بلا عنوان
 

المصرى بيعتز بإنه مصرى لأن مصر ام الدنيا , واللى قالوا كلمة ام الدنيا دى مش ناس طيبين قاعدين على مصطبة وبيتساهروا يعنى بيشربوا شاى وبيتسلوا او بيرغوا , ولكن كلمة مصر ام الدنيا يعنى ام كل الحضارات من اكتر من 5000 سنة , فى وقت كانت كل الدول الاوروبية وامريكا لسه فى العصر الحجرى كانت مصر فى ازهى عصور الرقى والتقدم , وشاء الله ان تكون مصر فى الموقع الاستراتيجى ده انها تكون فى وسط العالم , يعنى اللى رايح من اى اتجاه لأى اتجاه بيمر على مصر , اللى جاى من الشمال رايح الجنوب واللى جاى من الجنوب رايح الشمال واللى جاى من الشرق واللى جاى من الغرب , وكل المارين والقادمين بيشوفوا حضارة مصر وبيرجعوا بلادهم بيحكوا عنها , او بياخد معاه حاجة من حضارة مصر , زى ما الناس دلوقتى بتفتخر لما تروح اوروبا وييجى محل حاجات معمولة فى المانيا او ايطاليا , ومصر طول عمرها وعشان فى موقعها الاستراتيجى دى كانت مطمع للغزاة , يعنى هى اكتر بلد تعرضت للغزو والعدوان ولكن شاء الله ان تكون مصر مقبرة كل الغزاة , وعايز تعرف اد ايه قيمة المصرى روح اى بلد فى العالم وقول انا مصرى وشوف يبصولك ازاى , ويكفى انهم بييجوا من آخر الدنيا عشان يشوفوا حضارة مصر , وفى كل متحف فى اى دولة من العالم تلاقى حاجات من حضارة مصر , بس اليومين دول كلنا ندعو الله ان يحرس مصر من الاعداء الداخليين اللى نفسهم ينقضوا على مصر من الداخل , ماتمرش فيهم انهم اكلوا عيش وشربوا مية النيل