عمرو الليثى بيطلع درجات فوق كل ماينزل للمواطن تحت
 

الاستاذ عمرو الليثى

طبعا انت حاسس وشايف اد ايه بتعلى وتكبر فى عنين الناس و الشعب والمواطنين عموما
لانك وظفت امكاناتك ونزلت للناس الى تحت - عشان ترفع عنهم همومهم وتوصلها للمسؤلين والمحافظين الى فى ابراج فوق ومايعرفوش ولابيبصوش على الشعب الى تحت 0 لانهم بيقرفوا من الناس الغلابة لكن انت نفسك حلوة متواضع ومابتقرفش
كسبت حب الناس كلها 0 القادر والى مايقدرش 0 علمت حب الخير ومساعدة الى مايقدرش
وكشفت الاهمال والفساد واماكن فى بلادنا المسؤلين غايبة عنها ولطريقها مابتوصلش00
وصرختك فى وش المسؤل والمحافظ عالية فى التليفزيون : الى مايشوفش شغله ومصلحة الغلابة يرحل يروح بعيد ومايقعدش
نفسى اعمل زيك اواعاونك لاجل الخير فى قضايا كتير ما اتعرضتش 0 واكسب معاك
ثواب ربنا 00دى اصل الدنيا مابتدومش00
مبروك وصولك بلدنا دمياط وتسجيلك مع اخوانا واهلنا بشطا وقبلها جزيرة العزبى
كان نفسى اقابلك واشكرك واساعدك لكن النصيب ماحصلش00
و اسمع نصيحتى ليك 000
خليك بعيد عن المسؤلين والفنانين وبتوع لعب الكورة دول متلمعين جاهزين 00 ابعد عنهم
وماتلمعش 0 دول مش من عامة الناس الى نجحوك فى برنامجك واحد من الناس
والمقصود به من عامة الناس 0 لكن دوكهمة بيقولوا عنهم نجوم 0 لانهم حاسين انهم فوق فى السما غير الناس الى تحت000
بادعى لك معاهم ربنا يكرمك 0 ويعزك ويسعدك وعمرك ماتنضامش0

اخوكم
محمد وهبه الطرابيلى00 المحامى بدمياط

اهلا يا محمد يا ابن بلدي الاستاذ عمرو هدفه اسعاد الغلابه والفقراء ويعتبر الاعلامى الاول في مصر انه بينزل للفقراء والشغب الغلبان وبقربي الشديد منه مهما هوصف لك مدي اهتمامه بالانسان الفقير والحالات الانسانيه تعرف مقدار حب هذا الانسان للشعب الفقر

اما بخصوص الفنانين ونجوم الكورة والخ انا كنت في حوار مع الاستاذ عمرو من يومين
ورد عليا رد صريح ومباشر
ان البرنامج في الاول بيعرض حالات انسانيه ومشاكل عشوائيه تقطع القلب
فا لازم يكون في نجوم في الاخر عشان مش ينفع يكون البرنامج كله حزن

الاستاذ عمرو معروف انه بيقدم للناس النجوم دي عشان يعرفوا مين هما
والنجوم دي بردة مش محتاجه حد يلمعها

اتمني ان تكون فهمت كلامي