إبراهيم حسن يفتح النار: "هضرب أي حد بالجزمة وهو الأهلي فيه أخلاق أصلا"

[على الشامى]

فديو اضغط هنا

أطلق إبراهيم حسن مدير الكرة فى نادي الزمالك تصريحات نارية ضد لجنة المسابقات بإتحاد الكرة والنادي الأهلي ووكالة الأهرام للإعلان عقب انتهاء مباراة فريقه الودية أمام منتخب الشباب مساء السبت والتي حسمها النادي الأبيض برباعية نظيفة.
وقال ابراهيم فى تصريحات لمراسل "جود نيوز فور مي" تعليقا على إيقافه لمباراة واحدة إثر اعتراضه على حكم مباراة فريقه أمام المقاصة: " طالما إن مفيش ثورة حصلت وان مفيش حاجة اتغيرت فى مصر و إن الرياضة تحولت للأسوأ، فأى حكم أو أى مراقب أو أى حد هيكلمني ومش هعرف أخد حقي منه فأنا هضرب أي حد بالجزمة".
وتابع غاضبا: "يعني أنا أتعاقب زى سيد عبد الحفيظ اللي نزل ضرب الحكم وكمان يسيبوا ابو تريكة اللي نزل شتم الحكم وهو مش فى قائمة المباراة ولما سألوه عملت كده ليه فقال انا كنت بعاتبه عشان شتم الجمهور ويقولك فى الآخر أصله متدين وأخلاق".
وأضاف: "مفيش أخلاق فى النادي ده أصلا".
واستنكر ابراهيم العقوبة المالية الموقعة ضد جمهور نادي الزمالك أيضا رغم الإشادة به من الجميع على حد قوله حيث غرمت اللجنة النادي مبلغ 20 ألف جنيه بسبب إلقاء الجمهور للحجارة.
وأوضح ظهير منتخب مصر السابق: "أنا معرفش جمهور الزمالك هيكون رد فعله ايه يوم الاثنين فى الوقفة اللي هيعمولها أمام اتحاد الكرة لأننا بنتظلم في الوقت اللي كل الناس بتشيد بينا وبتقول جمهورنا كان نضيف".
وتابع: "هاتوا الفيديوهات اللي أشاد فيها لاعبو المقاصة بجمهورنا وقالوا انهم ندهوا عليهم بعد المباراة وهتفوا لهم. أنا مش فاهم عقوبة الجمهور جت منين".
وانتقل شقيق المدير الفني للحديث عن النادي الأهلي الغريم التقليدي لناديه منتقدا من جديد المبلغ الخيالي الذى وقعه النادي الأحمر مع وكالة الأهرام للإعلان (141 مليون جنيه) مقابل رعايته لمدة 3 سنوات.
"ازاي وكالة الأهرام تفتح آبار الفلوس للأهلي واحنا مدفعناش للعيبة مرتب الشهرين اللي فاتوا والأهلي دلوقتي بيتعاقد مع عبد الله السعيد ومحمد زيدان. هيا فين المنافسة دي؟!! في لعيبة مستريحة وواخدة مستحقاتها ولعيبة مش لاقية مرتبات".
وتابع: " دي بقى مش مشكلة الزمالك ولا فهلوة من الأهلي وانما دي الوكالة اللي فاتحة لهم آبار الفلوس. وبعدين قاعدين يعملوا لوبي للأهلي فى اعلامهم وزعلانين انهم خدوا المبلغ القليل ده".
وأضاف: "فى الوقت اللي الأهلي عنده شوقي وغالي وابو السعود مثلا بيكونوا خارج تشكيلة المباراة وثمنهم لوحدهم معدي الـ 15 مليون جنيه بينما فريقنا كله مش مكمل 10 مليون جنيه ومعندناش بدائل فى كل المراكز زيهم".
وفى سياق آخر، تلقى ظهير الفريق عمر جابر عروضا من عدد من الأندية الفرنسية عن طريق وكيل أعماله محمد شيحة وسط أنباء عن احتمال غيابه عن مباراة الفريق المقبلة أمام اتحاد الشرطة بسبب إصابته بإجهاد فى العضلة الخلفية.
وبخصوص حارس مرمى الفريق عبد الواحد السيد الذى تغيب عن مباراة اليوم الودية أمام منتخب الشباب بسبب الإصابة، فقد أكد مصطفى المنيري طبيب الفريق أن اللاعب سيعاود المشاركة فى المران الجماعي بداية من غدا الأحد بعدما أدى تدريبات انفرادية تحت اشرافه طوال اليومين الماضيين.
وقد أشاد المنيري بالحارس الجديد محمود عبد الرحيم "جنش" الذى شارك فى مباراة منتخب الشباب وظهر بمستوى متميز وحافظ على نظافة شباكه.
يذكر أن الفريق سيستأنف مرانه فى السادسة من مساء غدا الأحد فى إطار الاستعدادات لمواجهة اتحاد الشرطة.

مصدر الخبر

جود نيوز فور مي

[احمد مختار]

مش عايز ارد عليه
دا عقله تعبان ياعم على والله
ربنا يهديه