|
لماذا محاربة برنامج واحد من الناس..!!!!!!!!!!!!!
*حول ما يتردد امامنا من محاولات لالغاء فقرة العشوائيات فى برنامجنا المحبب ( واحد من الناس) .. اود ان اكتب هذا الموضوع .. وهو مفتوح لكل من يريد للادلاء برأيه
*كلنا قرأنا وسمعنا عن المهاجمات الكثيرة التى يتعرض لها البرنامج .. هذا البرنامج الذى هو احد البرامج الفعالة الشريفة.. هو صوتى وصوتك وصوت كل الفقراء *هذا البرنامج وكثير من البرامج التى تسير على نهجه نسمع عبارات لا استطيع تصديقها ولا اقتنع بها ابدا ( واحد من الناس يشوه صورة مصر) ( واحد من الناس يقول ان مصر كلها عشوائيات) *واستعجب كثيرا من هذه العبارات .. ولا اجد لها محل من الاعراب .. او مجال فى هذا البرنامج الذى اتابعه من اول دقيقة الى اخر دقيقة.. فهناك فارق كبير بين هدف البرنامج وفكرته وبين تلك العبارات *فهذه الفقرة التى يريدون حذفها .. ليس المقصود بها ان استاذى القدير / عمرو الليثى يقول ان مصر كلها عشوائيات .. انما مصر بها مناطق راقية.. ومناطق متوسطة .. ومناطق معدمة وكلها عشوائيات.. وكثيرا ما نبه استاذى لوجود اماكن فخمة وعمارات سكنية ليس بها اى سكان وهذه الاماكن تحق لمن يستحقها *هذه الفقرة لو ادركنا لمعناها الحقيقى .. لادركنا ما هدف البرنامج .. فجميعنا نريد ان نقوى وندعم القوة .. ونقوى مواطن الضعف ونعالجها..والعلاج يكون بالكشف عن الحقائق كما هى دون تزييف والعمل على تحسين هذه الاماكن .. ولا ندفن رأسنا فهذه الاماكن الفقيرة لن نخسر شيئا اذا اعترفنا بوجودها وعملنا على تطويرها وانقاذ ما بها من ارواح قد يسأل كل مسئول عنها من المولى عزوجل. *فهل نخشى ان يظهر عندنا اماكن اصحابها تحت خط الفقر .. اماكن قد يموت اهلها من التلوث المائى وامراض يعلم بها الرحمن .. نخشى الصورة الاعلامية ولا نخشى الرحمن سبحانه وتعالى...؟؟؟!!!!!!!!! لكل مهاجم للبرنامج:- *اين المغالاة فيما يقدمه البرنامج..؟؟!!!!!!!! *هل هذه الاماكن التى يعرضها استاذى موجودة حقا ام انها من وحى خياله..؟؟!!!!!!!!!! *واذا كنا وجدنا من يدافع عنا .. لماذا تريدون اسقاط صوته..؟؟!!!!!!!!!! *لماذا تريدون محاربة برنامج واحد من الناس...؟؟!!!!!!!!!!!!!! بقلم وكتابة / هند محمد |
بصراحة ياختى هند انا مش عارف الناس دى عايزة ايه
يعنى ايه بيشوه صورة مصر يعنى الاستاذ عمرو بيروح يأجر ناس ويقعدهم فى مكان مش نضيف ويصور معاهم عشان يشوه صورة مصر لاء دا موجود بالفعل فى مصر وفيه اكتر من كدا ولازم الناس دى حد يوصل صوتها ولازم الناس تتحرك واللى عايش فى فيلا فخمة ويركب اغلى السيارات يبص للى بيبات فى الشارع تحت الامطار ودى رسالة بيوصلها الاستاذ عمرو لكل الناس والمسئولين عشان يتحركوا بدل ما نحل المشكلة نقول دا بيشوه صورة مصر لا حول ولا قوة الا بالله حسبى الله ونعم الوكيل فى كل من ظلمنا |
لاحوله ولاقوة الا بالله حسبي الله ونعمة الوكيل فكل بنى ادم عاوز يشوه البرنامج بتاع استاذ عمرو ليه بيعملوا كده مش عشان الناس المسؤلين يحسوا ويتحركوا بدل القاعده على المكاتب
|
يا هند والله فيه ناااااس متخصصه لاخراج المشاكل باى طريقه ايا كانت وحتى لو كانت على حساب رجل فقير زجل لا يقدر ان يعيش مثله كمثل باقى البشر البهوات اللى بيقبضو بالالفات حرااااااااااام والله طيب هانفترض انى استاذنا بياجر ناس علشان البرامج عندى برهنان على ذلك مثلا امى رحمها الله وجدتى ايضا رحمها الله السيدة ام ابراهيم تلك المراة التى عرض الاستاذعمرو موضوعها السيدة التى تقول اللهم انصر الاسلام والمسلمين رحمكى الله يا امى ويا جدتى السيدة ام ابراهيم تلك ما قصر فيا شخصيا من تلك الحلقات الجميله التى تدل على ابن البلد الاستاذ الكبير عمرو الليثى هو بس اللى يقدر يتكلم وينزل الشارع هايجيبها متأجرة دى منين وازاى الرهاوى وما حدث فيها والمياة القذرة اللى بيشربوها والرهاوى العضو المتواجد معنا هل برضو مأجر علشان يتكلم عن مستر عمرو مع اسفى للرهاوى العضو لانى اتكلم بالاثبات بس والله البلد دى عايزة عشرة بس زى الاستاذ عمرو ينزل الشارع يمكن يتعدل حالها فى الظروف دى وكما كنت يا استاذى القدير فى طريقك اكمل ونحن معك بقلوبنا وهذا اضعف الايمان منا كشعب لا يقدر على شئ وبعدين الاستاذ عمرو يشوة صورة مصر ده بقى العيب عيب قوى الكلام ده لانى هذه الحقيقه اللى متواجدة فعلا فى القرى والارياف ينزلو يشوفو وهما يعرفو ازاى الاب يخرج من الصباح الباكر ويرجع للاولاد 15 جنيه بس علشان العيال تأكل وفيه نااااااس كتير بتنام من غير عشاء كمان وغير البلاوى اللى موجودة الله اعلم بها حفظك الله يا مايسترو مصر كلها ومعك الله يا استاذى القدير ولان اقول غيرلا يوجد غيرك ا اهلا لها لانى حكومتنا اصبحت ودن من طين وودن من ؟؟ ولا ايه يا حكومه |
لقد أعتدنا على دفن رؤسنا فى الرمال .. هكذا تعودنا أو هذا ما تريده منا حكوماتنا لنبقى كما نحن مسالمين صامتين ، نحن بلا شك نفتقد الشفافية فى كل شىء وبالتالى فلن يكون هناك صدق ابدا
أستاذى الجليل / عمرو الليثى .. أخشى ما أخشاه أن يتحقق لهم ما يريدون رجاء لا تتخلى عن هؤلاء اللذين باتوا يحلمون بلقائك على أمل أن يتغير الحال على أيدى رجل شريف مثلك .. |
[align=center]علشان يا هند الحكومة مش عايزة حد يكشفها ويبين التقصير اللي هما فيه مش عايزين حد يحسس علي البطحة.
بس اعرفي إن مصر لسة بخير طول ما فيها ناس شرفاء أمثال أستاذ عمرو مهمومين بمشاكل الناس البسيطة ربنا يوفقه ويكرمه ويجازيه خير الجزاء علي حله لمشاكل الفقراء[/align] |
اخوانى واخواتى .. اشكركم جميعا على آرائكم الجريئة واتمنى من باقى الاعضاء الاشتراك معنا فى الحوار فى هذا الموضوع
|
[align=right][align=left]شئ مؤسف ومحزن للغاية ومش غريبة طبعا يا هند وجود مثل هذه الاصوات التى تنادى بمنع هذه الفقرات من واحد من الناس او منع عرض البرنامج بالكامل اصل اى برنامج او مجلة صادقة بدون تزييف اول تهمة تقذف بها الاساءة لسمعة مصر وياترى اللى بيحصل فى العشوائيات وحال المصريين دولوقتى وفساد المسؤلين العلانى وحالة الفوضى والاهمال الحكومى المنتشرة فى كل ارجاء المحروسة كل ده برئ من الاساءة لسمعة مصر والاحصائيات المسجلة بالامم المتحدة اللى بتم على مستوى دول وبنشر عالميا وبصراحة عن الفقر ومستوى معشية المواطن المصرى ومستوى التعليم والصحة والخدمات ....وغيره لا يعتبر اساءة لسمعة مصر.... مجرد فضائح عالمية عن حال بلدنا مقارنة ببلاد ودول نامية اقل منا فى الثروات وتفوقت علينا بمراحل فى كل المجالات....[/align][align=right][/align][/align][align=justify][/align]
|
السلام عليكم
تقديرى للمشرفه / هند بس حضرتك احنا محتاجين 100 عمرو الليثى مش عشان برنامج واحد من الناس لكن عشان حاجات كتيره اوى بس انتى صح نبدأ بحاجه وحده ليه برنامج فعال نحذف منه جزء مهم بالنسبة لتشويه مصر مش بس فى برنامج واحد من الناس بص للاجانب اللى بتيجى تصور كل منظر مش حضارى وتعرضه بصى لكل واحد بيسيب البلد وبينسلخ من جلده ويسب ويلعن فى البلد نفسى الناس دى تفكر شويه فى ملايين الشباب اللى بتعقد على القهوى لحد الصبح وتنام لحد المغرب مش ده فشل بردو نسبة الادمان اللى بتزيد مش فشل ولا احنا لما ناخد خطوه إيجابية نقول عليها تشويه نفسى اللى يتكلم يكون عايز يحل مش اضواء تسلط عليه استاذه / هند الاعضاء الكرام هنقول ان الاستاذ / عمرو الليثى بيجيب عشوائيات مع انه بيتكلم فى واقع انت عملت ايه يا اللى بتتكلم وحولت تغير ده بجد محتاجين التغيير شباب لسه فى سن العشرين ومن جواه بقى عمره 100 سنه ده واقع مش هتكلم فى قضايا عام ولا قضايا خاصة بس هقول كلمه لحد امتى هنفضل كده اخوكم مصطفى الصايم وحسبى الله ونعم الوكيل |
ياناس حرام عليكم حسوا بالمواطن المواطن الغلبان
والله الاستاذ عمرو الليثى من أنظف الشخصيات فى البلد دى ناس عايشين فى مصر ولا فى مقديشو دى مهازل من المسئولين عن اوضاع البلد الواحد كل مبيشوف البرنامج بقول حسبى الله ونعم الوكيل ساناس تصوره نفسكم بدل الناس اللى عايشين أنا أسف على اللفظ بس هو الواقع ناس عايشين فى المزبلةوالخرابات والحظائر بتاعت البهايم أنزلو شوفوا الناس ياللى عايزين تمنعوا الفقرة دى |
السلام عليكم ورحمه الله وبركاته
الحق صوته دائما عالى وهذا البرنامج الرائع واحد من الناس يتحدث عن واقع واشياء ملموسه بالواقع ونتمنى حصول الاعلامى الكبير عمرو الليثى على ان يكون مرشح لمنصب من المناصب لان هذا الرجل من صفوة المجتمع وبهذا البرنامج نشعر ان مصر لسه بخير نتمنى انا نساند معكم حتى لو معنويا او تقديم اى خدمة للبرنامج |
السلام عليكم البرنامج كويس كفايه انه بيحس بالناس الغلابه واعتقد ان لو الاستاذ عمرو طلب من التليفزيون المصرى ان البرنامج يتزاع على الارضى مش هايوفقوا طبعا لان الحياه عندهم وردى وكمان انا عايزه اعرف مين الناس اللى بتطلب ده ماهو فى برامج كتير اوى عن المشاكل وكل حاجه بيتحصل فى مصر اشمعنى ده يعنى فى النهايه البرنامج جميل وكفايه الخير والدعوات اللى بياخدها من الناس الغلابه وربنا معاكم ويوفقكم على طول ياااااااااااارب
|
اولا اود ان اشكر استاذى الفضيل عمرو الليثى على مجهوداته وانتى كمان ياهند اشكرك جدا لفتح باب المناقشة فى الموضوع ده.
فعلا انا لاقيت هجوم غير عادى على البرنامج ولا افهم ماذا يريدون هؤلاء (لا السكوت عاجبهم ولا الكلام عاجبهم) وكما قال رسولنا ومعلمنا الكريم (فمن لم يستطق فبقلبه وذلك اضعف الايمان) وهذا ما فعله الاستاذ عمرو يحاول بكل ما لديه من طاقة (جزاه الله خير) أن يغير حالة الشارع المصرى إلى الأفضل وذلك بتوصيل أصوات الناس إلى المسئولين وكافة طبقات المجتمع التى تأكل وتنام ولا تشعر بغيرها ليس (تشويها لصورة مصر) لأنها بالفعل مشهوة. سدد الله خطاك وحماك وثبتك على الحق يأستاذى وتبقى كلمة (إن اريد إلا الإصلاح ما استطعت وما توفيقى إلا بالله عليه توكلت وإليه أنيب) |
فى مقولة بتقول
عدو الفشل واحد وهو صاحب الفشل انما عدو النجاح ملايين اعتقد الفكرة وصلت |
احب ان اقول ان برنامج الاستاذ/عمرو الليثى احسن برنامج على جميع القنوات الفضائية ومن البرامج التى حازت على اعجاب كل الدول العربية والدليل جائزة اليونسكو لاحسن برنامج فى التنمية البشرية واحنا كلنا مع الاستاذ /عمرو الليثى وربنا يكتر من امثال الاستاذ عمرو وهو انسان بمعنى الكلمة وهو كالشمعة يحترق من اجل الاخرين وخلي اللي يتكلم يتكلم ومصر لسة بخير والله فى عون العبد ما دام العبد فى عون اخيه
|
اعداء النجاح كتير وده دليل على نجاح البرنامج
|
احسن برنامج
كلنا بنحب الاستاذ عمرو وندعو الله له بالنجاح والتوفيق
|
حاجة غريبة
|
السلام عليكم ورحمة الله وبركاته
اولا يااستاذه هند جزاكى الله كل خير على مجهوداتك فى المنتدى ولكن الهجوم على البرنامج وعلى الاستاذ عمرو شىء طبيعى جدا لاننا بنلاحظ دايما فى اى برنامج مستضيف مسئول عندما يتصل الناس ويعرضوا مشاكلهم نجد المسئول بمنتهى اللباقه يرد على الناس انه ليس هناك اى تقصير بل الشعب دايما هو اللى مقصر وهو اللى بيخرب فى البلد وفى ناس بتصدق لكن برنامج واحد من الناس اثبت صدق الناس فى شكواهم واثبت ........... لان البرنامج صوت وصورة (واقع ملموس) مما يجعل الصورة واضحة امام الجميع فلا يجد المقصر سوى الاعتراض على البرنامج وانا من رايى ان محدش منهم اعترض وقال ان العشوائيات مش موجودة وان الشكاوى ليست حقيقية والا كان اثبت صدق كلامه وجاهد ليظهر مجهوداته ولكن الاعتراض بان البرنامج بيشوه صورة مصر يعنى بالعقل لما يكون عندى مشكلة معينه اواجهها واحاول احلها ولا اهرب منها واقول اصلا مفيش مشكله فالهروب من المشكله لا يحلها وانما يزيدها ويعقدها ولكن الاعتراف بالخطا اول خطوة فى حل المشكلة |
والله يا هند الحكومة عايزة تموت الناس طاقين .
وهى مين الحكومة دى مش الشعب هو اللى اختار الناس دى علشان يديرون البلد لية بيعملو فينا كدة والبرمامج اللى بيفضحهم ويعرف الناس الغلبانة حقيقة الحكومة عايزين يقفلوة س1 هل لو الحكومة دى حست بالشعب الغلبان دة هيبقى ده حال مصر بلدنا؟؟؟؟؟ |
لو سمحتم عايزين رقم تليفون الأستاذ عمرو لموضوع خاص
وشكرا |
الى السيده المحترمه الجليله /هند محمد
تحيه طيبه وبعد اريد ان اعرف سيادتك انتى فى بلاد لاتقدر ولاتشعر بالفقير فقد اصبحنا فى بلاد الرئس ماليه المستعمره ويئسفنى وانا ابن هذه البلد الكريمه التى كانت تعرف كلمة لا فى عهد الملكيه وكانت تجد لى شبابها ورجالها الطعام فى عز الغلاء وكان المواطن يحس بالحسره من استعمار الترك والانجليز الى انهو كان يحس انه له مترك الحريه فى البحث عن حريته الى ان المفاجئه ان استعمر الانسان وهو فى قمه الحريه التى كان يبحث عنها اجداده فا انا ابن مصر ابى متوفى معاشه الشهرى 300جنيه وامى مدرسه مرتبها 200 جنيه وانا متزوج لااجد قوت يومى الى فى العمل الحر الذى لايضمن لى الاستكرار واعانى من المرض واهوا الفن بشكل لايعقل وتقدمت الى معهد الفنون المسرحيه الذى اسميه معهد الكوسه والمهلبيه للوسطه المحليه والعربيه اوللتحرشات الجمعى من شواز اوشعريه وانا لا اعرف ده ولا ده ولو مش مسدقين روحو اتفرجو بعد الاختبرات وشوفو المواهب الحقيقيه وهى بطحطم على الرصيف وبجد نفى اتعزم مع الفنان عمر الثى واتكلم حتى مش ادام كميرا ولكن مقابله شخصيه بس ياهلتره هيسعلى وقت من وقته لوحد من الناس يشوف مأساتى ومأسات جيل بحاله طالع لنور محطم من كل الاتجاهات اخوكم شريف محمد 0128513286 وحسبى الله ونعم الوكيل فى كل من أفترى بالباطل |
اسف لأخطء الغويه لعطل بالجهاذ وفى شخصياً
|
[align=center]بسم الله الرحمن الرحيم [/align]
يا جماعة ببساطة جدا أبسط رد علي كل الهجمات دي هي الاستمرار في العمل الجاد اللي بيحبب الناس في البرنامج وبيساعد كل فقير ومش بس كل فقير كل واحد مش لاقي نفسه ومش عارف هو رايح فين ومش عارف يحدد طريقة اتمني من الموالي عز وجل ان الهجوم علي البرنامج او جزء منه ميأثرش علية |
أقول للأستاذ عمرو طالما قاصد وجه اله في البرنامج ده سير في طريقك دون ان تلتفت لاعداء النجاح أو من يريدون اسكات صوت الحق
وأقول للناس دي ** إن لم تستحي فافعل ما شئت ** |
اسفه على كلمة الله
|
لاحول ولاقوة الابالله العلي العظيم أستاذ عمرو لانه يتكلم بصدق وامانة
ويساند الناس الغلابة . اني مواطنة غير مصرية ومع ذلك شدني ماقامه به الجرئ الشجاع من اعمال و نزوله الى الشارع المصري والمناطق العشوائية الذي لم يقوم به اي مسؤل ..ربنا ينصرك ويخليك للغلابة والمحتاجين |
عايزين تعرفوا ليه!!!!!!!!!!!!!!!!!!!!!!!!!
عايزين تعرفوا ليه عايزين يوقفوا الفقره دي
1_لانها بتعبر على الناس اللي مثلي ومثلك 2_لانها بتقف جنب الغلابه اللى هم برضه مثلي ومثلك 3_لانها قبل ده كله بتقدم من واحد من الناس اللى هو الاساتذ عمرو وطبعا شخص محترم وليه محبينه علشان كده مش عايزينه يتكلم ويعبر عننا 4_لانها بتقدم من واحد حاسس بينا وبغيرنا وشخص مكرس جهده كله لينا واللى زينا 5_لانه خايف على مصالح الشعب اللى انشاء الله هيضيع بسبب اللى قاعدين على الكراسي ده اذا مكنش ضاع 6_لان اللى قاعدين على الكراسي والمسؤولين مش عايزيين الاتكنيز الملايين وكل ده على حساب الشعب الغلبان لانهم ليه يساعدوا منطقه فقيره مفيهاش ميه او كهرباء او عايشيين فى مجاري ليه يصرفوا عليها رغم انهم مش هيدفعوا حاجه من جيبهم دي فلوسنا وحقنا والضرائب اللى بيخدوها مننا 7_يوم ميجي يفكر واحد يدافع عننا يسكتوه بالقوه او يلفقوا حاجه ليه علشان يسكت ميتكلمش ابسط حاجه الاساتذ وائل الابراشي يوم متكلم الوزير لفقله تهمه تحريض الشعب على عدم دفع الضريبه هههههههههههه شوفتم حاجه زي دي فى اي دوله 8_لانه جرئ لايخاف اي شخص حتى ولو مسؤول وبيطلع على الشاشات بيقول ده بصراحه وبيفضح اي مسؤول متهاون عن عمله وبيخاطبه لعل وعسى يحس ويتحرك 9_عرفتم ليه عايزين يوقفوا الفقره دي ارجوا ردي يصل للاستاذ عمرو انا من اشد معجبينه ربنا معاك يا أستاذ |
اتفرج وقول ياسلام
شركة الغاز الإسرائيلية تنفي قيام مصر بإعادة شراء الغاز المصدر لتل أبيب القاهرة- أكدت شركة الغاز الإسرائيلية أن ما تردد موخرا بأن الحكومة المصرية تنوي إعادة شراء بعض كميات الغاز التي باعتها لإسرائيل بسبب النقص في الغاز الطبيعي والتيار الكهربائي في مصر، إدعاءات عارية من الصحة. ونفت شركة الغاز الإسرائيلية جملة وتفصيلا ما نشرته صحف محسوبة على المعارضة من أن الحكومة المصرية تنوى إعادة شراء بعض كميات الغاز التي باعتها لإسرائيل بسبب النقص في الغاز الطبيعي والتيار الكهربائي في مصر. وكانت صحيفة "معاريف" الإسرائيلية قالت في وقت سابق، إن وزارة البترول تنوي إعادة شراء نحو 1.4 مليار متر مكعب من الغاز الطبيعي، وهي نصف الحصة التي تستوردها إسرائيل من مصر، لإعادة تشغيل معظم "توربينات" محطات توليد الكهرباء المعطلة حاليا لنقص كميات الغاز. وتقوم شركات توزيع الكهرباء بتخفيف الأحمال (قطع التيار الكهربائي) عن معظم مناطق الجمهورية لساعات طويلة، بسبب نقص الغاز ما تسبب في خسائر كبيرة للشركات، وتنامي الغضب الشعبي ضد الحكومة. وأكدت الصحيفة العبرية نقلاً عن مصادر بوزارة البترول أن مصر ستضطر لشراء نصف الحصة التي تبيعها لإسرائيل بالأسعار العالمية والتي لن تقل عن 10 دولارات ونصف، بما يعني أن مصر ستدفع لإسرائيل نحو 14 مليار دولار في أحسن الأحوال، في حين تحصل إسرائيل على تلك الكمية من مصر بنحو 2 مليار دولار فقط. وتصدر مصر المليون وحدة حرارية من الغاز لإسرائيل بسعر يتراوح من 0.7 إلى 1.25 دولار، في حين أن تكلفة إنتاج الوحدة في مصر تتعدى 2.75 دولار، وفى حين تبيع قطر لكوريا كل مليون وحدة حرارية بـ 12.10 دولار (في يناير 2010)، وبـ 11.4 دولار في فبراير، وبـ 11.38 في مارس، أما عًمان فتبيعها بـ 11.94 -12.74، وإندونيسيا بـ 9.58- 9.13-10.6 . وأشارت الصحيفة إلى أن وزارة البترول ستتقدم بطلب شراء رسمي خلال هذا الأسبوع للجانب الإسرائيلي للموافقة عليه، فيما تتوقع أن يرفض الجانب الإسرائيلي الطلب أو أن يبالغ في سعر البيع.يذكر أن المهندس سامح فهمي وزير البترول أعلن في مؤتمر صحفي في يناير الماضي عن عزم الوزارة استيراد الغاز الطبيعي من الخارج لتغطية العجز الكبير في الغاز المستخدم في الاستهلاك المنزلي أو الصناعي. وتراجع فهمي عن تصريحاته بعد سيل الانتقادات الحادة وطلبات الإحاطة التي قدمت ضده في مجلس الشعب، والخوف من أن يستخدم قراره كدليل من رافعي دعاوى وقف تصدير الغاز لإسرائيل على عدم كفاية الغاز المنتج في مصر للاستهلاك المحلي، ومن ثم الحكم بإلغاء عقد تصديره لإسرائيل. المصدر: راديو إسرائيل، مصراوي، محبي السيد الرئيس. حسبى الله ونعم الوكيل |
الى الاخت /هند ردا على سوالك وبكل اختصار اقول لحضرتك اعداء النجاح موجودبن بكل مكان الانسان المحترم يارب والشريف ايضا يحارب والصادق ايضا يحارب والذى ينطق كلمة الحق يحارب ولكن عندما نقف وقفة الرجال بكل من يحارب هذا البرنامج فيستمع صوتنا باذناللة واللة الموفق
|
الواحد مش عارف يعمل ايه بس علشان يرتاح فى بلده يعنى الاستاذ عمرو بيتعب ويحارب علشان الناس وعلشان يداوى على قد ما يقدر جراح ناس تعبانه وهو مش محتاج حاجه من حد وبرده مش سايبينه فى حاله
كلنا عمرو الليثى واللهم معك ويقويك |
[align=center]الاخت هند محمد سؤال سهل الرد على موضوعيك
لماذا الهجوم على ابرنامج واحد من الناس وهو لان البرنامج الوحيد الى حاسس بلناس وبحول يعطى لهم بعض من حققهم ودة طبعا ضدد ناس كتيرا جدا حسبى اللــــــــــــــــــــــــــه ونعم الوكيل فى كل من يمانع فى اعطاء حقوق الناس تقبالى مرورى والى الامام ان شاء الله [/align] اخوكم واحد من الناس عايش |
ربنا يحفظ البرنامج لانه يعتبر منفذ للناس كلها ،
ان شاء الله ربنا يحفظ البرنامج وصاحبه الاستاذ عمرو |
إذا كانت مصر كلها عشوائيات في كل شيء، فكيف نلغي فقرة العشوائيات من برنامج عمرو الليثي؟ أنظروا إلى أرقى أحياء القاهرة والإسكندرية هل تخلو من العشوائية وعدم النظام؟ أنظروا إلى حياتنا السياسية هل تخلو من العشوائية وعدم النظام؟ أنظروا إلى التعليم الأساسي والتعليم العالي هل يخلوان من العشوائية وعدم النظام؟ قس على ذلك كل شيء في مصرنا الحبيبة، لو كان هناك تخطيط ونظام ما عشنا في هذه العشوائية، وبالتالي يجب أن نعرض ونناقش ونضع الحلول حتي ينصلح حال البلد وتختفي العشوائية
|
يا حكام البلد دى ارحمونا حرام عليكم ارحموا من فى الارض يرحمكم من فى السماء جعلتونا مسخة لدول العالم كرامتنا فى الارض . انا من الناس كنت فى احدى دول الخليج وهناك بيعيرونا بفقر وبنسمع اقذر الكلام ونشوف الذل والمهانة . بسبب حكام مصر الى هى فى الاصل علمتهم الطب والهندسة . ارحموووووووووووووووووووونا جوايا نار مش عارفة اطلعها
|
نعيب زمننا والعيب فينا وما لزمننا عيب سوانا
نجهر زمننا بلا ذنب ولو نطق زمننا لهجانا هكذا حال البشر اقول صراحه ان الاستاذ عمرو الليثى لو كان فى كل محافظات مصر واحد مثله لكان حال الشعب تغير وغار منه بعض الناس لكى يكونه مثله او بنسبه بسيطه فى اعمال الخير التى يقدمها الى الناس المحتاجه فالمحتاجون فى بلدنا كثيرون جدا اكثر من 90 فى المائه اطال الله فى عمره ووفقه لما فيه الصواب |
من يحارب البرنامج هم اعداء النجاح
يحاربون الرجل النزيه الشريف صاحب الكلمة الحرة |
تحية عطرة لكل الاخوان المشاركين
اعتقد ان من وراء ذالك كانت الحكومة السابقة المخلوعة والحمد للة اننا بعهد جديد سواء الان بعد عام لن تفرق لاننا باتجاة قوى للامام البرنامج لن يتوقف اى فقرة فية لانها فقرات لن تختلق انة واقع وحقيقة نعيش فيها واعلم ان البرنامج والاعداد باقة جميلة من النفوس الطيبة واحسيس نبيلة ويترئسهم الاستاذ الفاضل عمرو الليثى شكرا على قبول المشاركة |
يقول الله تعالى فى كتابه العزيز بسم الله الرحمن لو اجتمعت الامه على ان ينفعوك بشيئ لم ينفعوك بشيئ الا قد كتبه الله لك وان اجتمعت الامه على ان يضروك بشيئ لم يضروك بشيئ الا قد كتبه الله عليك صدق الله العظيم [align=justify]سا استاذ عمرو انما الاعمال بالنيات ولكل امرء ما نوى انتا رجل صالح فمتقلقش من الناس دى مهما كانت نوعها او جنسيتها واعرف ان لو اى عمل بتقدمه سواء خير او شر فكله بايد الله عز وجل انا معرفكش شخصيا لاكن اتعرفت عليك من خلال اعمالك فتاكد ان لو انتا كل الى بتعمله دا مش بنيه حسنه مكنش وصل للناس دىى وقلقهم بالشكل دا وطلبوا بايقافه ودا اكبر دليل على انهم عمله مش عوزين االبلد تنصلح و مكنتش بقيت محبوب كدا من اكثر الناس حتى لو مكنتش ساعتهم فى اى شيئ يكفى انك بتعمل الى عليك واكثر تحياتى لك ومن معك وم هم من امثاك وادعو لكم بان تصلح حال هذه الدوله على ايديكم ويوفقكم ربى الى ما يحبه ويرضاه [/align] ربى تقبل اعمالهم ودعائى واياهم انك ربى لاسميع بصير |
يقول الله تعالى فى كتابه العزيز بسم الله الرحمن لو اجتمعت الامه على ان ينفعوك بشيئ لم ينفعوك بشيئ الا قد كتبه الله لك وان اجتمعت الامه على ان يضروك بشيئ لم يضروك بشيئ الا قد كتبه الله عليك صدق الله العظيم [align=justify]سا استاذ عمرو انما الاعمال بالنيات ولكل امرء ما نوى انتا رجل صالح فمتقلقش من الناس دى مهما كانت نوعها او جنسيتها واعرف ان لو اى عمل بتقدمه سواء خير او شر فكله بايد الله عز وجل انا معرفكش شخصيا لاكن اتعرفت عليك من خلال اعمالك فتاكد ان لو انتا كل الى بتعمله دا مش بنيه حسنه مكنش وصل للناس دىى وقلقهم بالشكل دا وطلبوا بايقافه ودا اكبر دليل على انهم عمله مش عوزين االبلد تنصلح و مكنتش بقيت محبوب كدا من اكثر الناس حتى لو مكنتش ساعتهم فى اى شيئ يكفى انك بتعمل الى عليك واكثر تحياتى لك ومن معك وم هم من امثاك وادعو لكم بان تصلح حال هذه الدوله على ايديكم ويوفقكم ربى الى ما يحبه ويرضاه [/align] ربى تقبل اعمالهم ودعائى واياهم انك ربى لاسميع بصير |
| الساعة الآن 07:21 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت