|
بحبك يا بلدى
بحبك يا بلدى بالرغم من كل شئ بحبك و حقى فيكى ضايع لا فيه وظايف ولا فيه صنايع ورغيف بيبكى ع الدقيق ولا البلاوى مالية الشوارع ولا حد ناوى يحل المشاكل وعضو مجلس وظيفته نايم تعالو نقعد ع المصاطب وقول يا عمدة كل اللى عندك !!!! بحبك يابلدى وماليش نصيب فيكى النهاردة تلاقى الغريب يلاقى المودة و صاحبى القريب مالوش مكان اتارى زمانا امره عجيب بُتُحكم بلادنا قسمة ونصيب !!! بحبك يا بلدى و غازك قتلنى تاخده الاجانب و لا ابن عمى!!! يشكى و يبكى م اللى جراله و لا حد يبكى ع هَم حاله يا عالم غيتونا رصاصكم قتلنى تعالوا الحقونا غازكم حرقنى نُبص بعينا بصَّة من فوق عليهم ويمدو بخوفهم لينا ايديهم نعمل عُمى و نغمض عينينا !!!! بحبك يابلدى يا ام الحضارة و لا انسى فيكى سفينة و عمارة سفينة تمشى تحت البحار غواصة ؟! ولا بتعدى جدار؟؟ !!!! و عمارة مايلة ع الجيران تسلم تودع كل اللى فيها اتاريها مايلة بحبة حطام و نسأل؟؟؟؟ و نسأل ؟؟؟ ايه اللى حصل ايه اللى كان يقولوا دا قدر كتبه الزمان و يروحوا يناموا !!!! بحبك يابلدى وفيكى البطالة و تبكى الشباب بالف حالة تُرد الحكومة انتم كِمالة نقول نهاجر نقول نغادر ارض الميلاد يمكن نلاقى هناك حلول يمكن نلاقى فلوس :.دولار نلاقى سفينة تاخدنا يا اخينا لعمق البحار و لا السفارة ف احلى عمارة سفيرها نايم لا هو عارف و لا حتى عايز و لا حتى قادر يرد الزمال !!!! بحبك يابلدى و فيكى المصانع لا حد فاهم و لا حد سامع نسينا اللى فات و غاز و جات و جدار و عازل لغزة فاصل و لا اسرائيل بتشرب دمانا و احنا بنكتب معاهدة سلام و ناكل و نشرب و نطيع اوامر الامركان و ننسى اللى كان و لا المكان شرم الجميلة عاملة ليلة بشوية كلام مالى ورق كلام يِهِنا و ياريته يرضِى بحبك يا بلدى اللى ابنها شاب اسمه خالد دى مصر كلها بقت خالد علشان ترابك بحبك يا بلدى بيموت علشان واحد من الناس بحبك يا بلدى انا واحد م الناس اسمه عمرو الليثى بحب بلدى قوى ولشبابها هاعمل اللى ربنا يقدرنى عليه وهاعمل واقول مش ابقى ودن من طين ولا ودن من عجين ارحمونا وسيبونا شويه نحب البلد ديا ما انا جاى ولازم اقف معاهم علشان حب الرحمن فى قلبى ومخلينى ابقى واحد م الناس وانسى المكتب بتاعى والكرسى كمان الكرسى بيدور وعجل بيتحرك واحنا البشر بنقول بحبك يا بلدى لما لاقيت السيت ام ابراهيم كفر منصور قاعدة ويا عينى عليها فى غرفه وكبيرها خمسين جنيه فى الشهر انا خليت الناس تبكى عليها من كلامها وحبها للاسلام اما انا قلبى بكى على حب بلادى وادينى ماشى وبادور فى وسط الاهالى على واحد من الناس هارجع واقول بحبك يا بلدى مع تقديرى وفائق احترامى لشخص الاعلامى الاستاذ القدير عمرو الليثى |
| الساعة الآن 08:47 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت