سيرك..إتنصب....
فيه الأمين..واللي نـَصب
فيه البرئ.........
واللي بينخـُر في العـَصب
فيه اللي صافيّه نـِيتـّه
واللي لابـِدلك في القصب
أمـّا النتيجة المؤلمـــــــه
مصر اليتيمــه..بتُغتصَب
***
مصر ..حـِلوه
مصر خـُطـّابها..ألوف
واللي طالبين وِِدّها..
واقفين صفوف
مصر أحلي نجمه تسكـُن
في القصور..تـِلبس شفوف
مصر كعبه نحّج..ليها
واللي جــــــاي زاير يطوف
هيـّه صاحبة عـِزّه وإحنا
نيجي للأعتاب..ضيوف