قصيده نواب الرصاص للشاعر عبد الفتاح العقيلى
[قصيدة نواب الرصاص للشاع
زمان كان نواب بلدنا صوتهم يـهذ البرلمان
وكل عضو وله مجاله والكلمه يوزنـها بميزان
لامرَّه حطو ولا مرّه شالو من مضبطة مجلس زمان
ولا سمَعنا عن عضوطالب بضرب شعبه بالرصاص
*********
إليومين دول يا خلق فجأه سمعنا عن نائب هُمام
فاكر نفسه خطيب مفوه قام يهلفط بالكلام
وقف فى لجنة امن قومى محدثا قوما كرام
مطالباً آل إيه سعادته ضرب شبابنا بالرصاص
*********
صاحبنا قالو إسمه نشأت ومعاه كمان رجب حميده
وموافقهم الأخ عقرب قالو كده بلغات عديده
القصاص قال (لأ ماقلتش) وراح اشكى الجرانين
وعقرب قال ماكنتش اقصد غير بس ضرب المجرمين
أما صاحبنا ابو دقن شايبه فاتكحول على عينه الحزين
وقال انى نسيت اوضح كلامى فقط للسامعين
وعشان سيادته لسانه اعمى قام زاد المبله طين
وقال (إيه يعنى يموتو عشره بس الوطن يعيش امين )
طيب دى كلمه يقولها نايب بيسمى نفسه الفصيح
قلت اقرأ عن التلاثه جايز القى شئ مفيد
أو اعرف سبب هفة عقولهم والا اعرف بيت القصيد
لقيت القصاص ما يسوه كلمه نقولها عنه او نزيد
تاريخه إنه خدله جزمه من عضو تانى كان شديد
أمّا التانى إلأخ عقرب إللى عايز يضرب بإيد حديد
لقيت سيادته شرطى سابق ناسى أخلاق الصعيد
إن الشجاعه فى المعارك نار لنار او إيد لإيد
إلشجاعه مش قتل أعزل أو ضربه برصاص أو حديد
عايز يا عقرب تدس سِمك وفالم شعبك تزيد؟
يعنى كانت ناقصه عقارب يطلع لنا عقرب جديد
أمّا تالت عضو فيهم فصاحبنا كان رجب حميده
واحد معاه دبلوم صنايع وعضو له وجوه عديده
كان داخل المجلس بيشحت صبح له املاك عديده
وده كله (هأو)من كفاحه وعربية كبده مش جديده
قام سعادته يدلى دلوه على طريقة ابوعريضه
قال الشباب فلت زمامها بيطالبو بإصلاحات جديده
وقال إلعادلى راجل حنين وإلشباب يلزمها إيد شديده
أما أجمل شئ سمعته وخلآ البلد نامت سعيده
إن الوزير العادلى صرح يومها بتصريحات فريده
إن إلأمور مابقتش فوضى وأحرج كل ابو عريضه
وإللى إفتكر نفسه بنفاقه هينزل على القايمه الجديده
أتاريه هياخد خزوق مغرى يقعد عليه مع ابو حميده
أما تالتهم إلأخ عقرب فله حصه فى الخزوق أكيده
أما عقابهم من سعادتى فقصيده الفاظها شديده
كتبتها وكان كل قصدى تكون على جريمتهم شهيده
تأليف –عبدالفتاح على عقيلى
ر عبد الفتاح على عقيلى]
|