اعجبتنى كلمة ( دلع ) ... و اسمحوا لى ان اقتبسها فى تعليقى لانى اليوم رأيت مثال قوى لدلع المواطنين انا معلمة و قد تم انتدابنا اليوم انا و مجموعة من الزملاء كمراقبين لمنطقة نائية تابعة لمحافظتى و اذ بالسيارة تقف فجأة فعرفنا السبب ان يوجد كبل كهرباء ساقط و قاطع الطريق علما بان هذا الكبل طوله أكثر من 10 أمتار و محاط بالبيوت و على مستوى قريب جدا من الارض و سهل جدا ان اى طفل يمسكه و الحمد لله بجهود المواطنين المدلعين استطاعوا ان يرفعوا الكبل بألواح خشبية حتى نستطيع المرور ، لأننا بندلع تأخرنا عن العمل و لاننا بندلع شعرنا بالفعل بالخوف و لان المواطنين بيدلعوا ما لقوش حد يعبرهم و يحميهم من كارثة .
اوعوا تنسوا ان دول بشر كما قال صلاح جاهين:
موجود على الأرض دم كتير وله أصحاب
ماشيين على الأرض لسه مانتهوش لتراب
قاعدين على البرش لسه من ورا الأبواب
لاهثين ورا القرش لسه وبيطولوه بعذاب
عايشين على الشمس والطين هما والأعشاب
عاملين لترس المكينة سيور من الأعصاب
حارقين فى فرن القمينة عضمهم أخشاب
رايحين وجايين غلابا مظلومين أغراب
|