الموقع الرسمي للاعلامي الدكتور عمرو الليثي - واحدمن الناس9-6-2011عمروالليثي في منطقة النصر وحوار مع محمد صبحي وعمرو خالد ومصطفي حسني

واحدمن الناس9-6-2011عمروالليثي في منطقة النصر وحوار مع محمد صبحي وعمرو خالد ومصطفي حسني

السلام عليكم ورحمة الله وبركاتة
واحد من الناس
9-6-20100
عمرو الليثي والحالات الانسانية
مشاكل منطقة النصر
وحوار مع الفنان محمد صحبي والداعية الاسلامي عمرو خالد وكذلك الداعية مصطفي حسني
http://www.youtube.com/watch?v=OBYLTloRRHs
http://www.youtube.com/watch?v=mVA8pPWjKCE
http://www.youtube.com/watch?v=pwod_WtSpAk
http://www.youtube.com/watch?v=RzQR3DPmp1Y

السلام عليكم
سعدت بهذا التعاون الطيب بين أ.عمرو الليثي وكافة الأطراف المساهمة في مشروع تطوير العشوائيات
ووددت التقدم بمقترح أرجو أن يتم العمل به إن وجدتم فيه ما يخدم المشروع

شراء عدد من الوحدات السكنية المتنقلة (سوف أضع صورها للإيضاح) واستخدامها في العشوائيات التي سيبدأ العمل بها، بحيث يتم إسكان الأسر التي سيتم هدم بيوتها أولاً فيها إلى أن يتم بناء مساكن جديدة لهم، ثم يخرجون منها وتسكنها أسر المرحلة الثانية وهكذا.....

وعند الانتهاء من العمل في العشوائيات المختارة أولاً، يتم نقل هذه الوحدات لعشوائيات المرحلة الثانية.. وهكذا ....

ميزة هذه الوحدات هي إمكانية نقلها في العشوائية الواحدة، وكذلك نقلها من عشوائية لعشوائية أخرى
كما أنها تضمن سكن مؤقت كريم لأهل البيوت التي سيتم هدمها، بدل أن يضطر السكان لتدبر أمر سكنهم في هذه الفترة المؤقتة، فيفترشوا الأرض
أو يضطروا لسكن الخيام مما قد يحز في نفسهم ويعتبرونه انتقال من سيء لأسوأ

http://a2.sphotos.ak.fbcdn.net/hphot..._2761424_n.jpg

http://a6.sphotos.ak.fbcdn.net/hphot..._6713558_n.jpg

http://a3.sphotos.ak.fbcdn.net/hphot..._5342928_n.jpg

http://a5.sphotos.ak.fbcdn.net/hphot..._2268150_n.jpg

http://a6.sphotos.ak.fbcdn.net/hphot..._2836508_n.jpg

http://a6.sphotos.ak.fbcdn.net/hphot..._7480959_n.jpg

http://a8.sphotos.ak.fbcdn.net/hphot..._4439097_n.jpg

http://a1.sphotos.ak.fbcdn.net/hphot..._7870249_n.jpg

السلام عليكم ورحمة الله وبركاته انا سعيده جدا بالمشروع العظيم ده وانا احب ان اشارك فيه وأريد ان اعرف ما هى المطالب لاشارك فى هذا المشروع العظيم وأدعو الله العظيم التوفيق.

السلام عليكم ورحمه الله وبركاته
يا جماعه انا عندي اقتراح في مشروع تطوير عشواءيات مصر ونفسي حد يوصلني او يوصل رسالتي للاستاذ عمرو الليثي ومش لاقي
انا هكتب الكلام اللي عندي والتساهيل على ربنا بقا ومش هزهق لحد متأكد ان الكلام وصله
يا جماعه موضوع الحساب البنكي ده وانكم عايزيين الناس يروحوا البنك ويتبرعوا ده كلام مبالغ فيه اوي
انا مش هاخد تاكسي واروح البنك واقف في الطابور علشان اتبرع بعشره جنيه ولو عملتها مره مش هعملها تاني.....عايزين نعمل زي الغرب

1..صندوق تبرعات لصالح المشروع عند مدخل كل كليه في مصر يكون تحت تصرف عميد الكليه نفسه او الوكيل ويشرف عليه الطلاب اعضاء اتحاد الطلبه..وكل كليه تعمل صندوقها...مظنش ان دي حاجه صعبه
وانا شخصيا هعمل الصندوق بتاعنا في كليه طب اسكندريه
وكل يوم حد من اهل الثقه يفتح الصندوق ويروح يحطهم في الحساب البنكي...ومش هقلكم الحكايه دي هتلم فلووس اقد ايه
2..صناديق عند السينمات والمولات وممكن كمان في المدارس علشان نخلي الاطفال يشاركوو....وده هيجمع ملاييين والله يا جماعه....انا عارف انها عايزه شويه مجهود بس ده لانها هتجيب مقابل كبير
3...لازم بقا كل المشاهير((اللي احنا الشعب اللي لينا الفضل الاول والاخير في اللي هما فيه يردوا الجميل بقا ويكونو ايجابين مره في حياتهم))ويعملوا الاتي
1..لعيبه الكوره
احنا ممكن نعمل دوره مكونه من 4 فرق (الاهلي..الزمالك...الاسماعيلي والمصري مثلا )ويروح العائد بتاعها كله للمشروع....معلش هيتعبوا ويجيروا في الملاعب شويه بس علشان مصر تبقى احسن بقا ..وبعد الدوره ما تخلص نعمل مزاد على تيشرتات اللعيبه (ودي ليها دخل تاني لوحده)
2...
المغنين لازم يعملوا حفلات ومش حفله واحده والسلام (كأنها جبران خواطر كده)..يعني مثلا لو عمرو دياب وتامر ومحمد منير كل واحد منهم عملوا 4 حفلات في انحاء مصر كلها والعائد بتاعها يروح للمشرووع برده
حتى المغنين اللي درجه تانيه ممكن يعملوا حفلات وكل حفله يكون فيها 3 مغنين مثلا....

4...الممثلين بتوعنا ليه مش بيعملوا زي الاجانب؟؟؟....لو كل ممثل مثلا عمل فيلم جديد وراح اتبرع بالقميص او التي شيرت اللي مثل بيه واتعمل عليه مزااد لصالح المشروع(زي ماعملها قبل كده عمرو اديب وباع ساعته بالمزاد بربع مليون دولار لصالح سرطان الاطفال)
وكذلك برده الممثلات والمزاد يتعمل في البرنامج ويتعمله دعايا واعلانات قبلها(وبرده دعايه مجانيه)..تخيلوا معايا كده لو عمرو دياب مثلا اتبرع بالتي شريت اللي عمل بيه اخر فيديو كليب ليه هيجيب كام؟؟؟وكذالك كل المغنين
ولا احمد حلمي لو اتبره بنضارته مثلا او تي شيرت برده

ياجماعه عايزين بقا نعمل حاجه للبلد دي...وعايزين حمله اعلاميه اكبر شويه ...في ناس كتير جدا لسه مش عارفه ..دا اي مغني بينزل البووم بيعمل حمله ليه اضعاااف الحمله اللي معموله للمشروع ده

لازم نجبر كل المشاهير الاول انهم يساعدونا واللي يرفض لازم يتفضح يا اخونا ومعدش فيه رحمه......كفايانا جشع....ولما الناس هيلاقوا المشاهير بيتبرعوا هما كمان هيتبرعوا......
عايزين نعمل حمله زي اللي كانت معموله لمستشفى سرطان الاطفال او اللي كانت معموله في الاستفتاء على التعديلات الدستوريه بتاعت سويرس دي......

ياااااارب صوتي يوصل وحد يسمعني
وعمار يا مصر
والسلام عليكم ورحمه الله وبركاته
مقدمه....مهاب غازي....كليه طب اسكندريه ..الفرقه الرابعه

احنا داخلين على اجازه اهه وممكن نطلب من الشباب والبنات انهم يساعدونا بوقتهم ومجهودهم
عايزين ساعه واحده بس من كل واحد في الاسبووع وتشوفو كل واحد ممكن يعمل ايه وتوظفوه صح

ولازم الحمله دي تتدعم على مستوى الجمهوريه
ولازم نتعاون مع مؤسسه او جمعيه او حتى حزب(لو اقتضى الامر يعني)يكون ليه فروع في انحاء الجمهوريه
يعمل صناديق تبرع في الاماكن اللي فيها ناس كتير ويضمن امانها حتى لو هنعمل الصندوق ده قدام اقسام الشرطه ولازم (حملع اعلاميه ضخمه)
احنا مش عايزين حد يتبرع ب 100 مليون....احنا عايزين كل مواطن يتربع بجنيه في اليوم

وممكن مثلا نقول للشباب المدخن...انتا بتشتري كل يوم علبه او علبه ونص...مش هنقلك بطل يا سيدي...هنقولك (العلبه فيها عشرين سيجاره)اتبرع بتمن سيجارتين بس كل يوم ..يعني(نص جنيه) وخليلك ال18 الباقين
بس لااااازم الحمله تتفعل على مستوى الجمهوريه
مصر مش القاهره واسكندريه بس
ولازم نستغل الاحزاب اللي طالعه جديد دي في الموضوع ده ويساعدونا عن طريق امهم موجودين في كل المحافظات

فكرة لابأس بها

الموضوع المطروح جيد بل اكثر من ذلك لان فكرة التبرع ومساعدة المحتاجين تخلق نوعا من التكافل الاجتماعي بالاضافة الى كونها تشجع الشباب الواعد على عمل الخير وتنمي فيهم غريزة الاحساس بالمسؤولية واشعارهم باهميتهم في بناء البلد-كذلك اؤيد اقتراح احد الاخوان في ضرورة اجبار المشاهير بدفع هكذا تبرعات حتى يكونوا قريبين من المجتمع وليس مجرد استعراض قدراتهم ومواهبهم عبروسائل الاعلام -المشاهير بطبيعة الحال يملكون تأثيرا على المجتمع لاحد له وعليهم استثمار هذه التاثيرات لما فيه خير الوطن والمواطن ومرضاة الله لكون اصل الفكرة اسلامي بحت (ما جاع فقير الابما تمتع به غني)
لكن السؤال هو
هل ان الاموال ستؤول فعلا الى انجاز المشاريع الخيرية ام ان هناك جهات ستعد العدة لاخذ نصيبها من الصفقة التي هم مؤتمنين عليها
اتمنى ان اكون مخطئة في حكمي والله من ورائهم محيط:confused:

الله يفتح عليك يا أخ مهاب
اقتراحك الخاص بالمشاهير رائع وعملي جدا
وأتمنى أن تبادر بإيصال فكرتك هذه للمشاهير من خلال قنوات التواصل المتاحة
يعني من له موقع خاص أو منتدى .. أو من له رقم هاتف معروف .. وكذلك من خلال إيصالها للنقابات وإدارات الأندية ووو .... وأيضا من خلال الاتصال بالبرامج الفنية والرياضية التي تعج بها القنوات .
الله يجزيك كل خير على هذا التفكير الإيجابي

الموضوع فعلا محتاج دعاية .. ولا مانع من أن تكون الدعاية شعبية، ولا يشترط أن تقوم بها الجهات القائمة على المشروع فقط
والدعاية الآن ممكن تتم حتى على اليوتيوب والفيسبوك والإيميل .... وكذلك بالصحف .. للمقتدر ماديا

أما بالنسبة للمدارس والجامعات ... رغم ضخامة المبالغ الممكن جمعها من هذه الأماكن، لكن هناك خوف من قلة الأمانة وسوء الاستغلال لدى البعض .... فهل من مقترحات لضمان سلامة التنفيذ ؟
كأن تكون الصناديق مفاتيحها فقط مع القوات المسلحة أو القائمين على المشروع مثلا ؟