شكرا ليكم جميعا ........... ولكن
أتمنى يا جماعه لما يكون فى موضوع ا و خبر مهم كل واحد يقول رأيه فيه و نتفاعل مع الموضوع و الأحداث اللى بتأثر فينا ولا زم احنا كمان نكون مؤثرين فى حياتنا بكل أحداثها لا نريد أن نكون أداه فقط لنقل المواضيع والأخبار وشكرا ً لكل الأعضاء على مشاركتهم وأتمنى ما كنش ازعجت اى شخص برأى |
الصراحه الواحد بيدخل هنا بيكون خايف
انا بخاف ارد يكون ردى دا فيا مشكله ابص الاقى نفسى بقيت فى امن الدوله ساعتها للاستاذ عمرو ولا غيره هيعرفونا |
لالالالالالالالالا اقول اللى انتى عايزو ماتخفش ولو انت روحت امن الدوله اكيد هتلاقينى هناك عشان انا دايما اقول كلام اكيد مش بيعجب حد بس انا على اليقين ان الكلام ده بيعجب استاذنا عمرو الليثى وده كفايا عندنااااااااااا
|
هههههههههههههههههههههههههههههههه
هو الاستاذ عمرو كلامنا بيعجبه فى ايه كل واحد له حدود وميقدرش يتعدها مهما كان مين الشخص دا فيه حدود بعدها الى يعديها بيدخل حقل الغام |
اقتباس:
السيد الفاضل قول رايك بكل ادب واحترام بدون سب وقذف اى احد او شخصيه هامه في الدوله بدون ذكر اسماء اى شخص حد رأي يقوله باحترام ولكن بدون هجوم او ذكر اسماء لان دة موقع اعلامى وليس موقع للهجوم على الحكومه |
اقتباس:
قول رأيك بكل ادب واحترام وبدون ذكر اى اسم مسئول في الدوله عبر عن الي جواك بطريقه كويسه وبدون اى هجوم على اى شخص في اى منصب |
اقتباس:
انا لا بهاجم حد لا من قريب ولا من بعيد لابسط سبب انا لما احب اقول فى حاجة مش كويسه لازم يكون معايا دليل انما لو كل واحد نجم من دماغه هتبقا هيصه ومحدش هيسمع حد انا بحب اتكلم بكلمات بسيطه ومختصره وانا مبغلطش فى الى بيغلط فيا يبقا ازاى اغلط فى حد ميعرفنيش اصلا والله المستعان |
فعلا كلام الاستاذ على مظبوط وانا شايفه الحمد لله ان كل عضو هنا فاهم حاجه زى دى واحنا لما بنتكلم فى مشكله معينه بنحاول نعرضها مش عشان التشهير بحد او عشان نغلط فى حد احنا بنعرضها عشان نقدم حلول للمشكله دى
وعموما يا استاذ حسين ماتخفش قول اللى انت عايزه وعلى ضمنتى وخلى بالك ان بسحب كلامى فى ثانيه انا عيله فىالحاجات دى وانا عارفه ان كل اللى فى المنتدى ناس محترمه وهو ده اللى خلانى اشترك فيه واعبر عن راى بكل صراحه |
السلام عليكم جميعا ايها الاخوة خير الكلام ما قل ودل واذا قلت رايك بلا مجازفه فى حق احد فهذا يجعلك قوى ولا تحتاج لاحد لكى يقف بالجوار فاذا تكلمت من قلبك فلا تخاف قل اى شئ بدون ذكر اسماء ولا الفاظ خارجه تكن عضوا متميز ممكن تضرب كلمه اكبر من الالفاظ الخارجه ممكن تقول رايك بادب وباحترام تكن عضوا متميز فى الردووود وبعدين ليه توصل نفسك للمهاترات كلنا بنخطأ بس احلى حاجه انك تحاول انك ما تخطأ وتخاف قبل اى شئ الله عز وجل قولو ما بانفسكم فهذا موقع اعلامى كبير محترم فتكلم بثقه وتكلم بكل ادب تكن رجل خير ولا تحتاج لمساعده احد جزاكم المولى خير الجزاااااااااااااااااااااااء |
عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .
من وجهة نظرى المتواضعه والصغيره أى حاجه شايفنها غلط بتحصل سواء من أى انسان مهما كان وضعه ومركزه من حقنا انتقاده وليس معنى الأنتقاد التجريح والخروج عن الأدب فلكل مقام مقال |
الساعة الآن 07:05 AM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت