ليه الناس مبقتش فاضية تنتخب حد فى الانتخابات لا البرادعى ولا غيره؟؟
بكل بساطة لان السنة فيها 365 يوم بس الناس هتعمل فيها ايه ولا ايه ؟؟
وعلشان تصدقونى دة تحليل سنوى تفصيلى عن حياة الناس بيقوللك يا سيدى ايام الجمعات 52 جمعة وهيتبقى من السنى 313 يوم العطلة الصيفية 50 يوم وهيتبقى من السنة 263 يوم بالميت كدة 8 ساعات نوم يوميا بمعدل 122 يوم وهيتبقى من السنة 141 يوم ساعة واحدة للعب الرياضة يوميا ودى مفيدة للصحة طبعا بمعدل 15 يوم وهيتبقى من السنة 126 يوم ساعتين للاكل يوميا مع المضغ جيدا بمعدل 30 يوم وهيتبقى من السنة 96 يوم ساعة يوميا للكلام والتحدث والرغى والنميمة على خلق الله ودة لان طبعا الانسان بطبعه مخلوق اجتماعى مش هيعد طول الوقت وشه فى وش الحيط كدة ودة بمعدل 15 يوم وهيتبقى من السنة 81 يوم العطل النصفية والربعية وايام الاعياد الدينة والوطنية والقومية والانسانية يعنى اصحابنا وجيراننا مثلا عيد ميلاد حفل خطوبة حفل زفاف عيد زواج عيد طلاق عيد الام كدة يعنى الاعياد الحلوة دى . عندك اقل حاجة 40 يوم وهيتبقى من السنة 41 يوم ايام الامراض السنوية طبعا من الجو والاوبئة اللى عايشين فيها عندك 30 يوم بحالهم طول السنة وهيتبقى من السنة 11 يوم وبعد دة كله احنا بقى ملناش نفس نستريح ونرفه عن نفسنا شوية بقى ولا ايه يعنى ؟؟ عايزين نعيش حياتنا بقى احنا بنى ادمين بردو عندك 10 ايام للمسلسلات والافلام والنت بس وبكدة بقى هيتبقى يوم واحد واليوم الوحيد اليتيم اللى متبقى دة يا عينى هو دة بالظبط يوم عيد ميلادك وكل سنة وانت طيب وعقبال ميت سنة واحتفل بيه براحتك بقى يا عم دول هما كلهم 365 يوم بس . لاء وكمان منهم يوم واحد بس هو عيد ميلادك يعنى عيش حياتك فيه كل سنة وانت طيب والف الف مبروك للرئيس الجديد منصب الرئاسة |
ههههههههههههههه
عندك حق |
ههههههههه تعليق ظريف اذاكانت دى الحقيقه اساسا ....لك منى ارق تحيه.
|
موضوع لطيف
والله فعلا صح الناس بقت ملهية عن كل شيئ |
الساعة الآن 03:02 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت