إضافة رد
 
أدوات الموضوع انواع عرض الموضوع
  #1  
قديم 03-13-2018, 05:29 PM
الصورة الرمزية على الشامى
على الشامى على الشامى غير متواجد حالياً
إداره الموقع
 

افتراضي د عمرو الليثي يكتب القائد الملهم (2)


تكلمنا فى المقال السابق عن مانديلا وكيف خرج من السجن، وقرر أن يلم شمل الشعب، وبالفعل تمت أول انتخابات فى تاريخ جنوب أفريقيا.. وأصبح نيلسون مانديلا أول رئيس أسود لجنوب أفريقيا وأول حاجة عملها إنه طمن البيض، وقال لهم أنا مش جاى انتقم.. أنا جاى ابنى.. مين هيبنى معايا؟ وعين مانديلا نائب أبيض ليه والنائب ده ماكانش أى حد، لأ، ده كان فريدريك دى كليرك آخر رئيس أبيض لجنوب أفريقيا. ما فكرش ينتقم منه أو يقصيه أو يبعده.. لأ.. عينه نائب ما قالش أنا كنت فى السجن ولازم أحاكم اللى موجودين واللى سجنونى.. لأ.. قال له تعالى نعيش مع بعض ونبنى بلدنا، وعمل نيلسون مانديلا لجان المصارحة والمصالحة..
المصارحة بالأخطاء اللى عملها كل فريق، والمحاكمات السريعة العادلة الناجزة للى ارتكب أخطاء، والمصالحة مع كل اللى يعترف ويتحاسب خلاص.. أنت اعترفت بغلطك واتحاسبت عليه، وأنا مش هفضل أحاسبك عليه للأبد، تعالى نبنى بقى.. تعالى لما نشكل لجان محاسبة نشكلها سوا.. والمؤيد والمعارض يقعدوا مع بعض والأعداء يقعدوا على ترابيزة واحدة ويخلصوا عداوتهم اللى ودتهم فى داهية وجابتهم ورا..فى الوقت ده كان كل هم مانديلا إنه يطمن البيض، ويشيل الرغبة فى الانتقام من السود، لدرجة أن تفكيره هداه لفكرة عبقرية إنه يعمل فريقا لرياضة الرجبى.. فريق لكرة القدم الأمريكية يلعب فيه البيض والسود، فالناس لما تهتف تهتف لبلدها اللى فيها البيض والسود، وللمنتخب اللى فيه البيض والسود وساعتها قال.. إحنا مش أمة البيض والسود.. احنا أمة قوس قزح. ولما نزل عشان يفتتح بطولة العالم للرجبى اللى اتلعبت فى جنوب أفريقيا، نزل وهو لابس تى شيرت البيض، وهو أصلاً أسود، عشان يقول: أنا ما عنديش أبيض وأسود.
أنا أسود، ولابس تى شيرت البيض، وكلنا لخدمة بلدنا وفضل مانديلا يبنى فى البلد، ويسمع لكل الآراء، ويقعد جلسات دورية مع المفكرين والعلماء ويسمع منهم، وينفذ، مش يسمع ويرمى ورا ضهره والكل حس إن البلد بلده.. مش بلد فصيل واحد..والكل أدرك أن مانديلا ده راجل عظيم.. احترمه الكل، بما فيهم كتاب التاريخ ومات مانديلا، وكان طبيعى أن العالم كله يزعل عشان مانديلا، بس الحقيقة إننا بنقول فى مصر بيننا وبين نفسنا: ما أحوجنا لمانديلا... فى انتظار مانديلا مصرى محترم، يقف كّتاب التاريخ قصاده باحترام.
التوقيع:


رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع