ضاع القمر يا ابن عمى

[scriptlover]

مع احترامى البالغ للسيدة شادية صاحبة الاغنية الشهيرة وللسادة الافاضل القائمين على الموقع لهذا العنوان لكنى مع زهقى كتبت

مين منكم لم يرى مبارة الاهلى حكم ظالم ولا مش ظالم المهم رأى الكاف فى النهاية قالت مفيش عقوبة

مين فيمكم ميعرفشى موضوع قضية اللوحة المسروقة زهرة الخشخاش فى النهاية راحت اللوحة والحكم 6 شهور وغرامة 10 الف جنيه فى لوحة تمنها اكثر من 10 مليون دولار والتعليق ان اللوحة لا تساوى الا توقيع صاحبه

اصبر عليا شوية يا من تقراء الان

من امس فى كلام فى الجرائد عن قمر نيل سات 1 راح او ضاع او مشى بعيد عن مساره طبعا الكلام دا لو فى امريكا كان الطبيعى انه راح يطلع صاروخ يرجع القمر لمداره ويتم اغلق الموضوع لكن بما اننا فى مصر فى عهد وزارة المعلومات وحكومة كلها تدور بالحاسوب مش مشكلة خالص القمر وعد الخبراء فى اوكرانيا خلى بالك من البلد فى اوكرانيا انه هيرجع فى نصف شهر نوفمبر القادم دا كلام سيادة الوزير على الدين هلال هو بيقول ان المشكلة من عندهم ومن القمر وايه المشكلة يا سادة المشكلة انه مفيش مصرى بيفهم فى الكلام دا ؟؟؟؟ يعنى اسرار اذا كان القمر شغال على اسرار مش فى ايدنا من الاساس وكل المسؤولين عن الموضوع دا اشتغلوا فى شركات الاسمنتت هى شركات الاسمنت بتشتغل فى الاقمار الصناعية ؟؟؟ ولا ايه بالظبط

مشاكل قليلة وغيرها كتيير لا تعنى الا شى واحد بس اننا فى ومش فى كمان بقينا ملطشه كل شى يخصنا مش مهم

وضاع القمر يا ابن عمى دور عليه وسلمى لحكومة المعلومات الجامدة قوى
وعمار يا بلدى