AM   رقم المشاركة : [8]
حسن علي توفيق
عضو
 
افتراضي

اخي الفاضل الاستاذ / عمرو الليثي
لك مني فائق الشكر والتقدير والاحترام لما تبذله من اجل ابناء وطنك
فانني اخوك في الله حسن على توفيق من ذو الاحتياجات الخاصه وبي شلل في رجل اليمنى وتاكل في راس عضمه الفخد بالرجل اليسري واود التحدث اليك انا ومجموعه منزملائي بشان بعد مطالبنا وهي ضروريه وهي كالاتي:
1- توريث المعاش
2- توفير وحدات سكنيه للمعاق
3-فرص عمل
4- ارتفاع الاعفاء الجمركي
5-الغاء صريبه المبيعات واسترداد الضريبه المحصله من قبل
6-توفير وسائل مواصلات مناسبه للمعاق
7- تامين صحي للمعاق
بجوار مطالب اخرى نريد تحقيقها وارجو مناقشه تلك الامور مع حضرتك في اي وقت وارجو رقم تليفون حضرتك او الايميل الخاص بيك
وهذا رقم تليفوني
0122390998
او عالايميل [email protected]

وشكرا جزيلا


حسن علي توفيق غير متواجد حالياً   رد مع اقتباس
قديم 03-17-2011, 07:50 PM   رقم المشاركة : [9]
مصري قديم
عضو
 
افتراضي

ولسه بيحصل في مصر
القومسيون الطبي لسيارات المع
اقين
- هل أنت معاق ومن ذوي الاحتياجات الخاصة
- هل ربنا كرمك بقرشين وقررت انك تحاول أن تعيش حياتك مثل أي إنسان طبيعي وتشتري سيارة مجهزة طبيا للمعاقين
إذا أنت مدعو معنا إلي رحلة إلي القومسيون الطبي للمعاقين والكائن في شارع مجلس الشعب خلف مبني وزارة الصحة
1- في البداية تستقبلك موظفة استلام الأوراق بطلبات من عينة اشتري ملف وصور لي الورقة دي 5 صور والحاجات البسيطة دي وهذه أشياء عاديه
ولكن الغير عادي تري أنها تشخط وتنطر وتتأمر وكأنك حرامي هتهبر لك هبرة من مليارات الدولة اللي راحت ...ولا داخل تقلبها وتاخد منها القرشينات وحتتين الدهب اللي حيلتها... ويمكن تكون فكرت انك انت اللي سرقت المتحف المصري... المهم معاملة في منتهي الاهانة والاستعلاء وكأنك شحات تلم وبلط ودمك يلطش وريحتك معفنة رغم ان عدد الحالات اليومي لا يتجاوز في اقصي الاحوال 15 حاله
بعد كده تدفع الرسوم ويتحدد لك جلسة للكشف بمستشفي المنيرة علي يومين يوم نظر ويوم عظام ( ولك يوم يا ظالم باللي في بالي )
2- تروح مستشفي المنيرة ومش هنقول الحقيرة علي رأي الأخ مرتضي منصور لما كان بيقول الجزيرة الحقيرة ...ما علينا المهم هتلاقي في أول يوم كشف النظر والجماعة بتوع الرمد الشهادة لله بالفعل ناس محترمين ومعاملتهم طبيعة وتعتبر ملائكية بالنسبة للي بعده... لكن ثاني يوم هتشوف حاجات ...مش هتقدر تغمض عنبك
يقولوا لك لازم تكون هناك الساعة 9 صباح وتسعه وخمسه مينفعش تروح في الميعاد يا حبة عيني وتفضل قاعد قاعد لغاية لما جناب الدكتورة توصل عشرة أو عشرة ونص
المهم بعد ما توصل ويشربوا الشاي تلاقي شحط خرج وفي أيده ملفات ويطرد الناس خارج المبني في الفسحة اللي أمام المبني وللعلم إحنا بنتكلم علي ناس معاقين يعني فيهم اللي مبيعرفش يقف واللي مبيعرفش يمشي ولا حتي يقعد والأخ الشحط ده يرص البشر كل واحد حسب دوره كأنهم داخلين في طابور الجمعية ويطلق بصوت حنجوري ( كل واحد يقلع جزمته وشرابه ويشمر بنطلونه) طبعا في ستات دي بس للعلم إن اللي يكشفوا رجال وسيدات وكله هيشمر يا معلم
يمكن هيلعبوا ماتش كوره شراب ولا رايحين الغيط يسقوا الزرع ..!
3- بعد كده ربنا يكرمك وتدخل الكشف هتلاقي دكتورة ظريفة وصغيرة ( يعني خبرتها... دو... يك ) قاعدة علي المكتب وتبدأ الكشف وهي بالصلاة علي النبي قاعدة علي المكتب قرفانه يا ولداه من الاشكال اللي داخله عليها وتبدأ الكشف وتقول روح ..تعالي , ارفع رجلك.. نزل رجلك , حرك صوابعك وفتح عينك تاكل ملبن ( طبعا مقصدش اللي في بالك رشاوي ولاحاجه وحشه لا سمح الله ) لكن كأنك في سيرك الحلو وبيستعرضوا حيوان جاي من مجاهل افريقيا ولا حيوان من العصر الأنوي علي رأي الراحل يوسف بك وهبي في فيلم شنبو في المصيدة
واسألوا الطبيبة المختصة بالكشف في اللجنة الطبية جلسة يوم 12 / 1 / 2011 بمستشفي المنيرة
لأن العبد لله يعتقد المفروض الطبيب يكشف ويري الحالة ويطلب إشاعات أو يعمل مقاسات لطول وأقطار القدمين أو يحيل إلي قسم الاشعه لإجراء الفحص اللازم
مش كده ولا أيه ولا يمكن الطب أتغير وبقي بالفهلوة زي زمان صاحبنا اللي راح في 11فبراير
4- ويقولوا لك النتيجة هتظهر بعد شهرين ومعرفش ليه شهرين بس ممكن احتمال عشان الكنترول ودرجات الرأفة للي بالي بالك ولا يمكن عشان يجمعوا درجات ملف الانجاز
5- المهم بعد شهرين ترجع لمقر القومسيون اللي في وزارة الصحة تلاقي نفسك غير مستحق رغم حالات مماثلة لحالتك أو حالات درجة إعاقتها اكبر أو اقل من حالتك استحقت رغم انك أنت معين ضمن نسبة 5% الخاصة بالمعاقين في الحكومة واتهريت كشف طبي في القومسيون في بلدك بمعرفة خبراء وأساتذة كبار جدا بالمقارنة بالمفعوصة اللي في مستشفي المنيرة اللي شافتك متسول وجاي تنصب عليها رغم انك انت ممكن تكون مهندس أو محاسب أو محامي

يبقي أنت أكيد أكيد في مصر


مصري قديم غير متواجد حالياً   رد مع اقتباس
قديم 04-03-2011, 04:45 AM   رقم المشاركة : [10]
الجندى1
عضو
 
افتراضي

استاذى الفاضل/السلام عليكم لقد شهدت حديثك مع السيد وزير المالية عن سيارات المعاقين وانا احتفظ بةعندى وذهبت لشراء سيارة ولاحظت انة كان كلم فى الهواء فما ريك انت........... وشكرااااااااااااااعلى اهتمامك [email protected] 0103192645


الجندى1 غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
المعاقين, سيارات


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع