[شمس مصر]

المشاركة الأصلية كتبت بواسطة احمد مختار

كلامك جميل ياشمس
ولكن هناك انتماءات
فمثلا فى مصر انا لا اشجع الزمالك
مش معنى ده انى مبحبش مصر
ومثلا حتى لو بطولة مثلا الاهلى خرج منها وباقى الزمالك برضه مش بشجع الزمالك
مش موضوع منتخب وبلد
دى كورة
وكل واحد له حرية يشجع اى فرقة
مش اعتراض على كلام حد
دى بس وجهة نظرى فى الموضوع
انى دى الفرقة اللى خرجتنا من كاس العالم بغض النظر عما حدث
اكيد مش هشجعها عشان هيا اللى حرمتنى من الوصول
ولا ايه رايكم فى وجهة نظرى

يااحمد الموضوع مختلف عن حبك للزمالك وعدمه من مصر ..
وبصرف النظر عما حدث بين البلدين ..دي الدولة الوحيدة الوحيدة العربية فى المونديال
وهى اللي طلعتك أو غيرها فدي فى النهاية رياضة ويجب أن نتمتع بروح رياضية
ولا اللي فهمناه عن الرياضة غلط على كدة بأى ,,مع العلم ان مش هى اللي طلعتك
لوحدها يعني انت كمان كنت بتلعب بتوتر وقلق وعدم ثقة أي نعم أبدعت وتعبت وكان من حقك الفوز ماشي بس هو الحظ هى دي كورة زي ما بتقول ومع العلم أيضا أنها لم تكن مجرد لعبة وكورة فقد انقلب الامر سياسيا بحت ومناقشته فى مجلس الشعب أكبر دليل على ذلك ..يعني لو كنا احنا اللي مكانها فى الكاس دلوقتي طبعا كل الدول العربية لازم هتساندك ولو حصل العكس
هنقعد نقول آه الحقد وكل الدول دي بتكره مصر واحنا منبوذين من كل الدول العربية
والكلام دا ..
يااحمد عشان أكون واقعية معاك ومع الاخ ...أنا مزعلتش لما خسرت الماتش الاول
ولو فازت فى الجاي ودا ضعيف هفرح ..مكدبش عليك اللي حصل بنا دا كان قاسي
جدا ومش عايزة أقولك أني جتلي حالة اكتئاب شديدة ..ولكن تمالكت أمري ولم أنساق
وراء المغرضون هنا وهناك والمستفيدين من وراء ما حدث ..ولم أكن إمعة
وقرأت أجمل قصيدة كتبها شاعر جزائري معروف وقتها اسمها ( مدي العراجين يامصر )
ومفادها أنهم بدوننا لا يكونوا شئ وهذا قمة الحكمة والتواضع منه

وهذة ايضا وجهة نظري مصحوبة بكل الادلة التي ذكرت ..وفى الاخير كل وجهات النظر مقبولة ..طالما فى اطار من الاحترام وانت اهل لذلك