الموقع الرسمي للاعلامي الدكتور عمرو الليثي

الموقع الرسمي للاعلامي الدكتور عمرو الليثي (http://amrellissy.com/vb/index.php)
-   أقلام الاعضاء (http://amrellissy.com/vb/forumdisplay.php?f=24)
-   -   توشكى وأبو طرطور و غروب الشمس (http://amrellissy.com/vb/showthread.php?t=20694)

م.دعاءممدوح 12-29-2010 02:51 PM

توشكى وأبو طرطور و غروب الشمس
 
صحيت الصبح بدرى زى عادتى فى الفجرية , فتحت الشبابيك والشمس دخلت البيت وبكل همة رتبت كل البيت ولبست جديد ورفعت الايد وقولت رزقك يا كريم وزى ما امى عودتنى جبت كوباية الشاى وقولت أقرا الاخبار على الشبكة العنكبوتية ما احنا جيل الحكومة التكنولوجية ودورت عن توشكى فتحت وقريت مشروع كبير هيكون زى وادى النيل اسمه على اسم وردة نوبية وقريت كلام كتير عن بنية أساسية وبنية تحتية وتحسين أدارة المياه و هنوفر فرص عمل للعواطلية والناس هتعمر الحته ديه ونخفف زحمة وسط البلد شويه وهنرجع بلد زراعية وخدتنى فرحة قوية وقولت ادور شويه لقيت كمان ابوطرطور لاستخراج المعادن والصخور وقولت كمان هنبقى بلد صناعية وقولت اكمل قراية وجاتنى نكسة زى نكسة 67 تمام لما قالوا البلد مديونه ومطحونه ومش هنقدر نكمل المشاريع القومية و بكل وطنية لقيت عبد الحليم بيقولهالى قوية
(قولنا هنبنى وادى احنا بنينا السد العالى
يا استعمار بنيناه بأدينا السد العالى
من اموالنا بايد عمالنا
هى الكلمه وادى احنا بنينا السد العالى)
وقولتله بصوت حزين كفايه يا حليم معدش فيه استعمار أغنيتك مبقتش تنفع دا الجيل دى بقوا يغنوها فى المواويل زى الاساطير لاجل العيل ميعرف تاريخ بلده وأن جده سقى الارض بدمه وميطلعوش خونه للبلد ديه قال ايه ظروف والملايين قوية وقبل العيال متنسى حاجات اسمها وحدة , وطنية , قومية , عربية.
قالى استعماركم مش بريطان ولا صهاينة ولا امريكان البلد زى ماهيه شمسها وأرضها وترابها ونيلهاوهمومها هيه هيه وعدوينها لسه مستنينها حب يخربشها كسرنا ضفره لكن استعماركم فى نقص همتكم وشبابها اللى بقى هفيه ولسه قاعد ع التكية لا بقى فيه اسطوات ولا حرفيه الشباب لبس البدلة ومستنى الحكومة تجيبله المهيه يا بهية ولقيت أمى بتزق فيه وبتقولى فوقى شويه احنا بقينا المغربية وحضرى العشا للناس اللى جايه وسامحونى فى الفضفضة ديه أصلها خرجت من قلب وطنية نفسها تعمل حاجة للبلد ديه



الساعة الآن 02:26 AM.

Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت