لقيت فانوس مرة ودعكتيه طلعلي عفريت قاللي شبيك لبيك
قلت خلاص الذل ودعته !!وياعفريت بالطلبات هاهريك
قالي هأوأو...........ياناس دانا عفريت ابن جان
مايهمنيش مكان ولا زمان
واطلب وانا عندي البرهان
قلتله عاوز قمح يتزرع في مصر ومسئولين يبطلوا فشر
وحكومه متعصرنيش عصر ومرتب يكفي لاخر الشهر وعاوز عيش من غير طوابير
وانفاق حكومي من غير تبذير ......وعاوز في بيتي شيكارة دقيق وسبب مقنع لاي حريق
ومجلس شعب بدون تصفيق....وفي كأس العالم لينا فريق..وعاوز مرة ازور شرم الشيخ
وصباعين كفته من اللي في السيخ ..واشرب مرة عصير بطيخ..واخرج من القسم دون تلطيخ
ونفسي الضحكه ترجع تاني وحته لحمه كندوز او ضاني وجنيه مصري زي البراني
ورصيف للمشي انا وخلاني
رد العفريت عليا بغشم وقال ........يامصري ماكنش العشم ..بص ..انا ممكن انقل لك الهرم
واسد لك الاوزون اللي اتخرم..........وارجع ليك الاكل اللي اتهضم ..وتمأمأ البقرة زي الغنم
واعملك قصر من العدم..واقولك معني شرم برم
بس طلباتك طلبات ملموس ..عقله خلاص اكله السوس واحنا بناخد منكم دروس
ازاي نخلي الجن متعوس ..وياريت ترجعني للفانوس ..وزي بعضه اعيش محبوس ..بدل مااخرج واتبهدل زيك .ويتلم موكوس علي متعوس
و يارب يعجبكم ومش نتحبس