إضافة رد
 
أدوات الموضوع انواع عرض الموضوع
  #1  
قديم 11-10-2012, 07:12 PM
الصورة الرمزية على الشامى
على الشامى على الشامى غير متواجد حالياً
إداره الموقع
 

افتراضي بقلم عمرو الليثي:رضا عبدالسلام.. لا حياة مع اليأس

سمعت فى الراديو فى إذاعة القرآن الكريم صوتا جميلا لمذيع اسمه رضا عبدالسلام.. هذا الرجل صوته يعجبنى كثيرا.. عندما أذهب لكى أصلى الفجر فى السيدة نفيسة بشغل الراديو وأسمعه وهو بيدعى وبيقدم صوته نقى جدا.. فى يوم من الأيام قلت لازم أقابل هذا الراجل المذيع المحترم رضا عبدالسلام كلمته فى التليفون وذهبت قابلته والحمد لله إنى قابلته وجدت إنسان «أبتر إيديه الاتنين» وهو أول مذيع لديه هذه الإعاقة فى العالم عندما جلست معه وجدت أنه شخصيه لديها إيمان.. حكا لى حكايته قال لى إن هو خريج ليسانس حقوق وبعدين ليسانس فى الدعوه الإسلامية وبعدين شهادات فى اللغه العربية والإلقاء حاصل على الماجستير ويحضر للدكتوراه.. قلت له أستاذ رضا بس إنت مذيع عمرنا طبعا ما كنا نتخيل شكل حضرتك إيه لأن الناس دائما بترسم فى خيالها صورة لمذيع الإذاعة لم يتخيلوا شكله إيه لأنهم مش شايفينه.. قلت له إنت بتكتب إزاى؟ مسك القلم بفمه وبدأ يكتب سكربت الحلقة اللى هيذيعها قلت له معقول وإنت على الهواء بتكتب بفمك قال لى أقولك على حاجه كمان أنا بالعب بينج بونج وقعد يحكى لى إنه شارك فى تغطية أكبر مسابقات القرآن الكريم فى دبى ومسابقات الحج وأمسيات جماهيرية وبرامج حوارية وقطوف من السيرة ومع الصحابة وقال لى إنه بيكتب كتابين.. كتاب عن أشهر المعاقين فى العالم والكتاب الثانى اسمه حياتى.. بصراحة انبهرت بيه جدا.. قال لى تعرف أنا لما جيت قدمت هنا فى الإذاعة من عشرين سنة رحت قابلت رئيس الإذاعة أول ما شافنى قال لى مستحيل تبقى مذيع قلت له ليه؟ إيه الفرق بينى وبين أى مذيع تانى؟ أنا دارس ومتعلم قال لى إزاى؟ قلت له إدينى فرصة، ومسكت القلم بفمى وكتبت له وصمم على رأيه وقال لى (لا يعنى لا) وعيّنى فى الأرشيف كان نفسى آخد فرصة.. وبعد كده مشى رئيس الإذاعة واتعين رئيس إذاعة جديد وبعت لوزير الإعلام ولم أجد ردا.. عندما تعيّن رئيس الإذاعة الجديد دخلت عليه فتحت الباب بفمى ودخلت قلت له أنا سمعت إن حضرتك رجل عادل أعطنى فرصة أنا صوتى حلو جربنى وأعطنى فرصة.. الغريبة أن الرجل سمعه وعمل له تست (بلغه الإذاعة).. وبعد ذلك قال له مبروك يا رضا إنت أصبحت مذيع.. قلت له حسيت بإيه؟ قال لى أنا مهما أوصفلك شعورى مش هقدر، إنت عارف يعنى إيه أكون معاق وفاقد الأمل فى حياتى وحاسس إنى نفسى أعمل حاجة والإعاقة دى منعانى؟ حسيت إنى اتولدت من جديد.. قلت له تصدق يا أستاذ رضا أنا عمرى ما تخيلت أن الصوت الجميل الذى أسمعه كل يوم ده حضرتك.. قلت له إنت تزوجت؟ قال لى آه.. قلت له هل لديها إعاقة؟ قال لى بالعكس عادية جدا محترمة وفاضلة ولدىّ ولد وبنت جمال جدا، سألته بيساعدوك؟ قال لى آه، لكن أنا قررت إنى أعمل كل حاجة لنفسى وبلبس نفسى وبعمل كل حاجة بنفسى.. قلت يا سبحان الله الإبداع ده ملهوش حدود يا جماعة.. اللى معاق ومفكر أن الإعاقة تمنعه من أنه يطّلع إبداعه يبقى غلطان.. قال لى لكن عايز أقولك حاجة، بلدنا ظالمة تخيل أن القانون يقول إن 5% تعيين للمعاقين، أتحداك لو فيه 2/1% اتعينوا.. قلت له الثورة قامت وإن كان المعاق قبل الثورة لن يأخذ حقه فبعد الثورة كل معاق فى مصر لازم ياخد حقه.. لأن المعاق ليس ذنبه لكنه قدر ربنا أنه يكون معاقا.. بصراحة أنا اتعلمت من رضا عبدالسلام أن الإيمان والعزيمة وأن الإعاقة لا بد أن تحذف من قاموس حياتنا لأن العبرة بالكفاءة، بالنجاح، بالموهبة، بالإبداع.
التوقيع:


رد مع اقتباس
قديم 12-17-2012, 10:17 PM   رقم المشاركة : [2]
Mohamed & Ahmed
عضو
 
إرسال رسالة عبر مراسل Yahoo إلى Mohamed & Ahmed
افتراضي

الحمد لله على نعمة الصحة
ربنا يحمي هذا المذيع ويزيد من ايمانه


Mohamed & Ahmed غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع