هبة النيل
 

مصر يــــاهبة النيل
شعبك حـــــر أصيل
وانتى أكيد على حبه
مش محتاجـــه دليل

شعب مثـال للطيبة
دمعة عينه قـــريبة
ويقول مصر حبيبة
مهما عليــــا تميل

شعب يـــــاخفة دمه
يضحك لو على همه
ومفيش غيرك أمــه
ومفيش ليكـــى بديل

ياللى فى حسنك آية
رفعة أسمك غــــاية
رايتك أجمل رايـــة
يــاام الحضن جميل

حتى الجيب لو فاضى
مش بيقول غير عادى
حـــــامد ربه وراضى
بكتيـــــــــر واللا قليل

وقت الشدة اتجمّــــــع
صوتــــه يدوى يسمّع
قــــام بشبابه ورجّــع
نسمة فجـــــــــر عليل

مين فى الكون اتصور
عصفور ريشه صغير
لما يطير ح يغيـــــــر
يمحى ظـــــــلام الليل

مصر صحيــح ولّادة
حب شبابها عبــــــادة
فاق فى صموده العادة
قـال أنا أعظم جيــــل