محدش فوقها

[سامى النويهى]

ويــــا الأهلى حــــديث العصر
أنــــا أهلاوى مــــدمـــن نصر
بس ياصاحبى لـــو تسمح لى
قبـــل الأهــــلى نشجـع مصـر
مصــــر الأول مصــر بــلادى
مصــر فداها أنـــــــا وأولادى
وان كــــان حبى كبير للأهلى
يبقى لمصر ماهواش عـــادى
مصر دى أمى مصر حيـــاتى
حبها دمــى وكـــل جينـــــاتى
أم الـــدنيـا وهــى المـــــاضى
هــى الحــــاضر هـــــى الآتـى
مصر عظيمـــــه مصر تاريخ
قبل مـا كان فى الكون صريخ
مصرنا كـــانت جـــدرها ثابت
بس لاتمـــرض ولا بتشيــــخ
مصر ح توصل مصر ح تبقى
مصر ح تعلـى وتعلـى وتعلـى
أحفــاد خـوفـو بكـره تشوفـــو
مصر ح تفضل ماسكه الشعله
واهم يـــاللى يغـرك ذوقـــــها
مصر تسوق ولاحـــد يسوقها
حتى ان تعبت أويــــوم وقعت
فـــوق الكــــل محـدش فوقها

[على الشامى]

اهلا بيك يا سامى
طبعا مصر فوق الجميع
ولكن يبقي الاهلى اهلى

[احمد مختار]

جميلة كلماتك ياسامى