الحقيقة يمكن يكون الموضوع ده فى راى اهم من كل الاحداث السياسية والاجتماعية الصاخبة اللى عيشها دلوقتى المجتمع المصرى لانه بيمس صحتنا وصحة اولادنا والملايين من شعب مصر.
لحد امتى هانفضل قافلين على القوانين وحطينها فى ادراج مكاتب كبار المسئولين ؟..صحيح فى عقوبات كتيييير فى القانون المصرى لكن بعضها ينقصة الشدة فى تفعيلة والبعض الاخر يلزمة عقوبه رادعة .
والمناسبة ان مصنع صلاح وعبد الفتاح للانشون المسرطن بيكذبوا كل العينات اللى اتخدت من منفذ بيع مصنعهم وبيساندهم فى كدة احد المسئولين فى وزارة الصحة باتهامه صحفيتى جريدة المصرى اليوم بكذبهم وتلفيقهم هذا الموضوع .
والعسل فى الموضوع ده ان كتيييييرجدا من المسئولين عرفوا بالمواد الزبالة اللى بيستخدمها المصنع ما هو لما يحطوا احشاء وروث البهائم وجلد الفراخ ويعملوه لانشون تبقى مواد زبالة .
اما الطحينة بقى فى الموضوع ان الشكوى كانها لم تكن وكلام وبس فى البرامج وتبادل اتهامات ...وما حدش اتحرك بجدية .