|
اصل احنا ..........
احنا اللى بيضنا الأرنب بالفهلوة وحلبنا الطور
احنا اللى كعبلنا النملة وجبنا لبن العصفور احنا اللى يحكمنا مبارك ونظيف وشريف وسرور احنا اللى عشان رغيف ناكله واقفين فى طابور احنا اللى نص مرتبنا رايح فى فاتورة مية ونور احنا اللى أكلنا الفول ابو سوس فى طبق مكسور احنا اللى حتى مدمسنا أهو جاله الدور احنا اللى نرصف فى الشارع والصبح نلقاه محفور احنا اللى كل ساعة حادثة نطلع منها بضحايا وكسور احنا اللى بنينا مدارس فى مكان مهجور احنا اللى هارينا ضرايب هذا الخايب غالى المسعور احنا اللى فينا يقول لأه يصبح جانى وكلنا جايين بالدور احنا اللى زهرة خشخاشنا فلسعت مع واحد وياه بسبور احنا اللى الكبير ياخد رشوة وعاوزين الطابق مستور احنا اللى عاوزينا نهاجر م الدنيا نبعد ونغور احنا اللى اعضاء مجاليسنا جايين بالزور احنا اللى فينا يقول حقى فى القسم يتشد على خابور احنا اللى بهدلنا الفلاح وحولنا المزروع الى بور احنا اللى ابن الباشا يغش وان قلنا لا نلاقى ساطور احنا اللى المحكمة تصدر أحكامها ويرفضها الدكتور احنا اللى بننصب فى الفاعل والمنصوب نعمله مجرور احنا اللى نضلم شوارعنا بالليل ونورها فى عز النور احنا اللى يغلط فينا يقول: انا يا با عبد المأمور احنا اللى فى كل حياتنا متعلقين فى سواقى بتدور احنا اللى نقدم ونأخر فى الساعة على كيف طرطور احنا اللى دهنا الهوا دوكو وخرمنا القرش بلا شنيور احنا اللى رجعناها حلوة جميلة العجوز ام منخور احنا اللى قبضنا على القرش وجننا عروس البحور احنا اللى ريسنا بيجرى واحنا وراه نلهث فى طابور احنا اللى ريسنا حبيبنا راجل جدع مش عايش الدور احنا اللى كل مايتكلم يقولنا :كتر عددكم وانا معذور احنا اللى عشان مستقبل أولادنا واقفين فى الزور احنا اللى 30 سنة فى طوارئ وعشان جمالنا جه الدستور |
| الساعة الآن 10:03 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت