الموقع الرسمي للاعلامي الدكتور عمرو الليثي - الرئيس محمد مرسى...عندى كلمتين

عندى كلمتين هقولهم ورزقى على الله
وال مش هيفهم كلامى عادى ما قله الفهم فى بلدنا راحه
ما سعات بيكون الغبى ارحم من فهم بيعيشنا فى مية آه
نعمل ايه بفهم اخرس مالوش صوت
يا دوب بنفهم عشان نتغم لا بيغير حال ولا بيمنع هم

اه نستونى كنت هقول إية
هما كلمتين بقولهم لسعادة البيه
الريــــــــــس
بقولوا يا ريس انت راجل كويس
وال يقول غير كده يبقى بيهيس
كفايه انك مش زى ال قابلك
وعارف ان البلد بلدنا وانت مننا مش علينا
ولا بتتكبر ولا بتتمريس
راجل مسلم وعارف ربنا
واللحيه ال فى وشك منوره
وزبيبة الصلاه والسبحة والسواك حاجات جميلة بنحبها كلنا
مفيش كلام...

بس الحكايه وما فيها
إنه مش جامع عايز إمام
دى بلد وعايزة ريس
وانت راجل كويس لاكن ما تنفعش تكون ريس
ما بتسرقناش ...ماشى ما قولناش حاجه
بس مش عارف تعملنا حاجه
خدها منى نصيحة لو خايف ربنا
سيبها للـ فاهم وكفايه تضيعوا اكتر من كده من عمرنا
دى مش كراسى بتتغير ده عمر بيضيع مننا
كفايه تجربه فينا هو العمر فى كام اربع سنين ولا تلا تين سنه

بقلمى / (ahmedshshsh(Ahmed sayed