شاب مصرى وقرب يكره انو كده

[wa7d mn el naas]

اسف على عنوان الموضوع ولكنها الحقيقه
ايوه هيا الحقيقه
استاذ عمرو هو مجرد سؤال عايز اجابه ليه
هو قانون ابناء العاملين لسه شغال وله الحكومه لغتو ؟ !
لو مكنش لغتو انا بقالى 4 سنين قدمت طلب لشركه انابيب البترول اللى كان شغال فيها ابويا الله يرحمه اكتر من 35 سنه وكنت سعتها عندى 4 سنين
والحمد لله انى ابويا كان شغال فى شركه حكومه لانو لما مات كانت امى لسه فى شبابها ومتجوزتش . متجوزتش علشان اول حاجه بتحبنا انا واختى وتانى حاجه لانو كان فى معاش تعيش او نعيش كلنا منو والحمد لله انا اتعلمت واختى اتعلمت
ودلوقتى انا شغال فى شركة ادويه كبيره وهيا شركه اجنبيه والنهارده روحت الشغل وفى اخر اليوم قلولى احنا مستغنين عن خدماتك انا واكتر من 20 شاب زيى
وخرجنا منها يا مولاى كما خلقتنى لاننا نعمل تحت مسمى ( عماله خرجيه ) يعنى بعقد
ودلوقتى انا فى الشارع علماًَ بأنى متجوز واكرمنى الله بطفل الحمد لله
قولى انت يا استاذ عمرو هو انا مش من حقى انى اتعين مكان ولدى اللى خدم الحكومه 35 سنه وله ده مبقاش حقى
ونا روحت الوزاره علشان اققدم شكوى بس قلولى انى فى المكان الغلط
سعتها عرفت انى الشكوى لغير الله مذله بس انا هعمل ايه اروح لمين بس
قولت اكلم حضرتك يمكن يكون عندك حل
معا انى عارف انى بردو فى المكان الغلط ونى مينفعش اقولك مشكلتى هنا بس ده المكان اللى عرفت اوصلو
استاذ عمرو انى دلوقتى فى الشارع بجد وامى وابنى ومراتى فى رقبتى
يارب يكون عندك حل .
واسف لو كنت طولت عليك فى الكلام .
وشكرا ليك على كل حال حتى لو مفيش حاجه فى ايدك ليه بس انا بتفرج على البرنامج بتاعك وربنا يعلم انى انا بحترمك وبقدرك اد ايه
لانك رجل مصرى محترم ومخلص للبلد ولشعبها الغلبان
فى وقت كل الناس بتقول يلا نفسى
شكرا ليك يا استاذ عمرو الشكر مش علشان مشكلتى انا بس شكرا ليك علشان اللى بتعملو معا الناس الغلابه اللى انا عارف انى ربنا اللى بعتك ليهم وربنا يقدرك على فعل الخير ديما
واخيرا خد بالك من نفسك علشان انت اكيد عامل مشكله لناس كتير مبتحبش الخير وعايزه الناس تفضل كده متعزبه

[على الشامى]

ربنا يخفف عنك يارب وتتحل مشكلتك
وان شاء الله هقدم شكوتك للقسم المسئول

[wa7d mn el naas]

بجد شكرا ليك مكنتش متخيل سرعه الرد دى [align=center][/align]

[lion hart]

برافو عليك يا على والله رد تمام فى المكان التمام

بس بردو انا معاك يا واحد من الناس انا زيك بردو واحد من الناس باقولك

الشكوى لغير الله مزله

ربنا معك

[wa7d mn el naas]

[align=center] شـكــ وبارك الله فيك ـــرا لك ... لك مني أجمل تحية .
بس محدش بيحس بحد [/align]

[بناءالامة]

بسم الله الرحمن الرحيم
الحقيقة هى مشكلة اكثر من مليون شاب فى مصر لان التعيينات توقفت من سنه 1984وطبعا اعمار الناس ديه تعدى 46سنه ولكن ماذا بعد خريجين ذلك العام وطبعا انا منهم فليس هناك اى حل ؟؟؟؟؟
إن شاء الله -عزوجل -يكون فى حل لمشكلتك عند استاذ /عمرو الليثيى