التماس
 

السلام عليكم استاذ عمرو

بصراحة انا ترددت كتيير قبل ماكتب لحضرتك منعنى انى عمرى مفكرت انى ممكن ف يوم من الايام الجأ لمد ايدى لاى حد عشان يساعدنى

الحقيقة المساعدة دى مش ليا ولو كنت اقدر اساعده كنت ساعدته لكن للاسف ليس باليد حيلة

المساعدة والالتماس لاخويا هو شاب عنده 34 سنة اسمه محمد احمد حسان بيشتغل محصل فواتير الغاز وهو متزوج وعنده بنت عمرها 3 سنين

مرتبه لايكمل 800 جنيه يسكن ف شقة ايجار قانون جديد ولكن للاسف المدة المقررة للعقد انتهت وهو ف انتظار الطرد هو وزوجته وبنته وعفشه ف الشارع

بالاضافة الى انه مريض ومركب شريحة ف رجله ولا يستطيع الاشتغال بعمل اخر اضافى وانا التمس منكم اى شقة صغيرة فى اى حته المهم يكون عنده بيت ياويه

بالاضافة الى ان اخى مديون بفلوس كتير جدا عشان يقدر يعيش هو ومراته وبنته نسيت اقول انى ايجار الشقة 450 جنيه لك ان تتخيل كيف يعيش بباقى مرتبه

ارجو النظر الى هذه المشكلة بعين الرافة والرحمة

واشكركم على مجهودكم وربنا يجعله ف ميزان حسناتكم


ارجو الرد عليا بالله عليكم بحق الشهر الكريم ده

حقق حلمي
 

السلام عليكم ورحمة الله وبركاته
مش البرنامج اسمه حقق حلمك طيب انا حلمي اني اقابل حضرتك واكلم معاك في مشكلتي لومش هتحلها ماديا حلها معايا معنويا يا دكتور عمر يمكن تقدر تديني نصيحه او مشوره لاني فعلا انا وزوجي وام زوجي واولادي وامي واخواتي بنغرق بمعنى كلمة بنغرق وموضوعي طوييييييل جدا قصة خمس سنين كفاح يادكتور عمرو احنا عندنا مقومات تنجحنا وتشيلنا من اللي احنا فيه بس عاوزين توظيف ودعم ارجوك اريد مقابلة حضرتك