الظروف لا تسمح دائما

[elmister]

" اصحى بقه يا بنى انت لسه نايم " قوم يا سيدى اتأخرنا " قوم بقه ياعم دا انت خم نوم " " منتاش قايم طب انا بقه هشيل الغطى من عليك وابقى ورينى هتنام وتكمل نوم ثانى ازاى " .

- قمت طبعا من على السرير، بعد كل اللى حصل ده وبسرعه، زى كل يوم يأتى فيه صديق عمرى الى بيتنا الصبح كى يقوم بايقاظى كى نذهب سويا الى الكلية بعد ان نضع الجنيهات التى معنا فى جيب واحد . خلصنا الكلية مع بعض وبنفس التقدير وعملت مدرسا وعمل صديقى بالميناء مخلصا

" واحشنى والله يا شوشو " انت عامل ايه " بقالى اسبوع مشفتكش " منتاش ناوى بقه تيجى تسكن فى دمياط الجديدة وتأخذ لك شقه هنا يا بنى بقه " وتسيب البلد الهم دى بقه "

- كنت دائما ارد عليه متمنيا ذلك ان يحدث لكن الظروف لم تكن تسمح .

" الحمد لله " انا هسميها ان شاء الله " هنا " " بنت ولا ولد والله كل اللى ربنا يجيبه كويس " دا انا ببص عليها كل خمس دقائق زى المجنون ولا انا فاكر محمد وشهد خالص " انت عارف انا بقيت صارف النهاردة بس كام اكثر من تلتلاف وميتين جنيه " بس الحمد لله ان امها قامت بالسلامة "

- تذكرت حينها مشكلتى مع زوجتى بسبب الولادة المجانية ، التى كادت ان تموت فيها بسبب دكتور التخدير الله يسامحه..
لأنها كانت مصممة ان تلد فى مسشفى خاص .... لكن الظروف لم تكن تسمح

" إلا قول لى يا شوشو ، أخبارك ايه فى المدرسة "

- المدرسة حالها لا يسر عدو ولا حبيب يا صاحبى ، اولا المدير رجل موش عارف ربنا بيقفل على مدرسين وبيحضرمدرسين بمذاجه وأى قرش فى المدرسة تقول دا بتاعه ، ومدرسين واخدين 24 حصة ومدرسين واخدين 10 حصص ، ولا حضانة المدرسة فيها 70 طفل و متقيد 40 طفل ومديرة التعليم صاحبته ووكيل الادارة نسيبه .. أما مدير الادارة بيتعشى معاه كل يوم ... زى متقول كدا المدرسة سلطة !!!!!

" كلمنى انت يا صاحبى عن المينا "

- دى المينا فيها بلاوى متلتلة ، اقول لك على الفواتير المضروبة اللى بتخش بربع القيمة، ولا أقول لك على الاختام المزورة ، ولا الموظفين اللى جيوبهم وارمة ، ولا اقولك على الممنوعات اللى بتدخل فى وسط البضاعة ، اقول لك على أيه ولا أيه .

- كل دا بيحصل فى المينا ، فكرتنى دا انا كان حلم حياتى انى اتوظف فى هيئة المينا وأبويا الله يرحمه يشوفنى شغال هناك ، بس للاسف مكنش عندى وسطه ....والظروف لم تكن تسمح ......

[احمد مختار]

فعلا الفساد حاجة صعب

[elmister]

شكراا على تعليقك يا استاذ احمد

لكن الفساد اكل الشعب المصرى

[tota]

الفساد دمر كل حاجه حلوة
ربنا يكون فى عون الناس
بشكرك على الطرح
جزاك الله خير

[elmister]

شكراا tota على ردك الكريم
ندعو الله ان يبطل عم الفاسدين