إضافة رد
 
أدوات الموضوع انواع عرض الموضوع
  #1  
قديم 01-24-2011, 05:18 PM
الصورة الرمزية على الشامى
على الشامى على الشامى غير متواجد حالياً
إداره الموقع
 

افتراضي بقلم عمرو الليثي:الحكومه لازم ترحل24-1-2011

الحكومة لازم ترحل
بقلم عمروالليثي

رئيس الوزراء الدكتور نظيف يتحدث عن ارتفاع معدلات النمو وأمنياته بأن يصل إلى ٨٪ والناس تشعر بأن
كلام رئيس الوزراء للاستهلاك الإعلامى.. فكلما تحدث مسؤول فى الدولة عن ارتفاع النمو (الناس نموها بيقف).. وكلما تحدث وزير فى حكومة مصر المحروسة عن انخفاض أسعار السلع الرئيسية.. (الأسعار بتولع)!!.. وإذا ما أعلن وزير الإسكان أحمد المغربى عن اجتماعات طارئة مع القيادات لسرعة الانتهاء من مشروعات مياه الشرب والصرف الصحى لتستيقظ الناس فيجدوا (لا عندهم مجارى وعايشين على الطرنشات ولا لاقين مياه نظيفة وبيشتروا الميه.. الجركن بـ٢ جنيه).

هذه الحكومة حكومة كاذبة.. على مدار سنوات عمرها لم تشعر بالمواطن الغلبان إلا فى تصريحات مسؤوليها الإعلامية، أما على أرض الواقع فقراراتها متخبطة ولا تشعر بمحدودى الدخل.. وعندما يتفتق ذهن رئيس الحكومة ليؤكد أن الشعب فى رفاهية يخرج ليقول.. إن الحياة مزدهرة والدليل (قالوله) قالوله إن الشعب سعيد وحيثياته ارتفاع مبيعات المشروبات الغازية (بالذمة ده كلام؟).. قالوله إن الشعب هيقطع هدومه من الانبساط، والدليل (الإقبال على شراء أجهزة التليفزيون).. بالله عليكم.. هل هذا كلام مقبول أو حتى معقول؟!..


حكومة أصبح الإنسان فيها يتسول من أجل لقمة العيش.. حكومة أصبح المواطن فيها يبحث فى أكياس الزبالة ليجد بقايا طعام لأسرته الجائعة.. حكومة فى ظلها أصبح الداخل إلى مستشفيات الحكومة مفقوداً والخارج مولوداً.. حكومة فى ظلها ازداد الغنى ثراء والفقير فقراً!! حكومة أحد وزرائها يتباهى بأن دخل المواطن فى الشهر ١٠٠ دولار!!.. حكومة بيشرب جزء من شعبها (مية مجارى).. ويأكلون محصولات زراعية رويت بمياه الصرف وأسماك تعيش فى مياه ملوثة!!.. حكومة باعت ممتلكات الشعب بالبخس تحت مسمى الخصخصة.. وبعد كل ذلك نجلس (لنمصمص شفايفنا) ونقول الحكومة (عملت وسوت).. حكومة تحول فيها الحاصل على بكالوريوس تجارة وهندسة وطب إلى زبال أو سمكرى أو نقاش مع احترامى لهذه المهن.


حكومة حولت مفهوم الشفافية إلى كابوس فى ظل وجود وزراء رجال أعمال نصف أقدامهم فى الوزارة والنصف الآخر فى أعمالهم الخاصة (وهى اللى باقيلهم بعد خروجهم من الوزارة).. الاقتصاديون يحذرون حكومة نظيف من تكرار أحداث تونس ويطالبون بوضع خطط لتحسين الأجور والقضاء على ارتفاع الأسعار.. بالمناسبة.. تونس فى عهد بن على حققت إنجازات كانت الحكومة هناك تتباهى بها لكنها كانت إنجازات لفئة محددة والغالبية كانت تعانى من الظلم والفساد وغياب العدالة.. لذا فإن الفساد والظلم (يمحوان أى إنجازات للحكومة)!!


إنى أطالب الرئيس مبارك بأن يقيل حكومة نظيف (عاوز أقوله يا ريس الناس تعبت من هذه الحكومة.. يا ريس الناس عايزة حكومة شعبية.. حكومة تحس بيها.. وتعمل على مصالحها.. يا ريس الناس مش عايزة حكومة إلكترونية، لكن عايزين حكومة إنسانية تشعر بهم وبآلامهم وتحل مشاكلهم.. تكون ليهم مش عليهم)!!


كلمة وبس


■ كل ما واحد ينتحر أو يحرق نفسه يقولك أصله مريض نفسيا.. (والله الحكومة هى المريضة نفسيا).


■ بيقولوا هيزودوا الدعم للخبز.. (يا عم كلام الحكومة مدهون بزبدة يطلع عليه النهار يسيح).
التوقيع:


رد مع اقتباس
قديم 01-24-2011, 07:55 PM   رقم المشاركة : [2]
حنان 2011
عضو
 
افتراضي

انا اول واحده موافقه بجد على كل كلمه حضرتك بتقولها

ليه بيحصل فينا كده مصر الى ذكرت فى القران وذكرها الرسول مره

ليه بجد ايام السادات وناصر هل كنا بالفقر ده ؟؟؟؟؟؟؟؟؟؟؟؟؟؟


انا لانى انسانه بجد اول من يؤيد الاستاذ عمرو الليثى على اقاله الحكومه

كفايه حال الناس يعبر عن اى كلمه


حنان 2011 غير متواجد حالياً   رد مع اقتباس
قديم 01-24-2011, 09:19 PM   رقم المشاركة : [3]
liooon
عضو
 
افتراضي

الكلام ف الصميم ... ولما حد يسال نفسك مين يقال من الحكومه ؟ يبقي الحكومه تقال من الكبير للاصغر ... ويحل مجلش الشعب الموالي كل المولاه ولا ينتقد اي شئ ولا يفعل الا ما يمل عليه وكذالك مجلس الشوري .... لكن يا استاذ عمرو زي محضرتك قولت هما ف وادي واحنا ف وادي تاني هما لما بيجو يكلمو ف اي قرارات بيبقي غير الواقعي خاااالص الحياه وردي عندهم ... ولما حد يكلم يقول العدد كبيير يا استاذنا الصين مليار و250 مليون هو الفرق بينا وبنهم انهم دوله مصنعه واحنا مستهلكه وكنا رواد ف توريد القمح والدوله رقم 1 ف القطن وجودته وباقي المنتجات .... دلوقتي احنا اللي بنتستورد والحكومه هيا اللي واجبها تحويل مجهودات الزياده السكانيه الي الاصلح والانفع ... لان لا يعقل ان الدوله هتفضل معدلات نموه سكانها لا يزيد بالعكس لازم يحطو مشاريع مستقبيله للزياده دي وبدل متكون الزياده دي مشكله تكون منفعه للوطن الغالي وللشعب عمتا لكن
مفييش اي تشغيل صحيح لموارد الدوله يعني منعرفش بتروح لفين او لمين ... لنا الله


التوقيع: لكل منا وجهة نظره
liooon غير متواجد حالياً   رد مع اقتباس
قديم 01-26-2011, 01:48 AM   رقم المشاركة : [4]
عبد الغفار منصور
عضو
 
افتراضي

حكومه ظالمه بكل معني الكلمه

وعمرها ما هتستقيل حتي لو الناس موتت نفسها في الشوارع

والريس لا حياه لمن تنادي (للاسف)


عبد الغفار منصور غير متواجد حالياً   رد مع اقتباس
قديم 01-26-2011, 01:54 PM   رقم المشاركة : [5]
ريهام احمد
عضو
 
افتراضي

انا اول من يؤيد مثلى الاعلى الاستاذ عمرو الليثى
فلا حل سوى رحيل الحكومه الظالمه
وان لم يحدث ذلك فسوف تتحول مطالبنا الى مطالب غير مرضيه بالنسبه للرئيس


ريهام احمد غير متواجد حالياً   رد مع اقتباس
قديم 01-26-2011, 02:59 PM   رقم المشاركة : [6]
محمد عبد المقصود
عضو
 
افتراضي الحكومة الزكية جدا

معاك كل الحق يا استاذنا العزيز ..بس مين يسمع .. نفسنا فى حكومة تحقق العدل والمساواه للجميع .. نفسنا فى حكومة تعمل لكل فئات الشعب وليس للقلة فقط ..نفسنا فى حكومة تحسسنا اننا بنى أدميين...فين حق أكثر من 8 مليون معاق ..فى الدول التانيه المعاق بينشال فوق الراس لكن فى مصر المعاق تحت الرجول بينداس


محمد عبد المقصود غير متواجد حالياً   رد مع اقتباس
قديم 01-26-2011, 03:21 PM   رقم المشاركة : [7]
وائل العربى
عضو
 
افتراضي

ارجوك يا استاذ عمرو ان تكلم الناس و تتظاهر بسلم و بلاش عنف و انا معاك فى كل كلمة حضرتك قلتها
بس لازم لما الناس تنادى بالتغير يبقى فى البديل القائد الذى يستطيع ان يأخد الشبع المصرى إلى بر الأمان
لأن العنف لا يولد إللا الفوضى و ربنا يحفظ مصر من كل سوء


وائل العربى غير متواجد حالياً   رد مع اقتباس
قديم 02-03-2011, 03:54 PM   رقم المشاركة : [8]
محمد رجب الصفناوي
عضو
الصورة الرمزية محمد رجب الصفناوي
 
إرسال رسالة عبر مراسل Yahoo إلى محمد رجب الصفناوي
Smile

تحية الي شهداء تورة التغيير


التوقيع:
تعصي الإله وأن تظهر حبه*** هذا لعمري في القياس بديع
لو كان حبك صادقا لأطعتـه*** إن المحب لمن يحب مطيع
من عرف المحبة عن يقين*** محال أن يميـل إلى فراق
وكيف أحب غير الله يوما *** وليس سواه في الأكوان باق
فلـو أنا إذا متنـا تركنـا *** لكان الموت راحـة كل حي
ولكنـا إذا متنـا بعثنـا *** ونسأل یومذا عن كل شي
محمد رجب الصفناوي غير متواجد حالياً   رد مع اقتباس
قديم 02-04-2011, 12:01 AM   رقم المشاركة : [9]
نور الهداية
عضو
 
افتراضي

لولا أمير الاعلام عمرو الليثى ما قامت تلك
الثورة نعم فهو السبب فى فضح هؤلاء الفاسدين
بارك الله فى كل أعلامى مصرى شريف
.


نور الهداية غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الليثيالحكومه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع