اقتباس:
المشاركة الأصلية كتبت بواسطة بسمة ناصر
ههههههههههههههه ,زى العسل والله, بس المسئولية مش على الحكومة وحدها الناس لازم يكون عندها وعى شويه,والنظافة من الايمان
|
اقتباس:
المشاركة الأصلية كتبت بواسطة هند محمد محمود
70 مليون لرفع القمامة!!!!!!!! لكن يارب بعدها لا يكون هناك زبالة.. حرام والله مصر أجمل من كده يكتير ... ليه دايما بنشوه صورتها ونبهدلها بالزبالة!!!!!!!!!!!!!!!!
|
اقتباس:
المشاركة الأصلية كتبت بواسطة اميره عطيه
مشكله الزباله على فكره مش فى الجيزه بس ....دى فى أحياء تانيه كتير مثل حى عين شمس أكوام الزباله فيه قربت تبقى طول الناس واطول منها كمان وهما ماشيين فى الشارع ومش متراكمه بس عند المدارس واكشاك بيع العيش دى وصلت لدرجه إن أكوام الزباله عامله عائق لمرور المواصلات فى بعض الشوارع الرئيسيه التى تمثل همزه الوصل بين حى عين شمس وجسر السوبس بالإضافه الى أكوام الزباله فى جسر السويس ايضا.....
|
اقتباس:
المشاركة الأصلية كتبت بواسطة بسمة ناصر
بصوا يا حبيابى انا هنزل الم كل الزبالة اللى فى الشوارع فى ظرف اسبوع وهاخد انا 70مليون جنية دول اتجوز بيهم ههههههههههه
|
كان فيه مشروع انهم هيجيبوا شركة اجنبيه تنضفلنا شوارعنا و يلموا الزبالة عندنا
و الشركة طلبت مبالغ كبيرة جدا نظرا لان الزبالة عندنا كتيرة قوى و كل ما بتتشال بتستحدث و لا تفنى
طب ما احنا اولى من الاجانب و المفروض الحكومة تحاول تعمل مشروع و تسميه مثلا مشروع تنظيف مصر و تحاول تستقطب العاطلين عن العمل و تحفيزهم برواتب مجزية و اهو منه ننضف البلد و منه نشغل الشباب
لأن مشكلة مصر فى حاجتين .. النظام فى الشوارع من مرور و مشاه و خلافه .. و النظافة
و اساس المشكلتين هو انعدام الوعى .. الشعب عاوز يتثقف شوية عن كده
و بصراحة اشيد بالاعلانات اللى بدأنا نشوفها مؤخرا على الفضائيات بتاعة الحفاظ على قطارات السكك الحديدية و اعلانات الترشيد فى الاستهلاك اللى بيقدمها الاستاذ محمود الجندى بتاعة احسبها صح تعيشها صح
و ياريت نزود فى هذه النوعية من الاعلانات لتوعية الناس و خاصة البسطاء الذين لم ينالهم حظ وافر من التعليم
كل سنة و انتم طيبين