خد بالك من الاشارات دى

[محمود طربوش]

السلام عليكم ورحمه الله وبركاته

فى ناس مننا ممكن تنسى او تغلط وتاخد بالها من اغنية او حاجة وتقول ياااه بصى الكلام مطابق لحالتى النفسية ازاى !! او مطابق للموود بتاعى او تاخد نصيحتها من حد مش كويس او من مكان مش كويس او من كلام مش كويس


قال يعنى ربنا بعتلها ده جواب على حالتها النفسية

طيب هو معقول ربنا يبعت جواب شئ ؟ عن طريق ناس او اشخاص سيئيين؟


لا طبعا مش دى اشارات ربنا للانسان

اشارات ربنا للانسان لما يعوز يوصلك حاجة ......... بيوصلهالك عن طريق حديث ممكن تقع عينك عليه او حد يقولهولك او آيــــــــــــه قرآن

او يبعتلك شخص ما فى اى مكان ما يكون كويس وينصحك نصيحة معينة ............ ربنا بيكون بينصحهالك عن طريق الشخص ده

او درس دينى معين او حلقة او كتاب كويس

ربنا بيتعامل معانا بس احنا الى مش حاسيين بالتعامل

ربنا قال فى معنى آيه القرآن انه جعل لكل شئ سبب وحكمة وانه لم يخلق السماء و الارض وما بينهما لاعب ... يعنى مافيش حاجة كدا هباء

سبحان الله

ركز فى كل حاجة ربنا بيبعتهالك وركز ان كل شئ بسبب وحكمة من الله

يعنى ربنا خلى قدرك مثلا انك تركب المواصلات مع الشخص الفلانى ده مخصوص النهارده عشان خاطر تسمع الآية المعينة الى هو مشغلها فى راديو العربية ... مثلا يعنى او ربنا يحط شخص فى طريقك صالح تتعرف عليه وينصحك او يقولك حاجة فلانية كويسة تفيدك ... ربنا الى بيكون باعتهالك او بيقولهالك عن طريق الشخص ده

كل الحاجات دى ركز فيه .. هتلاقى ان فعلا فى علاقة ما بينك وبين ربنا .......... وانه بيتعامل معاك ويكلمك عن طريق الحاجات الى حواليك

ركز هتعرف هو عاوز منك ايه وبيطلب منك ايه و بيوجهك ل ايه

ركز هتحس بالعلاقة مع الله ان شاء الل