الاستاذ القدير عمرو الليثى
تحية طيبة جدا ومباركة لحضرتك
ودايما حضرتك سباق فى المواقف اللى زى دى
اولا خالص تعازينا لاخواتنا المسيحيين اللى فى مصر
واللى حصل ده عمل ارهابى اجرامى
واللى عمل التفجير ده مكنش قصده يموت 21 شخص
لاء دا قصده يخلى 80 مليون شخص يقتلو فى بعض
وهو ده غرضه الرئيسى من الموضوع ده
فاحنا كمصريين مسلمين ومسيحييين لازم تثبت للعالم كله ونثبت للارهاب ان مخططهم مخطط فاشل
ونقف كلنا ايد واحدة وشخص واحد كلنا مصريين وطول عمرنا عايشين مع بعض ومفيش حاجة هتفرقنا عن بعض
ولازم نعرف الحقيقة فين
كلنا شفنا رئيس الموساد المنتهية ولايته لما قال احنا بننفق مليارات الدولارات على الوقيعة بين المسلمين والمسيحيين فى مصر
فلازم كلنا ناخد بالنا
وياريت كلنا مسلمين او مسيحيين نبعد عن التعصب
واخواتنا المسيحيين لازم يتاكدو مليون فى المية ان العمل ده خارج الشريعة الاسلامية ومستحيل مسلم يعمل كدا
لان لا ربنا ولا الدين امر بكدا
لازم فعلا كلنا نبقى ايد واحد ونقف فى وجه العدو الاوحد لنا وهو الارهاب