الموقع الرسمي للاعلامي الدكتور عمرو الليثي

الموقع الرسمي للاعلامي الدكتور عمرو الليثي (http://amrellissy.com/vb/index.php)
-   قضايا وآراء (http://amrellissy.com/vb/forumdisplay.php?f=6)
-   -   حلم نفسي يتحقق (http://amrellissy.com/vb/showthread.php?t=16993)

واحد يهمه بلده 09-06-2010 05:31 PM

حلم نفسي يتحقق
 
الفكرة الا ابتدت معايا بحلم صغير اتمني انه يكبر لانه هيكون في خير لمصر فكرتي بتقول ايه بتقول اننا في مصر 80 مليون لو قلنا خصمنا منهم 30 مليون هيكون موجود 50 مليون وهيا دي الشريحه الا انا مستهدفها لو كل واحد من ال 50 مليون دول وافق انه يتبرع من مرتبه انه يدفع جنيه تبرع للناس المعدومة الا مش لاقيه تاكل هيكون معانا كل شهر لو المشروع اتحقق 50 مليون جنيه المبلغ كبير مش صغير ولا يستهان به 50 مليون جنيه كل شهر ال 50 مليون دول حضرتك عارف ممكن يعملو ايه ممكن ينشلو 160 الف اسرة من الضياع ممكن يجوزو 16الف شاب ويعفوهم كل شهر يعني كل شهر نقدر الشباب الا مش قادر يتجوز نيسر ليه الجواز ونعفه اه نقدر 16000 الف شاب كل شهر يعني في السنة 192000 شاب ممكن نخليهم يتعفو ومش يمشو غلط ولا يتضرو انهم يغتصبو المشروع دا لو اتعمل هيقلل معدل الجريمة في مصر حضرتك هتقلي طب انت ازاي هتاخد الفلوس من الناس هقلك لحضرتك اولا ان الموضوع تطوعيا واحنا هنلمس قلوب الناس علشان تحس بالناس يعني التبرع مش اجباري برضه حضرتك هتقولي ازاي هتاخد الفلوس من الناس هدي لحضرتك مثل علي شركة النصر للبترول مثلا هنقول بفرض ان الشركة فيها 5000 عامل وال 5000 عامل وافقو علي التبرع العامل هيمضي اقرار انه موافق يتخصم منه 1 جنيه او المبلغ الا يحدده لصالح الجمعية يعني ينفع حد يتبرع باكتر من جنيه اه بس انا بقول الحد الادني جنيه الاقرارات هتتقدم للشركة والشركة تبتدي تخصم الجنيه من الموظفين عند عمل شيبك المرتبات يتم عمل شيك بقيمة المبالغ المخصومة وايداعه في حساب الجمعية التي سيتم انشاءها لهذا الغرض وسيكون اسمها مصر لسه بخير طيب والناس الا مش موظفة وعندها مشاريع غير حكومية هقل حضرتك هتبقي عن طريق ايصال الكهرباء هيوقع انه موافق يتخصم منه جنيه هتقلي هيا الناس بتدفع رسوم النظافة لما تدفع رسوم التبرع هقل لحضرتك ان الموضوع تطوعي مش اجباري دا اولا ثانيا احنا هنلمس قلوب الناس طيب بالنسبة بقي للرقابة هتبقي الرقابة طبعا من الحكومة علي المشروع بس رقيب مش اكتر من رقيب طيب حضرتك تقول مهو رئيس مجلس ادارة الجمعية المفوض ممكن يسرقها وياخد ال 50 مليون ويهرب هقول لحضرتك من ضمن خطة المشروع ان رئيس الجمعية دي هيكتب اقرار علي نفسه انه موافق ان النائب العام يمنعو من السفر ومش يسافر غير باذن من النائب العام طيب فاضل نقطة ازاي الفلوس دي هتروح للناس هقول لحضرتك احنا هنعمل بحوث اجتماعيه في الجمعية علي جميع فروع الجمعية في انحاء جمهورية مصر العربية والا هيقوم بيها هتبقي ناس متخصصه وهينزلو ميدانيا مش بحوث من مكاتبهم علشان يوصل الدعم لمستحقيه بجد الناس هتاخد الفلوس ازاي برضه الناس الا هيتعمله بحث هيتعمل ليهم حسابات بنكيه باسمه علشان يروح ياخد الفلوس بنفسه من البنك وبرضه هتبقي فائدة للبنوك هدخله 50 مليون جنيه كل شهر في المرحله التانيه لو التبرعات مشيت كويس ممكن نستهدف 100 مليون ال 50 مليون التانيه لو كل شهر عملنا مشروع في محافظة شغلنا فيها الشباب الا مش لاقي شغل هتبقي اكيد مصر احلي والله مصر لسه بخير واهلها ناس طيبين انا عملت جروب ونشرت فيه الفكرة واسم الجروب مصر لسه بخير
http://www.facebook.com/group.php?gid=136841463027519&v=app_2373072738#!/group.php?gid=136841463027519&v=wall

واسف اني طولت علي حضرتك لاني عارف ان وقت حضرتك ثمين جدا

على الشامى 09-06-2010 07:37 PM

فكرة رائع بس مين هيسمعك؟

واحد يهمه بلده 09-07-2010 03:13 AM

الناس هيا الا تسمع انا عارف ان الموضوع صعب جدا بس يكفيني شرف المحاولة انا بس نفسي الجروب والفكرة تتعرف والناس تبتدي تحسبها وتقول رايها

نور الهداية 09-07-2010 03:14 PM

موضوع رائع وجميل وكنت بافكر فيه من زمان اننا لو كل واحد دفع 1 جنيه واحد بس هيبقى معنا 80مليون جنيه

واحد يهمه بلده 09-07-2010 05:48 PM

والله لو 50 مليون وصلو ل 100 مليون بالخمسين التانيه ممكن نعمل مشاريع اقتصادية كل شهر في محافظة يعني في خلال سنة ممكن نعمل 12 مشروع في 12 محافظة الموضوع بجد ياريت يتنشر او حتي علي الاقل نحاول نعرف الناس بيه ونشوف ردود فعلهم هتكون ايه ننول شرف المحاول ودا موقع الجروب http://www.facebook.com/home.php?#!/...p?id=654293862

نادية 09-07-2010 10:19 PM

ده على أساس إن مصر فيها 50 مليون موظف
وإزاى تعمل مشاريع وهو أساساً مافيش قيادة
حكيمة وأمينة

واحد يهمه بلده 09-07-2010 11:51 PM

مصر مفهاش 50 مليون موظف بس فيه ناس بتشتغل وناس اصحاب محلات وبعدين احنا ملنا ومال الحكومة دا هيبقي مشروع خيري ماله الحكومة بيه وعدم الثقه دي هيا الا مودينا في داهيه لازم كلنا نبتدي نخاف علي بعض نحس باوجاع بعض انا عارف ان في ناس هتقول دا كلام انشاء بس علي ايام عمر بن عبد العزيز مكنش في فقير ولا شخص مش لاقي يتجوز وكانو بيرمو الحبوب علي الجبال من كترها علشان كان في خير ان لا يغير مابقوم حتي يغيرو مابانفسهم

نورهان 09-08-2010 06:39 AM

هى فكرة حلوة جدااااااا
ولو حصلت بجد البلد دية هتبقى احسن وعلى الاقل هيبقى فى امل للشباب اللى فقدوة
كل التوفيق لحضرتك وللمشروع

احمد مختار 09-08-2010 10:21 AM

ياريت الفكرة تتحقق
بس طبعا محدش من الحكومة هيوافق عالكلام ده

واحد يهمه بلده 09-08-2010 11:13 AM

يجماعه الاول الفكرة لازم تنتشر وبعد كده نشوف هنعمل ايه ومن ناحية ان الحكومة مش توافق الموضوع قانوني لان هيكون تحت جمعية خيرية هتتنشاء باسم الجمعية والجمعيات الخيرية بتاخد تبرعات وهبات دا من اساس شروطها انا قريت القوانين الخاصه بالجمعيات الخيرية

واحد يهمه بلده 09-14-2010 10:56 AM

ليه ياجماعه في برامج المسابقات تجري نشترك وتكون سعر الدقيقه 5 جنيه واكتر واحنا عارفين ان ده كل ضحك ع الناس اهم شئ يلموا الفلوس ومش بتفرق معانا ليه بقي تفرق معانا بالقوي لو جينا نتبرع بجنيه ونعد نحسبها هيجمعوا كام بالجنيه ده طيب ماتحسبوا هما هيجمعوا جام بالخمسه دي ع الاقل انتوا ممكن تتابعوا بنفسكم الجنيه ده هيروح فين وهياخده مستحقيه ولا لا كل واحد فيكوا ممكن يكون مشرف ع امواله واموال غيره غير الدوله طبعا اللي مش عارفين الضرائب اللي بتاخدها بتوديها فين ولا بنشوف حاجه ومن اللي هي بتقول عليها ولا البرامج الكاذبه وحتي لو نحن كاذبين اسمكوا عملتوا خير واحنا اللي هنتحاسب مش احسن برده ومن الاشتراكات الواهيه....مجرد رأى

واحد يهمه بلده 09-16-2010 12:12 PM

http://www.youm7.com/News.asp?NewsID...=203&IssueID=0

علشان الخبر دا انا بنادي للمشروع بتاعي بجد البلد محتاجة يكون فيها خير لما الواحد يقري خبر زي دا يقول ايه

واحد يهمه بلده 09-16-2010 09:49 PM

عدد الناس الا شاهدو الموضوع 60 شخص عدد الردود 11نا يجماعه ياريت بجد تساعدوني انا مش عاوز اكتر من الناس تعرف الفكرة ويبقي عندها وعي اننا ممكن بجد نغير من نفسنا

mheikal1981 10-09-2010 10:45 PM

فكرة جميلة و لكن وردية شوبة.لأن الحكومة تفعل ذلك بنظام الضرائب.تابع أول مشاركة لي يمكن تساعد في تحقيق حلمكزولا تتوقف عن التفكير

واحد من الناس عايش 10-12-2010 02:41 PM

[align=center]مكنش حد غلب لو انا وانت موافقين بكد مين تانى هيوافق بكلام دة
طيب وحتى لو ترعنا لبعض مين هيلم التروعات الحكومة طبعا صح ههههههههههههههههه
يباء زودنا المبالى طين يعنى تكون جتلهم على الطب طاب
ولا نخالى كل عضو من مجلس الشعب يلم من المدينة الى يرقصها
سدقنى لا اتريق ولا اسخر من هذه الفكرة والله فكرة جميل بس لو حد سمعك [/align]

واحد من الناس عايش 10-12-2010 02:51 PM

[align=center]بس انا عندى اقتراح ممكن يحقق لك الحلم او بعض من هذا الحلم
تعالو نبداء بنفسنا مع مساعدة الاستاذ عمرو والاستاذ على الشامى يعنى احنا فى المنتدا كام عضو يعنى جميع اعضاء المنتدا تبدا بلفكرة ويكون رئيس الموضوع الاستاذ عمر الليثى ويعمل حملة فى البرامج صحيح احنا هيكون عددنا صغير لكن سدقونى ممكن الموضوع يسمع للناس كلها ويكبر ويتحقق الحلم يعنى اوعو تنسى اول ظهور للاسلام وماذا عانى رسولنا الكريم صلى الله علية وسلام تعالو نجيب دة تشبة دة انا واحد من الناس موافق اتبرع مش بجنية لكن هتبرع بلى اقدار علية اية رئيكو [/align]

واحد يهمه بلده 10-22-2010 03:24 PM

يجماعة انا شاكر لكل فرد رد عليا وانا فعلا ابتديت عمليا احقق الحلم ودا منتدي انا صممته مخصوص للفكرة هنبتدي الاول بنفسنا ياريت حضرتكم تقولو رايكم http://7olm-kol-masr.7olm.org

رناالسيد 10-27-2010 11:45 PM

فكره جميله جدا

رونى الشاعر 11-19-2010 05:33 AM

فكره ممتازه على فكره انا كمان فكرت فيها زمان بس قولت مين هيسمعها عما ربنايوفقك وتلاقى الىيسمعها مشكور اخى

الاميرة السمراء 11-19-2010 02:18 PM

فكرة حلوة ومهمة جدا ياريت تنفذ فعلا
بارك الله فيك يااخي الفاضل

احمد عبد الله5 11-19-2010 02:49 PM

انت انسان قلبك طيب

كلام جميل وفكرة ممتازة

ولو عندنا افكار مثلها مفعلة ويتم العمل بها سيتغير حالنا بالتأكيد

ربنا يكرمك


الساعة الآن 02:57 PM.

Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المشاركات والمواضيع بالمنتدى تعبر عن وجهة نظر كاتبها ولا تعبر بالضرورة عن وجهه نظر الموقع
الموقع برعاية الشركة المصرية لتطبيقات الانترنت