|
شارك برأيك: ما مصير هشام طلعت والسكري . بعد إلغاء حكم الإعدام وإعادة محاكمتهما .؟؟
شارك برأيك: مصير هشام طلعت والسكري بعد إلغاء حكم الإعدام وإعادة محاكمتهما ؟ حكمت محكمة النقض بقبول الطعن المقدم من رجل الأعمال هشام طلعت مصطفى وضابط أمن الدولة السابق محسن السكري على حكم محكمة الجنايات بإعدامهما لإدانتهما في قضية مقتل المطربة اللبنانية سوزان تميم. ونطقت محكمة النقض بالحكم في الطعن الذي قدمه هشام والسكري، ولم يكن مسموحًا للدفاع أو النيابة إبداء دفوع جديدة خلال الجلسة. وكان أمام محكمة النقض عند نطقها بالحكم في القضية أحد خيارين لا ثالث لهما، فإما أن تؤيد الحكم بإعدامهما والذي سيعد في هذه الحالة باتاً ونهائياً وينتظر التنفيذ، وإما أن تصدر حُكمها بنقض الحكم وإعادة محاكمة المتهمين أمام دائرة أخرى من دوائر محكمة جنايات القاهرة. فهل تعتقد أن الحكم بإعادة المحاكمة يعد تمهيدًا لتبرئة هشام والسكري في الحادث؟ أم أنه فرصة للقضاء للتحقق من صحة الحكم الأول بإعدام الاثنين؟ شارك برأيك من خلال التعليق على الموضوع |
بسم الله الرحمن الرحيم
السلام عليكم ورحمة الله وبركاته انا كنت حاسس انه مش هيتعدم ممكن يتسجن بس ويعيش ملك جو سجنه |
انا سمعت ان في ثغرة ولعب عليها المحاميون ان الي محرض مش يتعاقب لان الي قتل له عقل
بمعني ان هشام ملوش دخل حتي لو محرض وان محسن الي يسجن انا شايف ان القضيه هتستمر سنه كمان يعني كدة يبقا قضي سنتين هشام ممكن ياخد عشرة يقضي منهم خمسه اخصم منهم اتنين يبقا باقي 3 والخمسه التانين حسن سير وسلوك والله علم |
اقتباس:
بحييك على شجاعتك |
انا من الاول خالص قولت ان هشام طلعت مش هيتعدم حتى ولو فعلا ثبت حقيقتا انه حرض بالقتل فعلااااااااااا
وعلى راى الاستاذ على حتى لو فعلا ثبتوا ان هو حرض بالقتل وتمت معاقبته قانونا برضه هيخترعوا اى حجه عشان يخرج من السجن |
هما مش بيقولوا ان دم فاتن ليس اقل من دم سوزان يبقى السكس مش هيتعدم طالما هشام مش هيتعدم
|
انا حاسة ان رجل الاعمال هشام طلعت مصطفى برئ وان فى حد هو اللى مدبر العملية دى كمان هشام طلعت مصطفى رجل اعمال مصرى ناجح ذات كيان اقتصادى اكيد فى حد مضايق منه عشان كده دبر عملية قتل سوزان تميم
|
انا شايف انه رجل فى المكانه دى لو قتل او حرض هايقضيها بيه برة او جوة راجل يلبس ترينج النادى الاهلى بدل بدله الاعدام يبقى عليه العوض فى الكرامه الانسانيه دة لو راجل اى رجل وقتل مراته اللى بتخونه على فراش الزوجيه له حق الكرامه هاتبهدل عارفين ليه اللى ليه ظهر ما يضربشى على بطنه ولا ايه وعلى العموم دى ثغرات محامين وده ملعب للمحامى ودى لعبته اما اللى انا شايفه اللى قالو العدل المصرى يبقى العدل الكبير يعرف يحكم بنفسه وهو اعلم منى ومنكم جميعا ويعلم كل ما حدث ولا هاينفع الاستاذ فريد الديب ولا اى احد من الاعبين اقصد المحامين |
بالنسبه لقرار المحكمه فلا تعليق عليه عشان عندنا انزه واشرف قضاه فى العالم وربنا يحميهم
اما بالنسبه للجريمه فمن راى ان فى حاجه غامضه فيها لسه ما ظهرتش |
[align=center]
من رأى انه يوجد سر كبير فى هذه القضية ....وكما يقال اخيرا هناك شخصية عربية هامة فى الموضوع واكبر من هشام والسكرى...والمطلوب المداراة عليها حتى ولو بالتضحية بهما بكرة هنسمع وهنشوف واكيد العدالة هتاخد مجراها ولايمكن ان يكون هناك كبش فداء.. دى ارواح ................واعتقد ان هشام سيبرأ..والسكرى هياخد 10 سنين سجن والله اعلم ...........والمسألة الآن سجال بين المحامين والمحكمة.[/align] |
توقعاتي هشام طلعت مصطفي هيحكم علية بحكم مخفف والسكري هيكون الضحية بس مش اعدام
|
اتعلمنا ان القضية اللى تاخد راى عام مينفعش فيها الكوسة واللى جاب خكم الاعدام من الاول الصحافة وزالتليفزيون والشغل اللى عملوه
يعنى لازم حكم او..................يفضلوا يطوحوها سنة ولا سنتين لغاية الناس لما تنسى وبعدين كله عاى يعنى ممكن براءة او تعويض طبعا لهشام عن الفترة اللى قضاا فالسجن |
اولا انا باشكر حضرتك جدا على حلقه المحامى فريد الديب واسئله حضرتك كانت جميله وعميقه بس هو برده كان حويط قوى و لما هوبيقول ان كل الناس هاتقف امام الله ليحكم بينهم نفسى يقف امام القاضى ويقول الحقيقه مره واحده قبل ما يقابل ربنا
انا رايى ان هشام و محسن هايتعدموا بس بعد فتره المحاكمه الثانيه وان فيه شىء حدث لان المحكمه لم تقتنع فى جلسه النقض الاولى باسباب النقض المقدمه من الدفاع فايه هو يا ترى السبب اللى غير رايها؟ |
[align=center]
السبب الذى غير رأى المحكمة وجود ادلة جديدة ومنها مثلا :ظهور شخص طويل عريض فى الصور وكان يعرج ..من هو؟؟ وهناك اوراق منزوعة من تحقيقات النيابة فى دبى. وكذلك وجود اكثر من طرف فى القضية يحمل لغزا .. .وانا اسأل لماذا يخطط هشام طلعت لقتل هذه المرأة وما الداعى لذلك والمفروض ان المعروض من النساء عليه كثير..ويستطيع ان بفعل ما يشاء فلماذا يقتل هذه المرأة التى مرت بين رجال كثيره وتقلبت بين احضانهم ؟ انا لااعرف هشام طلعت ولكن ماهو المنطق فى ذلك؟ وهو صاحب الثروة الكبيرة ..وابدا الغيرة لاتصل الى حد القتل ...مع امرأة كانت تباع وتشترى. انظروا الآن الى قصة مقتل قيادى حماس المبحوح وايضا فى دبى...من قتله..؟؟ اذن المسألة فيها اسرار كثيرة وستكشف الايام هذه الاسرار والالغاز. ابحثوا عن الفاعل الحقبقى ...........تكون دوافعه منطقية....[/align] |
اسفة وارجو من الاخ ممادو ان يتقبل نصيحتى سوزان تميم مسلمة وقد توفت ارجوا عدم الطعن فيها والتعريض بذلك فعرضها علينا حرام كعرض اى مسلمة نحن نناقش قضية ربما من المنظور العام او القانونى ولكن حتما ليس من قبيل التجريح والاهانة واتمنى ان لا اكون اغضبت احد
|
[align=center]
نحن لا نتكلم من الناحية الدينية ولكن كانت هذه المرأة سببا فى هذه الضجة ولابد من معرفة كافة التفاصيل والاسباب.........تعم للموتى حرمة ولكن هى لب القضية وهذا مجرد رأى بعيدا عن كونها مسلمة او خلافه فالموضوع لا يناقش من هذه الزاوية. وانا لست مع او ضد ولكن معرفة السبب الذى ادى الى حدوث القتل هو المطلوب معرفته. ومن ضمن الاسباب ماقيل عن حياتها ونحن جميعا لم نكن تعرف من هى؟ وبعدما رحلت اشتهرت..وكل واحد يريد ان يكون له نصيب فى الكعكة .........اذن وما التفسير فى وجود اكثر من شخص بقاتل فى المحكمة ليكون له نصيب ويقول انها كانت زوجته..... اين الحقيقة بعيدا عن الدين ؟ هذا الكلام قيل فى اثناء المحاكمة وليس من عندى..........وعموما انا آسف لعرض وجهة النظر هذه.........ولكن من فهمى ومتابعتى للقضية.وهناك مقابل ذلك اناس يخضعون للعدالة فلننتظر ونرى ماذا ستسفر عنها. هذا ما اردت توضيحه وشكرا للاخت حامدة على مراجعتى.[/align] |
| الساعة الآن 02:03 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت