بالريشة والألوان
 

[frame="12 98"]

http://www.ligue-cancer.net/files/cd...e_2-13e1ad.jpg
بالـريـشــة والألـــوانــــــــــ . . .



هرسم شمس الشموس
ودنيا زي العروس
واشتري بكل الفلوس
دفي يملي النفوس



وارسم زهر الغيطان
يحضني وانا بردان
واسمع دعا الكروان
علي ضي القمر سهران



بالـريـشــة والألـــوانــــــــــ . . .



هرسم بساطة ريف
وكلام بدون تكليف
ونور شمس الخريف
وقشطة وعسل ورغيف



وارسم عيون فلاح
شقيان بس مرتاح
يشوف فيها السماح
وولاد شربوا الصلاح



بالـريـشــة والألـــوانــــــــــ . . .



هرسم شمس الغروب
واخدة معاها الحروب
وزرع مالي الدروب
وجنود بتحصد حبوب



وارسم دموع فرحان
ورمش حزين دبلان
انكتب لها الغفران
من رب كريم رحمن



بالـريـشــة والألـــوانــــــــــ . . .



هرسم حكاوي الزمان
دي عبرة للأنسان
واروح بعقلي لمكان
اشم في سنينه الحنان



وارسم فرحة يتيم
عايش عيشة كريم
نايم ليله في أمان
متربي علي الأيمان



بالـريـشــة والألـــوانــــــــــ . . .



وهرسم لله طاعة
طاعه في كل ساعة
تعلمنا القناعة
وتكون سبيل الشفاعة



وارسم خطيب علي منبر
يدعي ربنا ويكبر
واحنا وراه نستغفر
ولانعصي ولانستكبر




بالـريـشــة والألـــوانــــــــــ . . .


حاتم مـــحـــــمــــود



بالريشة والألوان
[/COLOR][/frame]