عنصريه

[سامى النويهى]

لما دى مش عنصريـه
نفسى حد يقوللى هـــى
تبقى ايه العنصريــــــه
لما دى مش ارهابيــــه
نفسى حد يقوللى هـــى
تبقى مين الارهابيـــــه
اللى غطت ع النازيــه
واللى واخده فى الأذيه
الف فاتــــــــح للشهيـه
هى دى مش ارهابيـــه
اللى تضرب بالذكيــــه
فسفوريه وعنقوديـــــه
طفل عابر او صبيــــه
هى دى مش ارهابيــه
اللى تهدم كـالـــزلازل
فى المدارس والمنازل
اللى تبنى خط عـــازل
فوق اراضى فلسطينيه
هى دى مش ارهابيــه
ام غل وقلب جـــــاحد
اللى لو مات ليها واحد
يتقتل قــــــدامه مــــيه
هى دى تبقى الضحيـه
هى طبعا ارهـــــــابيه
هى ام العنصريــــــــه
هى افعى هى حيــــــه
هى نبته شيطانــــــــيه
اه يا انصـــــار الغبــيه
اه يا عار ع الانسانيــه
اه يا عالم دمه ميــــــه
هى دى مش ارهــابيه
يا دول مش مستحـــيه
زعلتكوا الكلـــمه ديــا
وانسحبتوا عشان بهيه
جاتكو وكسه انتم وهى